O mea tutupu ua inisiua
O le inisiua o data o se mea e fou nei ma e matua eseese uma lava tupe e totogi i kamupani eseese, ae o le inisiua lelei lava mo data ma isi mea i luga o le upega tafailagi, e tatau ona aofia ai mea nei:
- au data ua leiloloa, faaleagaina, poo ua suia foi
- data ua leiloloa, faaleagaina, poo ua suia foi a se isi tagata poo se faalapotopotoga (third party).
- data ua faaleagaina a se isi tagata poo se faalapotopotoga e faila leaga (e aofia ai ma le customer poo le supplier).
- o le tau o suesuega faasaienisi o se soligatulafono.
- lagolago faatekonolosi i le fa’aleleiina o systems ma data.
- fesoasoani fa’aletulafono
- le faafoeina o faafitauli ma le lagolago a le PR.
- le totogiina o au sala
- lou totogi ua fa’alaititi / poo le fa’alavelave o pisinisi
- le totogiina o tupe ona o se faiga faamalosi.
- le faamaasiasiina i luga o le upega tafailagi
- le solia o tulafono tau kopiina o mea eseese
- le leiloloa o data sa teu i le upega tafailagi (cloud) ae le o lau drive.
- faasilasilaga o puipuiga o mea tau ia te oe (data subjects).
- le vaaiga o ‘credits’ ma mea e tutupu i au faila.
- se mea ua faaleagaina ona ua osofaia au data.
- faiga taufaaleaga poo ni faiga faafuasei.
Soo se kamupani lava e faalagolago i data, e iai ni mea taua e ao ona puipuia, e fesootai i auala faakomepiuta, e tatau lava ona vaai i le inisiuaina o le pisinisi i lona itu lenei faatekonolosi (cyber liability insurance). E tatau ona e vaai oe i au faila ma mea tau ia te oe, ma fai sau inisiua e puipuia ai au faila mai i mea e ono tutupu. O puipuiga i mea e ono tutupu i se tagata lautele e faipisinisi i luga o le upega tafailagi, e matua ese mai lava i puipuiga o pisinisi tau loia, inisinia, fomai poo a’oga ma e taua foi le numera o au tagata faigaluega.
Tau
O le tau o le inisiua i mea tau tekonolosi ua matua pa’u lava ae fuafua lava i galuega ma le tele o le kamupani e manaomia se inisiua. E pei lava ona iloa, o kamupani inisiua e fiafia tele i pisinisi e matua malu a latou tulafono i mea tau tekonolosi, ma e ono ofo atu foi se tau laititi (discount) i pisinisi ua iloga le malupuipuia, ae iai foi aiaiga. I le isi itu, o pisinisi e le lelei a latou tulafono mo puipuiga, e faigata lava ona maua se inisiua.
Ona o itu e faigata, matou te fautua atu ia fuafua se inisiua o lau pisinisi e se tagata poo se kamupani e faapitoa le latou auaunaga i inisua o mea tau tekonolosi. Latou te mafai ona fautua ma fesoasoani ia te oe mo se inisiua lelei o lau pisinisi.