English
English
Menu Close

O le laina o sapalai

A’o tuputupu lau kamupani, o le a fesootai ma le tele o tagata faatau, kamupani sapalai, ma faiga pa’aga, ma o le a avea foi oe ma se fesootaiga i le laina o sapalai. O le a avea o se vaega e faatuatuaina ma lelei, o se mea e sili ona taua atu nai lo le na’o le kiliva o oloa ma auaunaga, poo le totogiina foi o oloa i le taimi e tatau ai. O pisinisi i nei aso, ua matua tatau ona lelei le fauina ma le malupuipuia o le pisinisi e ala i le itu tau fesootaiga i le initaneti. O se faaletonu e ono tupu mai i le itu lea, o le a le gata e tauvalea pe aafia ai lau pisinisi, ae o isi foi pisinisi o i le laina o sapalai.

O mea e ono tutupu

  • O faamatalaga uma o tagata faatau mai, tagata sapalai, ma kamupani pa’aga, e tuumatamaga uma i vaega eseeese, ina ia aua nei aafia le laina atoa o sapalai, pe a aafia foi se vaega se tasi.
  • E mafai ai foi ona vaevae ma faasoa faamatalaga (data) o le laina, i se imeli poo se isi foi fesootaiga, e mafai ona ulufale uma  iai  vaega eseese.
  • soo se taimi lava e ofi ai se pisinisi poo se faalapotopotoga fou i le laina o sapalai, o le tele atu foi lena o le le malupuipuia o pisinisi uma, pe a iai se mea e tupu.
  • o le a le malu tupe, o tagata faigaluega, o galuega, o faamatalaga o fesootaiga, o mea taua ua mafaufauina ma teu lelei (intellectual property) a kamupani uma o loo i le laina o sapalai, pe a iai se mea e tupu.

O le ausia o tulaga tatau i le laina o sapalai.

O le mea lena e taua ai tele le iai o tulaga malupuipuia o kamupani uma lava o i le laina o sapalai, ia mafai foi e i latou ona faailoa ia tulaga i isi kamupani, ma ia latou talitonuina foi isi kamupani.

O le mea moni e eseese uma lava le fausiaina o kamupani taitasi, o faataitaiga latou te mulimulitai iai (business models), o le faiga o a latou galuega, o le faiga o a latou  fesootaiga, ma le tetele (size) o kamupani taitasi……ma e eseese foi le tulaga o le malupuipuia o fesootaiga i le initaneti, faapea foi le latou vaai i isi kamupani e aofia ai ma lau faalapotopotoga.

O se amataga lelei lava, o le malupuipuia o oe e ala i tulafono o puipuiga, o le mea e fai pe a iai se mea e tupu mai, atoa ma le amio i totonu o le fale faigaluega ia tausi iai lau aufaigaluega.

E tatau foi ona e faailoa i isi kamupani o i totonu o le laina o sapalai, poo le a le ituaiga malupuipuia e manaomia e lau kamupani, ma ia outou malilie faatasi  i mea e te manao iai. O paaga poo kamupani tetele, e malolosi a latou tulafono, ae ono sui faatatau i le natura o lau kamupani, ma lona aoga i totonu o le laina o sapalai.

E te maua mai se faamatalaga o le malupuipuia o oe, faapea foi isi kamupani, e ala i le fesootai ma se tagata (poo se site) e mafai ona fesoasoani mai ia te oe. O fautuaga e aumai poo fea tonu le vaega o lau kamupani e manaomia se fesoasoani, ma avatu tonu ai lava le fesoasoani i vaega na.