E le fa’apea la a iai se Fa’amaoniga Aloaia/Tusipasi Taualoa ona le lamatia ai lea o le saogalemu o aseta/fa’amaumauga fa’atekonolosi a lau pisinisi, ae e mautinoa ua mafai ona e faia se fesoasoani e fa’a’iti’itia ai le ono a’afia o lau pisinisi ma ona aseta/fa’amaumauga fa’atekonolosi. Ua amata ona fa’ataua ‘itu’aiga Fa’amaoniga Aloaia/Tusipasi Taualoa ia i le fa’agaoioiga o pisinisi ae maise aua ua amata ona ave iai le fa’ataua po o le fa’amamafa a le malo ma isi fa’alapotopotoga. Ua avea ai nei fa’amaoniga ma mo’omiaga/aiaiga e ao ona ‘usita’ia/ausia ona fa’atoa mafai lea ona fa’atino se pisinisi po o se auaunaga.
E aogā foi lea ‘itu’aiga fa’amaoniga pe a fa’atau pe sa’ili se inisiua mo lau pisinisi/’au’aunaga mai fa’alavelave e ono tutupu e a’afia ai fa’amaumauga/aseta fa’atekonolosi e ala i le fa’aaogaga o le initaneti.
‘Aia’iga Taualoa mo le Saogalemu pe a fa’aaoga le Initaneti
E tele ‘Aia’iga Taualoa o lo o iai e fua ai le tulaga o lo o iai le saogalemu pe a fa’aaoga le initaneti. O se tasi o fa’ata’ita’iga o ia Aiaiga Taualoa o le ISO 27001. E lelei lea ‘Aia’iga Taualoa ma e aloa’ia fo’i fa’avaomalo ae e tau fa’afaigata ona fa’aaoga e pisinisi laiti ma pisinisi feoloolo aua e pei e fua ia le ISO 27001 i pisinisi tetele. O lona uiga e le gata e ono tele le taimi e alu e fa’atino ai ae toe fai sina taugata. E sili ai la le su’e su’e mālie ‘Aia’iga Taualoa e fetaui ma lau pisinisi/’au’aunaga/fa’alapotopotoga.