O mafuaaga mo osofaiga tau DDoS
- O le faafefe ina ia totogi atu ni tupe.
- O le faaleaga o lou igoa lelei
- O le tauvaga le talafeagai (tulaga e faamele e leiloa o lau auaunaga ina ia maua ai au tagata faatau lea ua aafia)
- O le taui ma sui ia oe ma lau pisinisi
- O le fia ta’uleleia i tagata solitulafono
- O le taumafai lava e osofaia ni komepiuta mo soo se mafuaaga.
Puipuiga o lau Pisinisi
E tele ituaiga auala e osofaia ai lau pisinisi e le DDoS, ma e pei lava o itu uma o le upega tafailagi, e tatau lava ona lelei lou malamalama faatekonolosi ina ia iloa ai le mea o tupu ma foia ai faafitauli. Afai e te iloa o lau pisinisi ua osofaia e le DDoS, matou te fautua atu e te aumaia se tagata faapitoa (specialist) o loo iai lona iloa, ma ni mea faigaluega (tools) e puipuia lau pisinisi. E tatau ona fautua mai i auala e faaitiitia ai le aafiaga o lau pisinisi
O le fuafuaga o fesootaiga i se website.
Soo se faalapotopotoga e iai se website, e tatau ona puipui agai i le soona tele o fesootaiga (lelei ma le lelei) e ulufale ma ulufafo i le latou website.
E tatau ona fai se fuafuaga o mea e ono tutupu (risk assessment) e vaai ai galuega a le faalapotopotoga e manaomia ai fesootaiga tatau, ma le mafai e o’o iai le server o komepiuta a le faalapotopotoga, ina ia gafatia le tele ma anoanoai o imeli, telefoni, ma mea faapena, e ulufale ma ulufafo i le website. Ia galulue ma le ‘provider’ ina ia faafoeina lelei tulaga o fesootaiga e pupuu ae le’i iloa pe fuafuaina e le faalapotopotoga. Ia vaai foi i le faapaleni o nei galuega i ni ‘servers’ se tele, ina ia mafai ona tau’ave le mamafa.
O nei fuafuaga, e tele tupe e alu ai, ae tatau ona vaai i mea e ono tutupu i lau pisinisi pe afai e le faia.