O mea e ono tutupu
- O le kopi o faila ua faaleagaina ma lou iloa pe le iloa foi.
- O le ta’ina o lou mafaufau e tagata taufaasese.
- O le fai o mea taufaasese i luga o le upega tafailagi.
- O le solia o tulafono e ala i le fai o amio le talafeagai poo le le usitai i le kopi o faamatalaga e aunoa ma se faatagaga (copyright).
- O le ulufale i faila o faamatalaga taua e aunoa ma le faatagaina.
- O le liki i tua o auala e ulufale ai i faamatalaga taua.
- O le faaaogaina o le social media mo mea e le tatau.
- O le ulufale ma matamata i mea e le talafeagai.
- O le kopi o mea mo oe lava ia, ae totogi ma faaaoga le band (auala e maua ai data) a le kamupani.
- O le fa’ama’imau o le taimi i luga o le initaneti.
O le taua o le iai o tulafono mo le aufaigaluega
O le iai o tulafono lelei mo le aufaigaluega, e faaitiitia ai faafitauli e ono tutupu mai, ma e taua foi le malamalama lelei ai o le aufaigaluega poo le a le mea e faataga ae o le a le mea e faasa.
O le itulau lenei e faamatala atu ai se vaaiga atoa i mea taua. E taua tele lou su’eina o ni fautuaga aloa’ia i le itu tau faiga o tulafono ma le suiina o konekarate a le aufaigaluega. E taua foi le maua o se fautuaga aloa’ia pe faapefea ona aumai ni suiga i totonu o le kamupani, ma fai ai se polokalame e aoaoina ai tagata faigaluega.
O mea e tatau ona iai i ni tulafono lelei mo le faaaogaina o mea o le kamupani.
- E mafai, ae o le a foi le taimi e faaaoga ai le initaneti mo oe lava
- O a ituaiga mea e le tatau ona tilotilo iai le aufaigaluega?
- E faapefea ona faaeteete i faamatalaga e taua i le kamupani?
- O le malupuipuia ma le faaaogaina lelei o le imeli.
- O le faaaogaina lelei o laptops ma isi devices a le kamupani.
- O tulafono e uiga i le faaaogaina lelei o auala e ulufale atu ai i fesootaiga a le kamupani.
- O auala lelei e faatau ma faapipii ai komepiuta ma faila ina ia puipuia mai i osofaiga.
- O tulafono e malupuipuia ai passwords.
- O tulafono e faasa ai le faasoa pe kopi ni tusitusiga e aunoa ma se faatagaga (copyright material).
- O auala e vaavaai ai galuega e fai (monitoring).
- O le mea e tupu pe a solia tulafono.
O mea e tatau ona iai i tulafono mo imeli
- o le faasaina o se isi i se imeli e faapitoa mo ni nai tagata (e pei o le ‘O mea e i totonu o le imeli lenei e mo tagata e faapitoa iai. Afai ua alu atu sese ia te oe, faamolemole ia aveese….’)
- Pe e talafeagai le ‘sign off’ e se manager imeli e ulufale ai ma vaai i ni imeli mai fafo.
- O nisi tulafono e aafia ai le ‘Data Protection Act’ (puipia o faamatalaga ma data) ‘Distance selling legislation’ (o tulafono e uiga i le faatauina o oloa i mea mamao), ma ‘Libel laws’ (o tulafono e uiga i le faaleaga o se isi tagata).
- Pe faapefea ona faafoe data e le tatau ona iloa e nisi pe a lafo mai i se imeli, e aofia ai ma le filifiliga poo le imeli le auala tatau e fesootai mai ai, pe tatau ona fai i se auala na o tagata e faatatau iai le imeli e malamalama ai (encrypted).
O le sauniuniga ma le faatinoina o se tulafono
- Ia faamanino lelei mea e ono tutupu mai.
- Ia suesue ma talanoaina lelei tulafono ua fuafuaina pe e mafai ona faatino, ae poo talafeagai foi ma tulafono a le malo.
- Ia faamautinoa lelei, o talafeagai tulafono fou ma lau pisinisi, ae le o le tau faafetaui o le pisinisi i se tulafono fou.
- Ia faapaleni mea nei e tolu: o le mafai ona faataunu’u, o le faamoemoeina o le tulafono, ma lona pulea.
- Afai e te faaaogaina se tulafono na fai i se isi mea, ia faamautinoa e fetaui ma tulaga o lau pisnisi, ma ia malamalama gofie. Ia sui, pe faafaigofie, pe faamatala atili foi vaega e tatau ona fai.
- Ia aofia ai tulafono fou nei i tusi mo tagata faigaluega, polokalame mo tagata faigaluega fou, ma totonu o le kamupani.
- Ia tutusa tagata uma ma ia aua nei faailoga tagata le faiga o tagata faigaluega, o a latou konekarate, ma isi tulafono.
- Ia faasalalau tulafono fou pe a uma ona fai, ma ia iloa e tagata uma.
- E tatau ona vaavaai lelei e se isi o le kamupani le tulafono fou ma lona faatinoga.
- Ia toe iloilo pea le tulafono fou ina ia fetaui ma tagata faigaluega i taimi uma.
Mo nisi faamatalaga
Ia vaai ma kopi se faataitaiga Acceptable Usage Policy