O le ituaiga imeli lea e masani lava ona manao mai e totogi atu se tupe i le aso lava lea, ma aumai ma le faamalamalamaga i le mea e fia vave maua ai. E masani ona maua mai ‘ae le o i le ofisa le tagata na aumai ai le imeli’ ina ia faigata ai ia te oe ona siaki pe moni pe leai. E le gata i lea, ona e te vaai atu o le imeli e aumai i le pule o le faalapotopotoga, e atili ai ona e faapea e moni e tatau lava ona totogi le tupe. E ono sili atu lou manatu mamafa i se imeli mai le pule nai lo se isi lava tagata faigaluega (phishing email).
O le tagata taufaasese, e mafai ona pepelo mai o ia o le pule, e ala i le osofaia o le account a le pule o la outou faalapotopotoga, ma maua ai lona tuatusi, poo se isi foi tuatusi e toeitiiti lava tutusa, toe toe a e le mafai ona iloa le eseesega. O lenei amio leaga e ala ona mafai ona fai, ona o le tago suesue uma mea e tau i la outou faalapotopotoga, ma tagata e iai, e ala i togafiti eseese, poo metotia foi ma feuia’iga e masani ona fai e tagata e pei o le Linkedin. I nisi taimi, e soso’o ai lava ma le vala’au atu (o oe lea ua faaseseina) e ta’u atu iai le mea ua totogi iai le tupe (payment details).
O mea e ono tutupu.
Ua e talitonu moni lava ua e totogiina le tupe i se isi tagata, ae o le mea moni, ua e totogiina i le tagata taufaasese ua pepelo mai o ia o le pule o la outou faalapotopotoga.
Ia puipuia lau pisinisi mai i le taufaasese o se tagata faataga faapei o le se Pule (CEO).
- Ia mataala i imeli e te’i lava ua lafo mai e manao i se tupe (pe fia lava) ae e te le o fuafuaina e tatau ona maua mai se imeli faapea.
- Ia siaki i le tagata e te iloa na aumai ai le imeli, (poo le a lava lona pisi pe faigata ona maua) pe faamaonia o ia na aumai ai le imeli. Afai e le o avanoa ae o lo’o manaomia le fia vave maua atu o le tupe, ia siaki i se isi tagata sinia.
- Aua le faia i le imeli feutaga’iga ia, ( ina nei te’i o la foi ua osofaia lana imeli) ae alu iai, pe vili foi iai, poo le faaaoga o se isi lava auala e te talitonuina.
- Afai e te le talitonu i le imeli, aua le totogiina se tupe, tusa lava poo le a le vave manao mai pe faasala foi oe.
Afai o lau faalapotopotoga toeitiiti lava faaseseina, pe ua faaseseina foi:
- Ia lipoti loa i leoleo.
- Ia fai loa se faiga e faaitiitia ai le afaina, pe mai fafo poo totonu lava o le faalapotopotoga.
- Afai o le taufaasese ua afaina ai au tupe, ia faafesootai loa le faletupe.