Puipuiga o le upega o feso’ota’iga ma komepiuta

Ae le’i taunu’u mai le upega o feso’ota’iga, upega o feso’ota’iga ma komepiuta, sa faigofie lava le puipuiga ona sa taula’i lava le va’ai a matagaluega i le tua’oi o a latou systems. Sa feso’ota’i komepiuta i upega o feso’ota’iga, ae vagana ai ua fa’aaoga le Wide Area Network (WANs), sa le maua se feso’ota’iga ma atunu’u i fafo. Talu le upega tafa’ilagi, ua faigata lava ona puipuia.

Puipuiga o upega o feso’ota’iga

O le tele o puipuiga o upega o feso’ota’iga ua tele ina va’aia e polokalame fa’atekenolosi e pei o le Firewall. E fa’apitoa lava le vaega o le puipuiga o upega o feso’ota’iga, o le manatu a le to’atele e le mafaia e tagata e ana tama’i pisinisi laiti atoa ai ma kamupani o lo’o faia fesoasoani mo mea tau IT, ma ua tele ina a’ami au’aunaga a tagata o lo’o iai le tomai fa’apitoa i le puipuiga o upega o feso’ota’iga.

E tele lava itu’aiga masini mo le taofia o ni osofa’iga (IPDs) ma systems mo le taofia o ni osofa’iga (IPSs) o lo’o avanoa, ma e masani lava ona mo’omia se tagata o lo’o iai le tomai fa’apitoa e fa’atinoina. E mafai fo’i ona feso’ota’i ma matagaluega fa’apitoa ina ia fa’ata’ita’i ai au puipui po’o lelei pe leai.