E aogā fo’i le ‘ilo’iloga lea aua e fa’avasega ai fa’amaumauga e matuā tāua i le pisinisi ma fa’amaumauga/aseta/polokalame fa’atekonolosi e le matuā taua tele.
Ituaiga mo ‘ilo’iloga
Va’ai i fa’amatalaga o aseta e umia i totonu lave o le pisinisi ai fa’avasega ma silasila itu tolu nei:
- Fa’amaumauga e mo’omia le matua malupuipuia
E pei o fa’amatalaga tau le aufaigaluega, e aofia ai ma o latou totogi, fa’amaumauga tau tupe a le pisinisi, fa’amaumauga patino i le au fa’atau po o e o lo o fa’aaoga ‘au’aunaga a le pisinisi, atoa ai mea totino – tino i matagi a le pisinisi. Auā mo se fa’ataitaiga, e ono solitulafono pe a gaoia fa’amatalaga patino i se tagata faigaluega.
- Atoatoa le sa’o o fa’amaumauga
E taua le malupuipuia o fa’amaumauga/aseta/polokalame a le pisinisi aua e matua tele le fa’aletonu pe afai e sao i ai se isi ona tago lea sui/fa’aleaga/gaoia/ave ese se vaega ona le atoatoa ai lea o le sao o fa’amaumauga a le pisinisi.
- Ia maua fa’amaumauga pe a tapa atu i ai
Po o le a lava le taimi e tapa atu ai, ia maua fa’amaumauga o lo o mo’omia, ma ia ‘ato’atoa fa’amaumauga. Fa’ata’ita’iga ia atoatoa fa’amaumauga e fa’atatau i tagata faigaluega ma taimi, ma aso na faigaluega ai. A leai fa’amaumauga ia, e le mafai ona totogi, pe le sa’o foi le totogiga o le aufaigaluega.
O le acronym ‘CIA’ ua faigofie ai ona toe manatua nei tuutuuga
A fa’atino le’ ilo’iloga/fa’avasegaga, va’ai lelei po o le fea o itu e tolu na ta’ua i luga e aofia ai lea fa’amaumauga, ma lea fa’amaumauga. Ia va’ai fo’i i le tulaga ogaoga o a’afiaga e ono tula’i mai pe a a’afia se tasi o itua’iga fa’amaumauga e pei ona ta’ua.
‘Ilo’iloga o a’afiaga o le Pisinisi
I le ma’ea ai o le ‘ilo’iloga/fa’avasegaga lea na ta’ua i luga e tatau ona maua ai se ata o ituaiga a’afiaga o le pisinisi e ono tulai mai. O ono aofia ai a’afiaga tau tupe, ‘aufaigaluega, ta’uleleia, atoa ai ma le fa’agaoioiga o le pisinisi.
Ona mafai loa lea ona fai se fa’atatau i se auala e foia/fa’a’iti’itia/taofia ai ia a’afiaga i se tulaga e talafeagai ma lau pisinisi/fa’alapotopotoga. E aofia ai fo’i ma le va’ai po o le a le tino i tupe e mo’omia e fa’atupe ai le tali atu i nei a’afiaga pe a tula’i mai. E le faapea la a e faia uma nei tapenaga ona le tupu ai lea o ni fa’aletonu. Ae o le mea lelei, o lo o e sauni ma e te le vevesi ai pe a tupu mai ni pefea aua ua maea ona tapena lau tali.
E le o i ai foi se fofo mo fa’afitauli uma e ono tupu, ae o le mea e lelei ai ua e tau iloa foliga o a’afiaga, e mafai ai ona e fetu’unai/maumanatu.
E tatau ona fai fai pea ‘ilo’iloga nei, e fua fo’i i suiga matauina i le pisinisi, ma mea e tutupu e ono lamatia ai le saogalemu o fa’amaumauga/aseta/polokalame fa’atekonolosi a le pisinisi.