English
English
Menu Close

Faatau atu i luga o le upega tafailagi

O le ‘ebay’ o se tasi o maketi i luga o le upega tafailagi e aupito i sili ona faaaoga e tagata mo pisinisi ma tagata faatau atu taitoatasi. Talu ai ona o le miliona ma miliona o tagata e faatau i luga o le maketi, o se nofoaga e pisi tele. Ae e ui i lea, o le tele o tagata e te faatau atu iai, o le tele foi lena o lou lamatia, ma e tatau ona e mafaufau lelei i lena itu.

O mea e ono tutupu

  • o le pepelo mai o tagata ua faatauina au oloa, e le’i o’o atu oloa, pe e le lelei foi e pei ona faasalalau atu, pe e taunu’u atu foi ua faaleagaina, ma ua manao le tagata i se refund.
  • o le le totogia mai o lau tupe a ua ave oloa.
  • o le totogi mai o oe i se card pepelo pe gaoia.
  • o lou faatau pepelo atu o ni oloa e le o iai, ona o lou fefe i tagata solitulafono ua faafefeina oe, tusa lava pe e te le o manao e fai.

Malupuipuia o le faatau atu i le eBay

  • Ia e faamatalaina lelei oloa e te faatauina atu, ina ia aua nei iai se fefinaua’iga poo se mea e le manino
  • Ia faaopoopo iai se tulaga e toe faafoi mai oloa pe a le lelei, ae toe faafoi atu le tupe, o le fai pisinisi lelei lena.
  • Ia lelei ou maka mai i tagata e faatauina au oloa, ma ia lelei lo outou va faatau ina ia tauleleia ai pea la outou kamupani.
  • Ia e faaaogaina se auaunaga e faamaonia ai tulaga o tupe totogi e pei o le PayPal.
  • Aua le taliaina le Wesern Union poo nisi kamupani e fe’avea’i ai tupe mo le totogiina o tupe.
  • Aua nei faamatuu atuina ni oloa seiloga ua mautinoa ua totogi mai lau tupe ma ua kilia i le faletupe.
  • Ia siaki le tulaga o tagata e te faatauina iai au oloa.
  • Ia e filifilia lelei tagata e faatau iai oloa o lau kamupani. E mafai ona e polokaina tagata e le lelei o latou tala’aga (background), ma a fai se faatautu’i, aua le taliaina ni tu’uofo mai atunu’u e te le o manao ai. Ia manatua, e te mafai lava ona taofia se tuuofo (bid) e te le manao ai, a ia iai se mafua’aga tatau.
  • A faapea e manao se tagata e toe refund atu lana tupe, ia siaki le ‘My eBay Messages’pe moni, ona faatoa toe totogi ai lea o le tupe, e ala i auala masani.
  • Afai o le a e faatauina atu se oloa mo se isi tagata (ae le o sau oloa), ia e talitonuina lelei lena tagata ae e te le’i faia na tulaga.
  • Ia mafaufau i le faaaogaina o ‘PayPal Seller Protection’ e malupuipuia ai lau kamupani, i tupe e toe totogi i tagata faatau.
  • Ia faaaoga se kamupani e faatuatuaina i le kilivaina lelei o au oloa.

O nisi faamatalaga

Ia e faitau mae’ae’a lelei i le ‘eBay Seller Protection’ i le:

https://pages.ebay.com/seller-center/get-started/seller-protection.html