Fuafuaga mo le Malupuipuia o le Pisinisi

E lē tau fa’afaigata le tapenaina o lenei ‘itu’aiga Fuafuaga. E sili le iai o se fuafuaga e amata ai, na i lo le naunau ia matua ato’atoa lelei se fuafuaga ona fa’atoa amata lea ona fa’aaoga. Ae maise aua e lelei le fa’aaoga ma fa’ata’ita’i, aua e vave iloa ai vaega ma auala e mafai ai ona toe fetu’unai ma fa’aleleia.

Tapenaga o se Fuafuaga

E lima la’asaga e ao ona uia auā le tapenaga o se Fuafuaga lelei ma le talafeagai.

• Fa’amautu

Fesili muamua po o lava lou malamalama ma lou iloa e tapena ai le Fuafuaga, pe e te mo’omia se fesoasoani mai fafo atu o le pisinisi. Fa’avasega lelei po o a aseta ma fa’amaumauga e ao ona malupuipuia, fa’apei o masini o lo o fa’aaoga ai tekonolosi ‘ese’ese, po o polokalame e fa’aola ai masini ‘ese’ese, fa’apea fa’amaumauga ‘ese’ese. Silasila toto’a i mea e ono lamatia ai le malupuipuia o ia aseta ma fa’amaumauga. Fa’avasega ma fa’atulaga aseta ma fa’amaumauga i le tulaga e ao ona ave iai le fa’amuamua aua le puipuiga, ona fa’asolosolo ai lea i isi aseta ma fa’amaumauga.

• Tapena se Fa’avaa o le Fuafuaga

Fa’ataoto se ālafua e fo’ia ai, pe faigofie ai ona iloa, ma tali atu pe a lamatia le saogalemu ma le malupuipuia o aseta ma fa’amaumauga. Fa’atulaga se polokalame e limata’ita’ina ai le fa’amalosia o aiaiga o le Fuafuaga, e aofia ai ma faigafa’avae mo le aufaigaluega. Filifili e o le a nafa ma le fa’atinoga, atoa ai ma le mata’ituga o le fa’atinoga o le Fuafuaga. Fa’amautu le polokalame mo le fa’atinoga o le Fuafuaga.

• Fa’atino

Fa’ailoa ma fa’amalamalama i le ‘aufaigaluega. Fa’atino ni a’oaoga pe a mo’omia. Fa’atino le Fuafuaga.

• Mata’itu

Fa’atino ni sa’ili’iliga po o ni su’esu’ega pe a tula’i mai ni isi tulaga e ono lamatia ai le malupuipuiga. Taumafai e sa’ili ni tusitusiga po o ni lōmiga o lo o fa’asalalau mai ai suiga ‘ese’ese po o ni metotia fo’i āua le fa’amautuga o le malupuipuiga. Fai ma iloilo le Fuafuaga ina ia fetaui pea ma suiga o le pisinisi ma le lalolagi fa’atekonolosi ae maise pe a sui masini, po o polokalame fa’atekonolosi e ola ai masini o lo o fa’aaoga e tagata ta’ito’atasi i le pisinisi. Fa’atino lelei siaki o masini uma ma tautuana ia fai kopi o mea uma o lo o i masini o lo o fa’aaoga i le pisinisi ma ia malu le nofoaga e teu ai kopi. Va’ai i galo ona fa’afou polokalame e puipuia ai masini ‘ese’ese mai vairuse-fa’atekonolosi e ono osofa’ia ma fa’aleagaina ai masini ma polokalame atoa ai ma aseta ma fa’amaumauga fa’atekonolosi a le pisinisi.

• Fai ma toe Iloilo

Fai se tonu ia ono i le sefulu lua masina ma toe iloilo atoa le   Fuafuaga. A iai ni suiga tetele i le pisinisi e ao foi ona toe iloilo le Fuafuaga.

Mea e ao ona silasila iai

O mea nei e ao ona silasila, ia iai i se Fuafuaga. E fua fo’i i le telē o le pisinisi pe mo’omia uma mea nei pe na o ni isi o mea nei:

• Lagolagoina e le Pulega le Fuafuaga
• Pa’aga a le pisinisi (tagata e fa’aaoga ‘au’aunaga a le pisinisi, tagata e faatau mai ai oloa/’au’aunaga e mo’omia e le pisinisi, ē e galulue fa’apa’aga ma le pisinisi, ē e fai sao i le pisinisi)
• Fa’amautū se faigafa’avae mo le malupuipuia o fa’amaumauga fa’atekonolosi
• Ia iai se fa’atatau mo le pulea lelei o mea e tula’i mai e ono lamatia ai fa’amaumuaga fa’atekonolosi a le pisinisi
• Ia manino se/e o lana/la latou matāfaioi patino aseta/fa’amaumauga fa’atekonolosi a le pisinisi
• Ia manino le fa’avasegaga o fa’amaumauga fa’atekonolosi (fa’amaumauga tau i le – lotoifale/lautele/e ao ona puipui malu)
• Siakiga o aufaigaluega fou
• Maliega e saini e le aufaigaluega/po o nisi tagata talafeagai ina ia taofia ai le fa’asalalau atu i fafo o le pisinisi fa’amatalaga/fa’amaumauga a le pisinisi
• Fa’alauiloa ma ‘ao’aoga
• Taofia le so’ona feoa’i o tagata i vaega o le falefaigaluega e iai masini ma fa’amaumauga fa’atekonolosi.
• Malupuipuia o masini tau fa’amaumauga/aseta fa’atekonolosi a le pisinisi
• Alāfua mo le fa’agaoioiga ma le fa’atulagaga o nafa ma matāfaioi ‘ese’ese
• Polokalame fa’atekonolosi e fa’agaoioi ai masini fou ma fa’afouga o polokalame fa’atekonolosi
• Puipuiga mai polokalame fa’atekonolosi e taumafai e osofa’i ma fa’aleagaina masini fa’atekonolosi
• Kopi o fa’amaumauga ma aseta fa’atekonolosi
• Masini a le aufaigaluega e fa’aaoga ai le tekonolosi
• Fetufa’aiga o fa’amaumauga (e aofia ai i isi tagata e ese mai e o lo o fa’aaoga ‘au’aunaga ma fa’ataua oloa a le pisinisi)
• Fefa’ataua’iga e fa’aaoga ai le tekonolosi po o le initaneti ma fa’aaoga ai fo’i telefoni fe’avea’i
• Mataituga o e e fa’aaoga masini ma polokalame fa’atekonolosi a le pisinisi
• Pulea o e e mafai ona fa’aaoga/silasila i fa’amaumauga/aseta fa’atekonolosi a le pisinisi
• Nafa ma matafaioi a e o lo o fa’aaoga aseta/fa’amaumauga fa’atekonolosi a le pisinisi (e aofia ai ma konekarate a le ‘aufaigaluega)
• Mafai ona fa’atino mamao mai le falefaigaluega pe ma’i so o se nofo’aga so o se galuega e ala i le fa’aaogaga o le tekonolosi ma le initaneti
• Malupuipuia o masini ma polokalame fa’atekonolosi i lona tulaga aoaotetele
• Puipuiga fa’aopoopo mo polokalame fa’atekonolosi atoa ai ma aseta/fa’amaumauga fa’atekonolosi i lona tulaga aoaotetele
• Ia sa’o le fa’asologa o galuega fa’atino ina ia mautinoa le sa’o atoatoa o faamaumauga
• Saogalemu o atinae ma le lagolagoina o ‘au’aunaga a le pisinisi
• Pulea o tulaga ma’ale’ale
• Lipotia o fa’aletonu ma vaivaiga
• Fa’afoega lelei o mea e ono tutupu ma le fa’asologa talafeagai o le fofo/soālaupulega o fa’afitauli e ono tula’i mai
• Malupuipuia o tulaga tau tekonolosi ae maise i itu e fa’atatau i le fa’atumauina o le pulega lelei o le pisinisi
• ‘Usita’ia o ‘aia’iga fa’aletulafono (e aofia mai ma le Tulafono mo le Puipuiga o Fa’amaumauga – Data Protection Act)
• ‘Usitaia o ‘aia’iga/tulaga taualoa mo ‘au’aunaga e fa’aaoga ai ‘card’ e totogi ai fa’atauga po o ‘au’aunaga o lo o fa’aaogaina
• ‘Usita’ia o ‘aia’iga e fa’apito i se auaunaga patino (e pei o ‘au’aunaga tau tupe, po o le soifua māloloina)