English
English
Menu Close

Fesoasoani po o le lagolago i le malupuipuia o fa’amaumauga pe a fa’aaoga le initaneti

O le fa’amoemoe o lenei Upega Tafa’ilagi o Fa’amaumauga o le ofo atu lea i pisinisi laiti ma pisinisi e feoloolo le lapopo’a e tapena ma fa’amautu ai le puipuiga talafeagai mo aseta ma fa’amaumauga faatekonolosi a lau pisinisi. E le gata lea mo masini o lo o fa’aaoga, ae fa’apea fo’i le ‘aufaigaluega a le pisinisi, atoa ai ma le aoaotetele o le tulaga fa’atekonolosi a le pisinisi.

O lo o tatau ona iai se pisinisi tau feso’ota’iga initaneti o lo o fa’aaoga lana auaunaga mo mo’omiaga ‘ese’ese a lau pisinisi tau initaneti ma feso’otaiga televavave fa’atekonolosi. Afai e telē lau pisinisi e ono mafai lava e le pisinisi ona fa’atino lea tulaga i le lotoifale, ae le tau fa’aaoga se isi pisinisi mai fafo. Ae afai e le’ i ai lenei fesoasoani mo lau pisinisi, o lona uiga ua matuā tatau ona e silasila e fai se fa’tatau talafeagai manū e le’i afāina fa’amumauga/aseta fa’atekonolosi a lau pisinisi. E ono mo’omia le sa’ili o se tagata e fa’apitoa lona tomai i ituaiga puipuiga o lo o mo’omia atoa ai ma iloa e fesoasoani atu ai ia te oe ma lau pisinisi pe a tula’i mai ni pēfea po o ni fa’afesili i le lumanai.

Filifiliga o se tasi ma le tomai fa’apitoa mo le puipuiga ma le fesoasoani i le puipuiga o fa’amaumauga ma aseta fa’atekonolosi

E tele a’oa’oga o lo o mafai ona maua ai le tomai aloa’ia/taualoa auā lenei vaega tāua o le puipuiga. Silasila lelei po o ni āoga/a’oa’oga aloaia. O mea e ao ona e silasila toto’a iai po o iai fa’ailoga nei e le tagata o le a e fa’afaigaluegaina:

CISSP Certified Information Systems Security Professional po o le SSCP Systems Security Certified Practitioner

GICSP Global Industrial Cyber Security Professional

  • Mai se iunivesite:

MSc i le Information Security po o se isi fa’ailoga tikeri e tutusa

Tatau ona siaki po ua resitala fa’aletulafono/aloaia i se fa’alapotopotoga taualoa talafeagai.

Sa’ili ni tusi fa’amaonia mai tagata talafeagai/aloaia. Su’e i auala ‘ese’ese fa’amaoniga o le itua’iga tagata faigaluega e iai ia tagata. Siaki fo’i a latou Upega Tafa’ilagi po o Upega Tafa’ilagi a latou pisinisi atoa ai ma isi itua’iga feso’ota’iga fa’atekonolosi pei o le LinkedIn ma le Twitter ina ia e malamalama lelei i le tagata ae e te le’i fa’aaogaina la latou auaunaga.