O le tele o Linux distributions i nei ona po ua iai ma ona puipuiga fa’avae (polokalama otometi/’au’aunaga fa’avaitau, fa’amaumauga o event, ulufale pulea ma le puipuiga mai isi polokalama leaga), ma ua mae’a ona tu’uina i totonu o le polokalama o le Linux.

E ao i le tagata e fa’aolaina le Linux komepiuta ona iai sona malamalamaaga amata i le polokalama, ae afai e mana’omia se isi fesoasoani fa’afeso’ota’i mai (pei o le ‘upega tafa’ilagi o le Linux, o le ofisa fa’apitoa o le Linux po o le puipuiga o le lisi o meli mo le Linux distribution o lo’o fa’aaogāina).

Mea e ono tutupu

Amioga

O le tele o amioga leaga e pei o le pepelo, taufa’avalea ma le gaoi o lo o a’afia ai i latou o lo o fa’aaogāina le Linux, e pei o isi fo’i polokalama.
O le fa’atamala i le fa’afaigofie, po o le leai o ni numera fa’ananā, lē māta’ala i le siakiina ma le toe tapenaina i le sa’o ma le lelei o le polokalama.

Mea e ono tutupu faatekinolosi

E fa’aopoopoina ‘auala e lamatia ma āfāina ai le polokalama pe afai e fa’aaogāina nisi polokalama e ese mai ai.
O le lē fa’aleleia vave o ni fa’aletonu i le polokalama, ae maise mo le fa’asalalauina i luga o feso’ota’iga.
O le fa’aaogāina o ‘au’aunaga lē mautonu i luga o le initaneti.

Mea e ono tutupu faaoga le tatau

Ave fa’agaoiina o fa’amatalaga ma le poto fa’ainisinia.
O ni togafiti leaga fa’a sipai.
O ni osofa’iga i luga o le laina.
Taumafaiga fa’amalosi.

Puipuiga o Fa’amatalaga ma Komepiuta

Amata

Ia iai sau Linux polokalama mai se auala fa’atuatuaina, e pei o se CD/DVD mai le kamupani aloa’ia o le Linux po o le Linux ‘upega tafa’ilagi.
Fa’amaopopo vaega ‘ese’ese ina ia lava le avanoa mo faila ta’itasi (ose fa’ata’ita’iga, fa’aaogā le tisiketi (fdisk) e sauni ai se root partition ‘ese, fesuia’i avanoa, binary faila ma le avanoa o faila o le user).

Siaki po o se Linux moni a’o le’i fa’apipi’iina (po o fa’amaonia i saini fa’afuainumeraina).
Fa’aaogā se isi igoa e te ulufale ai mo le taimi muamua. Aua le log in o se privileged user, a’o se non-privileged user account ma fa’aaogā le su fa’atonuga e fai ai administrative galuega.
Aua le fa’aaogāina le vaega otometi, ina e puipuia mai fa’asalalauga fa’alaua’i tele.
Seti le komepiuta ina ia lokaina pe a sili atu i se taimi fa’atulagaina (ose fa’ata’ita’iiga, 15 minute).
Fuafua mo le solo lelei (ose fa’ata’ita’iga, siaki ma fa’afouina ni vaega e fa’aleleia).

Tu’u fa’atasia o le ‘Au’aunaga ma le Fa’aaogāina

Ave ‘esea mai nisi o polokalama o lo’o fa’alavelave ma e lē mana’omia.
Aua le fa’aaogāina nisi o polokalama e lē o mautinoa e pei o rlogin, telnet, tftp, ftp, rsh ma le rexec, ae fa’aaogā nā o polokalama fa’amaonia, e pei o le sftp, scp ma le ssh.
O isi tagata ‘ese’ese e pei o uō ma fa’alapotopotoga, ma ia mautinoa e iai se fa’amaoniaga e ala i numera e lē iloa e se isi (password), ‘ae le’i fa’aaogāina le Linux.
Fa’aaogā numera e faigatā ona iloa (ose fa’ata’ita’iga, aua ne’i lalo o le 8 fuainumera/mata’itusi, fa’afifiloi, pe fa’aaogāina fo’i igoa ta’uta’ua).
E mana’omia e le Linux komepiuta ni gaoioiga, e pei o komepiuta uma, tusa lava po o le ā le polokalama, o lo o aofia ai Microsoft Windows ma le Apple Mac OS X (ose fa’ata’ita’iga, puipuiga o le boot sequence, fa’atulagaga o le fa’atagaina o faila, fa’atulagaina o event logging, fa’amautūina back ups ma gaoioiga uma e puipui i le saogalemū o le Linux).
Afai e mana’omia nisi fa’amatalaga ‘au’ili’ili mo le puipuiga o le Linux komepiuta, (e aofia ai firewalls, puipuiga mai vairusi, tapena fa’afifiloi disk ma faila, puipuiga o imeli, fa’atulagina o web browser, ma back up polokalama), ia fa’afeso’ota’i fesoasoani fa’apitoa po o le fa’alapotopotoga e fa’apitoa mo le Linux ma lona saogalemu.

Linux