PBX Fraud

O le Private Branch Exchange (PBX) o systems a telefoni o lo’o fa’aaoga e pisinisi laiti ma pisinisi tau feololo mo feso’ota’iga i totonu ma fafo o le kamupani. E masani ona osofa’i e tagata tau fa’aleaga. E latou te fa’aleagaina mea fa’atekenolosi – i le faia o gaioiga ua ta’ua o le PBX fraud (po’o le ‘dial-through fraud) – e osofa’i e tagata le PBX ona o’o lea i se tulaga e sao mai ai le so’ona tu’u tavilivili mai o tagata – e fa’atusatusa fuainumera o tagata o lo’o tu’u tavili mai, e tali tutusa ma fuainumera o tagata o lo’o tu’u tavili mai tafa ese’ese o le lalolagi. E matua afaina ai le itu tau tupe o se pisinisi. E seasea ona ripotia lea solitulafon o le ‘dial-through fraud’ talu ai e le o lava tele le malamalama o tagata i lea fo’i fa’afitauli. E masani ona umi se taimi o tupu lea fa’alavelave e aofia ai le tu’u tavili o telefoni taugata pe a ma le fa’aselau pe fa’aafe fo’i, ona matua tigaina ai lea o le pisinisi e totogi le pili.

Pe fa’apefea ona fa’agaioi le PBX

E iloa loa e se auto-dialler ia ni systems e tatau ona osofa’i, ona osofa’i lea e tagata le system ina ia maua mai ai le numera tatala (pass code) ona mafai ai lea ona latou o’o i totonu o le PBX system. O vaega e pei o le Remote-access voicemail, message forwarding ma le call diversion, e mafai ona osofa’ia ina ia mafai ai ona amata le tu’u tavili fa’asolitulafono. Afai e fa’aaoga ala feso’ota’iga o le voice over IP (VOIP), e tele lava ina afaina i le malware po’o le osofa’iga o se IP address o lo’o feso’ota’i ma le pusa o le PBX, e sao atu ai i firewalls.

Mea e ono tutupu

Ua maua e lau pisinisi ni pili e matua taugata lava e aunoa ma sou iloa

Taofia o le dial-through fraud

Vaega e ogatasi ma PBX systems

Fai se auala e taofia ai le so’ona tu’u tavili e au systems o ni numera pe a osofa’ia nei:
Fa’asasa ni nofoaga e le masani ona viliina e lau system e pei o le premium rate, o atunu’u i fafo po’o operators ma numera o au’aunaga e maua ai le fesoasoani.
Iloilo fa’amaumauga ma ripoti o telefoni ua fai
Va’ai i taimi uma po’o tuputupu a’e le telefoni atu/mai o tagata, ma mea e le masani a’i.

Fa’asasa tagata e fa’atagaina:

Ia iai se fuafuaga e fa’amaumau fa’avavevave i so’o se system ni gaioiga le fa’amaoni. E tatau ona fa’atulaga fa’apitoa lelei ina ia taofa’i uma ai so’o se itu’aiga telefoni mai/atu
Sui le fa’atulagaina o le voicemail ina ia mafai ona fa’aaoga i laina mai fafo. Sa’ili ni fautuaga mai tagata o lo’o iai le tomai fa’apitoa i le fa’atulagaina o lau voicemail i se tulaga puipuia.
Fai ni numera tatala (PIN) mo le fa’aaogaina i nofoaga ese
Fai ni tulafono mo laina fa’aopoopo o lo’o mana’omia le feso’ota’iga i ni laina mai fafo e ala mai i lau voicemail.

Fa’ataumamao mai auto features:

Afai o iai se Direct Inward System Access (DISA), ia mautinoa ua tape atoa. Mo le taofia o tagata o lo’o vili mai fafo o le PBX, e fai ai ni telefoni e pei o lo’o sau sa’o mai i lau laina fa’aopoopo.
Fa’atulaga lelei le fa’asoaina o mea i luga o telefoni ma upega o feso’ota’iga ina ia taofia le feosofa’i tagata tau fa’aleaga mai le tasi nofoaga (website) i le isi
Ia mautinoa ua ave ese uma ia masini ma leo ua uma ona pu’e o lo’o fa’asino ai le auala e fa’aaogaina ai laina mai fafo.

VOIP systems

Ia mautinoa ua e faia ni auala e puipuia ai vaega fa’atekenolosi ma au mea totino.
Fesili i tagata o lo’o va’aia au systems po’o tagata o lo’o faia au systems mo se fesoasoani i le puipuiga o lau system. O isi kamupani o lo’o faia systems e masani ona iai ni fuafuaga e fa’ata’atia e pei o le va’aiga o le fa’aaogaina o mea e le masani a’i, o le tapeina o ni au’aunaga pe a silia le fa’aaogaina ua fa’atapula’aina, po’o le tipi o feso’ota’iga pe afai ua fa’afeso’ota’i ni a latou SIMs i se komepiuta, switchboard, po’o le upega tafa’ilagi.

Afai ua manatu ua e a’afia i gaioiga le fa’amaoni o le PBX

Ripoti loa i leoleo.

O le galuega fai fa’atasi ma le TUFF (Telecommunications UK Fraud Forum) na afua ai lenei itulau