Tusa lava pe e te fa’atuatuaina ia tagata o lo’o outou faigaluega fa’atasi, e tele ni fa’afitauli e ono afaina ai le puipuiga o fa’amatalaga a le matagaluega. I le itu tau fa’amaumauga ma le tagata e ana, e matua faigata tele ona va’aia lelei fa’amaumauga a le kamupani pe a fa’atagaina le fa’aaogaina o masini a le tagata lava ia, i nai lo o le sefeina i le lotoifale o le kamupani…po’o se upega o feso’ota’iga, po’o le cloud, po’o se masini fe’avea’i a le kamupani.
E faigata ona va’ai lelei e le kamupani le masini a le tagata faigaluega, ma e faigata ona iloa po’o a fa’amaumauga sa sefe i totonu o le masini pe a fa’apea ua le iloa pe gaoia; ma a o’o ina alu ese le tagata faigaluega, e faigata tele ona toe maua mai. E faigata ona fa’aaoga le gagana fa’apitoa (encrypt) i masini a tagata faigaluega. E ono solia ai le tulafono o le Data Protection Act. Ma fa’apea e fa’aaoga e le tagata faigaluega sana masini mo lana galuega, e iai le fa’ailoga fesili e uiga i tagata e tatau ona fa’atinoina ma fa’atupeina se fesoasoani mo lea vaega.
Mea e ono tutupu
- Gaoi e le tagata faigaluega faamaumauga a le kamupani
- Le iloa pe gaoia fa’amaumauga a le kamupani pe a le iloa pe gaoia le masini
- Ogaoga ma mata’utia le afaina o le system a le kamupani ona o le malware
- Ua le ogatasi ma tulafono masani a lau matagaluega
- Matua tele tupe fa’aalu i le fa’aleleiga o masini fa’atekenolosi ae le o malamalama iai nisi
- Ua silia ma le tulaga fa’atapula’aina ona o tagata faigaluega o lo’o fa’aaogaina faila lapopo’a (e pei o ata tifaga) i luga o le upega o feso’ota’iga a le kamupani
- Fa’ama’imauina e tagata faigaluega le taimi i nofoaga (websites) ese’ese/fa’aaogaina polokalame i o latou lava masini
- Le fetaui itu’aiga polokalame fa’akomepiuta
Fautuaga mo le fa’aaogaina o lau lava masini i le galuega
- Va’ai pe tatau ona fa’atagaina le fa’aaogaina o a latou lava masini i le fale faigaluega: e maua ai se mea aoga a le pisinisi pe a fa’atusa i lona tau ma fa’afitauli e ono tutupu?
- Afai e ioe, va’ai po’o le a se fua e tatau ona fa’atagaina ai le fa’aaogaina o masini a le tagata ia (itu’aiga masini, po’o le a le mafua’aga ua fa’aaoga ai, o ai e fa’aaogaina)
- Fai se iloiloga o fa’afitauli e ono tutupu ma ia mautinoa o lo’o iai se fuafuaga fa’ata’atia e fa’aitiitia ai le afaina o le pisinisi
- Va’ai po’o a ni mea e ono tutupu ona o le Data Protection Act
- Ia mautinoa ua iai le fa’aaogaina o masini a le tagata lava ia i totonu o au tulafono – fa’ata’ita’iga, o konokarate a tagata faigaluega ma fa’asilalsilaga mo tagta faigaluega.
- Va’ai pe le tatau ona e fa’aaogaina ni auala o lo’o maua i luga o le maketi mo le puipuia o masini