Ia lelei aoaoina auala mo le faatinoina o galuega, o le puipuiga sili lea mai faamata’u ma solitulafono –e mafai ona tupu mai pe a faatalale, le popole ma le faatauaina le auaunaga, nisi ia o auala e mafua ai ona sao mai auala e lepetia ai le saogalemu i le faatekonalosi. Ia mafai e le aufaigaluega ona faataunuuina le auaunaga i le faalagolago i lo latou lava tomai ma le iloa ma ia amio pulea i taimi uma.
Sini
O le sini autu ina ia maua e le aufaigaluega le amio o le fesiligia oi latou lava i fesili nei –ma ia iloa tali sa’o:
- “O a faamaumauga e mafai ona ou faitauina?”
- “O le a le mea e tupu pe a i ai se solitulafono..i le faalapotopotoga/ po’o a’u foi?”
- “O a ni afaina?”
- “O a ni auala e foia ai faafitauli ua faatulagaina?”
Faatinoina o A’oaoga
O le faaupuga masani: “Na ou lagona ma ua galo. Na ou vaai ma ou manatua. Ou te faatinoina ma ua ou malamalama” E moni ma faamaoni nei faaupuga i le lalolagi o faamaumauga ma lo latou puipuiga.
E tele auala ma metotia e mafai ona e faatino ai le aoaoina o lau aufaigaluega. E eseese a auala e faatatau i le ituaiga kamupani, aemaise mo i latou o faafofoga mai ma faaogaina le aano o lau feau o tau momoli atu. O le mafuaaga lea e alagatatau ai ona fau/faia se aoaoga e fetaui tonu a ma lau kamupani. Ia fa’aaoga auala eseese e momoli ma faatino ai, ia malie foi ina ia ofi gofie, aemaise ia maua le avanoa e faasoa ai ma le aufaigaluega I taimi o ia aoaoaga.
- O vasega i potu aoga e mafai ona maua ai le mafutaga fefa’asoaai, ma ua masani ma fiafia ai foi le toatele aemaise a pe a lelei ma mataalia le faiaoga.
- O vasega i luga o masini poo komipiuta e lelei tele foi aua e mafai ona faamasani ai I polokalame ma le faaaogaina o ala faatekonalosi, ma e mafai ona aoao faavaega eseese. E masani a ona fai i taimi e avanoa ai le tagata faigaluega. E mafai foi ona maua ai ma se avanoa e fetufaai ai le silafia.
- O vasega faasavali faavaitaimi e fetaui lelei mo le aoaoina o ni vaega fou, aemaise foi mo kamupani e i ai nisi lala.
- O vasega e faia fa’aata tifaga poo videos o se faiga lelei foi mo auaunaga faapitoa,i pei ona taatele i le You Tube.
- O pepa o faamatalaga e lelei foi e maua ai le faamanatu i mataupu lautele poo mataupu faapitoa.
- O vasega faatalatalanoa i luga o se laulau/poo le taimi o fai ai se taumafataga o se faiga lelei foi, e maua ai le fiafia ma mafuta faatasi.
- O imeli e mafai ona faaaogaina e faamanatu ai taimi o aoaoga ma valaaulia ai le aufaigaluega e auai I ia aoaoga.
Taimi o aoga ma toleniga mo le galuega
- O le aso muamua lava e amata ai ona faigaluega le tagata ia iloa ma malamalama i Tulafono ma tu a le kamupani aua le malu puipuia- ma ia faataitai pea seia oo ina matua lelei- tutusa lava lea ma le tatau ona malamalama le tagata faigaluega i faitotoa e ulufale ai i le fale faigaluega.
- Ia faataitai pea seia oo ina iloa ma masani.
- Ia faia pea nei faataitaiga ma faamanatu pe a i ai se faafitauli e ono tulai mai.
- Ia avanoa ma fai fai pea aoaoga ma faafouina ia pe fai foi i tausaga uma.
- Ia faailoa i le aufaigaluega lenei upega tafailagi ma isi auala mo le saogalemu ina ia mafai ona o latou asiasi i ai ma faamasani.
- Po’o le a lava le auala o aoaoga e faaogaina, ia i ai lava ma se aotelega o mafuaaga e taua ai le malu puipuia o faamatalaga, ia i ai foi ma auala mo le foia o faamatau ma afaina.
- Ia i ai ma Tulafono a le kamupani, pei o Tulafono faatatau i le fa’aaoga tatau.
- O faamatalaga fai fai pea pei o le faapefea ona fesootai i masini komipiuta a le kamupani aemaise foi le suiga o le upu faailoilo mo le fesootaiga.
- O ai e faafesootai pe a manaomia se fesoasoani.
- Uluai silafia o faamatau, pei malware, hacking, fraud, software piracy, harassment, data protection, ma le puipuia o mea totino.
Saogalemu Lautele
E tele faafitauli e fetaui ma le tagata e faaaogaina le pisinisi, tai pei foi o faafitauli e fetaiai ma le e fa’aogaina se fale. Ae o le eseesega, o le sese o se tagata faigaluega e aafia uma le pisinisi/kamupani, ae o le tagata e faaogaina se fale, e aafia ai a na o le e ana le fale. Ia ma leisi, e i ai foi ma isi faafitauli o le a fetaui ma le e ana le pisinisi, e manaomia ai fuafuaga faapitoa.
- Saogalemu o lau telefoni feaveai ma lau komipiuta: O auala e fa’aaoga ai, ki le polokalame mo le malu puipuia ma ia aua nei malware.
- Fa’aaogaina le upega tafailagi ma le saogalemu, ia iloa tape faamatau e feosofi mai, aua le asiasi i upega solitulafono, ma ia iloa fa’aaoga fesootaiga tau teugatupe.
- Amioga: saogalemu o lou tagata, imeli taufaasese, upu faailoilo mo fesootaiga, taufaasese ma ono gaoia ou faamatalaga ma auala e taofi ai, ma mea e fai pe a leiloa poo le a se mea a fai.
- Pisinisi: Malu puipuia o faamaumauga, Tulafono tau aufaigaluega, Tulafono faakonekarate, puipuia o faamatalaga o mea totino faatatau i le kamupani -ma foia le faaleagaina ma le faaogaina faagaoi o polokalame.