O mea e ono tutupu
- O le te’i ua e kopiina i lau komepiuta ni faila ua faaleaga (virus) mai i se website pe mai i se faila a se isi, ae e te le’i fuafuaina.
- O lou kopiina ai o ni faila ua faaleagaina e ono mafai ai e tagata ona iloa information, e ono gaoia ai au tupe poo mea foi tau ia te oe.
- O le le maua ai o ni tupe a tagata na tusia musika ma peseina pese, aua o lea ua kopi ae le faatauina a latou pese.
- O le soli ai o le tulafono o le ‘copyright’ aua e moni lava o le kopi o musika ma vitio o se mea faaosooso, ma e toatele lava latou te faia, ae o loo soli ai le tulafono pe afai e ‘copyright’.
- O le soli ai o le ‘firewall’ poo le faila e puipuia au faila aemaise o lou faaaogaina o polokalame e faasoa ai faila ma isi.
- O le kopi ai o mea le talafeagai o i faila e faafoliga e lelei, ae o loo tumu i mea leaga.
- O lou kopiina o ni faila e sau ai ni faasalalauga osovale ae e te le’i fuafuaina.
Malupuipuia o le kopiina o faila
- Ia faamautinoa o faaaogaina faila e puipui ai lau komepiuta e pei o le ‘firewall’ a’o le’i kopiina nisi faila.
- Ia kopiina ‘executable files’ (.exe) ma le faaeteete. O faila ia e faaaoga e polokalame i au komepiuta. Ae ui i lea, e masani ona faaaoga e faaleaga ai faila. Ia faaaoga websites e te faatuatuaina e kopi mai ai faila ae le o se ‘system’ ua vaevaeina ona faila i galuega eseese (peer to peer).
- Ia faaeteete i le kopiina soo se mea lava, leaga e te le o iloaina mea o loo e kopiina ma e pule lava tagata i igoa e faaigoa ai faila
- O se ata e faapea lava oe o se ata tifaga lelei ae e te le iloaina o se ata o faiga aiga poo se faila ua faaleagaina.
- Ia kopi musika mai i sites e totogi e pei o le iTune, Google Play, poo nisi sites e te talitonuina.
Malupuipuia o faila faasoa(peer to peer)
- Afai e tatau ona faasoa faila i lau pisinisi, ia filifili faila e sefe ma malupuipuia, faapipii ma faaaoga faalelei.
- Faapipii au faila a’o galue le firewall ma o faaaoga foi isi vaega e malupuipuia lelei ai au komepiuta.
- Ia taumafai e totogi le ‘premium version’ (e le o totogiina e faasalalauga) ina ia aua nei soona tele fue ni faasalalauga, poo faila ua faaleagaina, e aafia ai au komepiuta.
- Ia kopi na o faila mai i sites a manufacturers (tagata o loo faia faila) poo resellers (sites latou te toe faatauina atu).
- Aua nei soona faatagaina tagata e tilotilo sa’o i au faila. Ia e faatonuina au polokalame ina ia faasoa na o faila e tatau ona faasoa, ae o le tele, ia tuu pea ia sefe ma malupuipuia. O le faiga lena e le iloa ai e nisi, pe latou te maua foi mea tau ia te oe.
- Aua le faasoaina fua mea ua ‘copyright’ poo mea na tusia pe fausia e isi aua e le o sau mea.
O le tele o information e uiga i le gaoi o ‘copyright’ e maua i:
FAST: The Federation Against Software Theft. (UK site)
FACT: The Federation Against Copyright Theft. (UK site)
IFPI: International Federation of the Phonographic Industry.