Fa’atatau aua le va’aia lelei o numela po o fuaitau fa’alilolilo e fa’aaoga e pei o ni ‘ki’ e tatala ai fa’amaumauga/aseta/polokalame fa’atekonolosi po o masini o lo o loka aua le malupuipuiga

Ona o lea, e matuā tāua ai le va’ai toto’a o se pisinisi/fa’alapotopotoga i le filifiliga/fa’atulagaga o se fa’atatau e va’aia lelei ai le faia o ‘ki’ ‘ese’ese nei mo le puipuiga o fa’amaumauga/aseta/polokolamae fa’atekonolosi ma masini a le pisinisi. Ia ave foi lea fa’atatau ma vaega ta’ua o le Fuafuaga (aoaotetele) mo le Malupuipuiga o Fa’amaumaumaga a le pisinisi. E iai isi mea e mafai ona fa’aaoga fa’atasi ma fuaitau fa’alilolilo e pei o numela fa’aaopoopo po o igoa auā lava le taumafai ina ia matuā anagata ma mategata nei ‘ki’ ‘ese’ese.

Fa’aletonu e ono tula’i mai pe a le anagata pe mategata numela po o fuaitau fa’alilolilo po o ‘ki’ e tala’i ai imeli

E mafai ona fa’atino faiga fa’asolitulafono ma faiga taufa’asese e tagata e gaoia/matea numela po o fuaitau fa’alilolilo po o ki, e pei o le:

• Sao i au teugatupe.
• Fai fa’atauga ae fa’aaoga ai le igoa o le pisinisi.
• Pepelo ma taufa’asese ma fa’aaoga igoa o tagata faigaluega o le pisinisi.
• Lafo imeli e peiseaī o ia o se isi o le aufaigaluega ae leai.
• Ave, pe sao i fa’amaumauga puipuia a le pisinisi.
• Osofa’i le Upega Tafa’ilagi a le pisinisi.

Filifiliga o se upu tatala (password) anagata/mategata

Mea e ao ona fai:

• Ia fa’aaoga numela po o fuaitau fa’alilolilo po ‘ki’ i taimi uma mo so o se galuega.
• Ia fai ‘ese lava se numela/fuaitau fa’alilolilo aua le puipuiga o imeli.
• Mo le anagata o se fuaitau fa’alilolilo/ki aua le fa’aaoga ni upu e faigofie ona mate. E lelei le fa’afefiloi o fuainumela ma mataitusi lapo’a/laiti ma fa’ailoa e pei o le fa’ailoga fesili, upu ofo ma mea faapena.
• O le tele o mea’ese’ese e palu fa’atasi o le atili anagata lena o le ki/fuaitau fa’alilolilo.
• Filifili se uputatala (password) e luga atu o le valu mataitusi (e manaia fo’i pe a sili atu, aua e faigata atu o uputatala (password) uumi atu e taumate pe “break”), o se tuufaatasiga o mataitusi pito i luga ma le pito i lalo, numera ma faailoga o “keyboardd” e pei o le @ # $ % ^ & * ( ) _ + mo se faataitaiga – o se suiga o Spiderman, i mataitusi, fuainumera, pito i luga ma lalo ifo). Ae peitai, ia mataala o nisi o nei faailoga, atonu e faigata ona tusitusi atu i :keyboard: ese’ese. Ia manatua foi o le suia o mataitusi i fuainumera (mo se faataitaiga o le “E” i le “3” ma “i” i le “1”) o auala ia ua leva ona lauiloa I tagata solitulafono.
• E mafai fo’i ona fa’aaoga upu o se pese e te manatua ae le faigofie ona fa’afesootai e tagata ia te oe.
• E mafai ona fa’aaoga le igoa lei faaipoipo o le tina o se isi (aua le faaaogaina le igoa lei faaipoipo o lou lava tina).
• E mafai fo’i ona filifili se fuaiupu ona e tago lea ave ese ni isi mataitusi o upu ta’itasi ae sui i ni fuainumela po o fa’ailoga. O le faataitaiga “Tramps like us, baby we were born to run” ave le mataitusi muamua mai upu taitasi o le fuaiupu e maua ai “tlu,bwwbtr”

Aua le faia mea nei:

• Aua le fa’aaoga fa’afuaitau uputatala (password):
  • Igoa moni o le pisinisi po o tagata.
  • Igoa o lou aiga po o fagafao.
  • Lou aso fanau po o aso fanau o se isi o le tou aiga.
  • Le igoa o le au soka/lakapi po o se isi ta’aloga e te fiafia pe lagolago i ai. Aua le fa’aaoga upu e mategofie.
  • Aua le fa’aaoga le upu ‘password’.
  • Aua le fa’aaoga fuainumela e soso’o fa’ataitaiga 123 po o le 246.
  • Aua le fa’aaoga se upu e masani ona fa’aaoga e tagata.

• A fai o fuainumela o le a fa’aaoga aua le filifilia fuainumela e iloagofie ai se mamanu (e pei o le 4321 po o 12345), aua foi le fa’aaoga na o se fuainumela se tasi ( e pei o le 1111) po o tu’ufaatasiga e mategofie (pei o le 14789 po o le 2580).

Malupuipuia lelei o au uputatala (password)

• Aua ne’i ta’ua i se isi tagata. A iloa e se isi tagata ia vave sui.
• A fa’aaoga, va’ai ina ia leai se isi e iloa mai.
• Ia tofu le Upega Tafa’ilagi e te fa’aaoga ma lona ia uputatala (password).
• Aua le toe fa’aaoga se uputatala (password) a fa’aoga muamua (faataitaiga – password2, password3).
• E le fautuaina mai le soona sui faamasani o uputatala (password), sei vagana ai o “accounts” o loo latou faaaogaina ua fetuunaia, i le tulaga e tatau ai ona suia vave. E faatatau foi lenei mea pe afai o se isi “accounty” po o se “website” e te faaaogaina, lea sa faaleagaina poo sa hack e se tagata solitulafono, ina ua tutusa le :login: sa e faaaogaina.
• Afai e tatau ona e tusia i lalo uputatala (password) ina ia manatua ai, ia mautinoa e leai se uiga ia i latou, ma aua nei mafai ona faaaogaina e isi tagata, e ala i le tusiaina i se “code” (faafesuia’i mataitusi i lau uputatala (password) ma isi mataitusi ina na o oe lava manatua, pe faigofie ona mate’ia).
• O se isi auala e tusi ai I lalo uputatala (password) o le faaaoga lea o se ituaiga o “vault” po o sefe I luga o le upega tafailagi. Saili ni fautuaga lelei, ma ia e filifilia se ituaiga o “vault” po o sefe e mausali le malupuipuia ma le faatuatuaina.
• Aua nei lafoa au uputatala (password) i se imeli. A fesili mai se isi ia te oe e lafo atu o lona uiga e le se tagata lelei la e fesili mai, ma o lona uiga e le tatau ona e fa’amoemoeina na tagata/pisinisi.

Ona e mo’omia le tele o ki/numela/fuaitau fa’alilolilo o lona uiga e faigata ona e manatua uma. E i ai polokalame fa’atekonolosi e mafai ona e fa’aaoga e pei se sefe u’amea e teu malu ai au ki ‘ese’ese. Ae fa’aeteete foi i le filifiliga o le ‘sefe’ e te fa’aaoga aua e tumu le lalolagi i le au taufa’asese!

‘Sefe’ mo uputatala (password)

O loo i ai le tele ituaiga o “vaults” mo uputatala (password) (o le isi foi igoa o sefe mo uputatala (password) pe atonu foi o se isi faaupuga) o loo avanoa mo lou faaaogaina, o nisi e totogi, a o nisi e leai se totogi. O nei mea e mafai ai ona e teuina uma uputatala (password) a lau kamupani i se tasi nofoaga, se nofoaga e mauagofie afai e te le manaomia ona e manatuaina uma o nei mea, pe tusi foi i lalo. Na pau le mea e taua ona e manatuaina na o se faamatalaga mo se login e tasi.

E tatau ona e faitauina ni faailoiloga pe maua mai ni fautuaga lelei a o lei taina poo tusiina o au uputatala (password) i totonu o se “password vault”.  Po o le a lava le mea e te filifilia, o la matou fautuaga o le faaaoga lea o ni “two factor authentication (2FA)” – a faaupu i se isi auala, e lafo atu ai se “code” i se telefoni feaveai ua e feilifiliia po o isi masini tekonolosi, o le “code” lea e manaomia ina ia mafai ona faatagaina le tatala o le polokalama faakomepiuta, e faatusa pei o le faamaonia o se totogi mo ni mea i lau faletupe i luga o le initoneti.

Mo se puipuiga faaopoopo, matou te fautuaina atu ia “encrypt” ia uputatala (password) a o lei taina po o tusiina i totonu o le “vault” ma teuina i totonu o lau lava upega fesootai (internal network). A faapea ona e tuufaavasegaina o uputatala (password) “encrypted” ma “encryption keys”, o le a faaitiitia ai le avanoa e faafaigofie ai ona mafatia le “vault” po o sefe ma aafia ai au faamaumauga.

Puleaina o “user accounts”

O tagata uma e faaaogaina se komepiuta e tatau ona atofa i ai a latou lava “user account” ina ia mafai ai na o latou e faaaogaina a latou faila ma polokalama. O “user account” taitasi e tatau ona tatala i le faaaogaina o se “username” ma se uputatala (password) ina ia malupuipuia ai le le faalauaiteleina o tagata lava ia. O isi uiga faaalia o “user account” e mafai foi ona faatinoina i “user accounts” (na o le Windows Vista, ma le Windows 8).

Aua nei faaaogaina se “account” e iai aiatatau e faatatau mo le “adminisrator” mo le faaaogaina faasoloatoa, aua e mafai ai e le “malware” ona tauaveina ia aiatataue patino i le “administrator”. E tusa lava pe na o oe le “user”, ae tatau lava ona faatuina se “account” a le “administrator: e faaaoga pe a manaomia ona e faatinoina ia galuega e pei o le “installing” o polokalama po o le suia o le “system configuration”, ma se isi “standard user account” e fai ma au “account” masani. Afai e te le o “log in” i le tulaga o se “administrator”, o le a uunaia oe e ta se uputatala (password) e faatatau mo le “administrator”, p e a e “install” se “device driver” fou po o se polokalama. E mafai ona e puleaina “user accounts” i le Windows Control Panel.

Hunt the Password mai le Get Safe Online i luga o le Vimeo.