Puipuiga o Fa’amaumauga

Manulauti mo le Puipuiga o Fa’amaumauga: tulafono ma gaoioiga tatau

• E ao ona sa’o fa’aletulafono le aoina ma le teuina o fa’amatalaga e patino i tagata ta’ito’atasi. E tāua le iloa ma fa’ailoa i le tagata e ona fa’amatalaga le mafua’aga o lo o ao ai a ma po o le a le mea o le a fai i fa’amatalaga e patino ia i latou e pei ona aoina.
• E tatau ona fa’aaoga fa’amatalaga patino mo le fa’amoemoe na ala ai ona ao, ae le mo se isi mea e le’i fa’ailoa i le tagata i le taimi na ao mai ai fa’amatalaga mai ia latou.
• E lē tatau ona fesiligia fa’amatalaga e le feso’ota’i ma le fa’amoemoe na ala ai ona aoina. O lona uiga e le mafai ona e fesiligia fa’amatalaga e le o mo’omia i le taimi e ao ai, ma se manatu e ono aogā i le lumana’i!
• E tatau ona sa’o fa’amatalaga o lo o ao ma teu. Ia iai fo’i le avanoa e mafai ai ona faasa’o e le tagata ta’ito’atasi fa’amatalaga e patino ia te ia na ao e le pisinisi mai lea taimi i lea taimi, ae maise pe i ai ni suiga i fa’amatalaga.
• E lē tatau ona umi atu le taimi e teu ai fa’amatalaga e patino i tagata ta’ito’atasi na i lo le taimi e mo’omia ai ia fa’amatalaga. E tatau ona i ai se faigafa’avae a le pisinisi e fa’atatau i le umi talafeagai e ao ai ona teu fa’amataga fa’apea, ma ia fa’amalosia le fa’atinoga/usita’ia o lenei faigafa’avae.
• Ia aloa’ia aia tatau a e o lo o ao mai ai fa’amatalaga e patino ia i latou ta’ito’atasi. A talosaga mai mo se kopi o fa’amatalaga o lo o teu e le pisinisi, ia tali leleia le talosaga ma ia ave i ai se kopi i se taimi talafeagai, ae aua le fa’atuai.
• Ia mautu puipuiga tatau mo nei fa’amatalaga ina ia aua ai nei fa’aaoga sese e so o se isi, pe i totonu o le pisinisi po o fafo atu foi.

Fa’auigaga

• Personal data – fa’amatalaga e fa’atatau i se tagata o lo o soifua.
• Data subject – o le tagata e faatatau i ai fa’amaumauga / fa’amatalaga.
• Data subject access request – o le aia tatau a le tagata ta’ito’atasi e fa’atalosagaina ai se kopi o fa’amaumauga e fa’atatau ia te ia o lo o teu e le pisinisi. E fa’aaoga aiaiga ua uma ona fa’ataoto mo le fa’atalosagaina o fa’amaumauga ma e totogi fo’i le tau mo le talosaga.
• Data controller – o se fa’alapotopotoga e fa’aaoga ai personal data – po o fa’amatalaga e fa’atatau i se tagata o lo o soifua.
• Processing of personal data – teu, fetufa’a’i, va’ai/faitau, ‘ilo’iloga o fa’amatalaga/fa’amaumauga e fa’atatau i se tagata o lo o soifua.
• Notification – O le auala aloaia e logo ai le Ofisa o le Komesina o Fa’amaumauga – Information Commissioner’s Office, e se fa’alapotopotoga e fa’atatau i le fa’aaogaga o fa’amatalaga/fa’amaumauga e fa’atatau i se tagata o lo o soifua.
• Sensitive personal data – fa’amatalaga e patino i talitonuga fa’aletapua’iga ma isi tafa o le olaga o se tagata soifua

E aofia ai:

• Fa’amaumauga fa’atekonolosi, po o lo o teu i masini/polokalame fa’atekonolosi (e aofia ai ata o lo o pue i le CCTV).
• Fa’amaumauga o lo o fa’apepa, ma o lo o iai i se tu’ufa’atasiga o faila ua fa’avasega lelei, o lona uiga e mauagofie ia fa’amaumauga pe a saili.

Tulafono fa’atonutonu mo le Puipuiga Lautele o Fa’amaumauga – General Data Protection Regulation (GDPR)

Afai o lo o e teu, fetufaai, va’ai/faitau,’ ilo’iloa fa’amatalaga/fa’amaumauga e fa’atatau i se tagata o lo o soifua, a o se tagatanu’u o le Iuni a Europa (EU), e tatau la ona e usita’ia lenei Tulafono fa’atonutonu, po o le General Data Protection Regulation (GDPR)