E tele imeli taufaasese i soo se vaitaimi o le tausaga, ae aupito i sili lava ona tele i le taimi e mafaufau ai tagata faigaluega ma pisinisi i a latou lafoga ma tupe e toe maua mai ai.
O mea e ono tutupu
- Afai o oe o se tagata fai lafoga, pe iai se isi au pisinisi e fai ma le ofisa o lafoga, e ono maua mai se imeli taufaasese e taumafai lava ia maua atu faamatalaga o mea tau ia te oe, ina ia faaaoga e tagata solitulafono e ulufale ai i au accounts.
- A le o lena, e maua mai se imeli taufaasese e faapipii mai ai se tusitusiga pepelo e faafoliga e moni, a’o la e faapipii mai ai se attachment e iai ni vairusi, e faasese ai oe, gaoi ai mea tau ia te oe, sipai ia te oe, pe faafefe ai foi oe ina ia maua atu se tupe.
- O le isi auala, o le taumafai lea e tata’i oe i se website pepelo, poo se wbsite ua le aoga, ona le faaaogaina ai lea o le website moni. O nei website pepelo, e tetele ni tupe e te totogia ai mo ni auaunaga e te maua fua, (poo se tau maualalo foi) mai i le malo. O le mea lena e ta’ua o copycat websites.
O le malupuipuia o lau pisinisi.
- Manatua e le mafai ona faafesootai mai oe e se ofisa a le malo e uiga i ni tupe toe maua mai i ni tax, o sau sala, pe manao mai foi i ni faamatalaga tau ia te oe i luga o se imeli, text, poo se post.
- Ia faaeteete i imeli e:
- ese se tuatusi mai i le tuatusi masani a le faalapotopotoga.
- lafo mai i se tuatusi poo se website ese.
- le o faaaogaina mai lou igoa ae faaaoga le faatalofa lautele e pei o le ‘Dear customer’, ‘Dear business owner’, ‘Dear taxpayer’ poo le leai foi o se faatalofa.
- masani ona faatopetope mai se manaoga e pei o le ‘A le vave totogia atu se tupe, o le a tapunia lau account, poo o le a misi le taimi e toe maua mai ai sau tupe e mafai ona toe maua mai.’
- manao mai i faamatalaga tau i se tagataa poo se kamupani e pei o password, ma faamatalaga tau tupe.
- Ia faaeteete lava i imeli e iai attachments e faapipii mai ai. Afai e te masalosalo o se imeli pepelo, aua le kilikiina le attachment ae delete le imeli. Aua le taliina le imeli lena, aua foi le oomiina le ‘forward’ seiloga e te manao e lipoti i le faalapotopotoga sa’o e te iloa e tatau ona lipoti iai.
- Ia mataala i copycat websites latou te fia manao mai e totogi atu ni tupe maualuluga mo se auaunaga e fai fua, pe fai foi i se tau maualalo i se website a le malo. O websites pepelo ia, e tele ai fua tupe alu a lau kamupani ae leiloa pe e leai se auaunaga e te maua mai ai, tusa lava pe matua faasalalau soo mai e le Google ma isi kamupani iloga.
Afai e te masalosalo ua faaseseina oe e tagata taufaasese:
Ia lipoti loa i leoleo.