Faataitaiga o mea e ono tutupu
- Ua faafesootai mai oe e se tagata fai mai o ia e sapalaia mai au oloa, ma ua ta’u mai ia te oe ua iai le account fou e fai iai lau direct debit, standing order, poo le bank transfer (tupe e fai i luga o lau faatonuga). E te le ono iloaina lenei taufaasese seiloga e faafesootai mai oe e le sapalai moni, e le’i totogia atu au tupe ta’i masina, pe e le’i avatua foi oloa pe faia se auaunaga.
- Ua pepelo mai oe e se tagata i se imeli, tusi, poo se telefoni fai mai o ia o le sui o se kamupani fai tusi (publisher), auaunaga mo information (information service), poo se isi faalapotopotoga e totogi ai tupe (subscriptions), e ta’u mai details o se bank account fou e lafo atu iai lau tupe. E te le ono iloaina lea taufaasese seiloga e te le toe maua atu se auaunaga i le faalapotopotoga moni.
- Ua osofaia lau account i le faletupe i luga o le initaneti e se tagata taufaasese, ma ua ia suiina uma faatonuga o lau account ina ia alu lau tupe i lana tusitupe.
Ia puipuia lau pisinisi mai faatonuga taufaasese
- Ia fa’amaonia i taimi uma suiga o au tupe totogi i se faalapotopotoga, e ala i le faaaogaina o a latou details ua e iloa e sa’o.
- Afai e te masalomia se telefoni e pepelo, ia tuu i lalo le telefoni ae toe vili le faalapotopotoga i le numera e te iloa e sa’o.
- Aua nei soona faataatiasoloina ni invoices, pepa o tupe totogi, poo ni mea faapena e vaai iai nisi tagata.
- Siaki lipoti o au tupe ma ia faafesootai le faletupe pe a iai se mea e masalomia.
- Ia faailoa i le aufaigaluega o lau kamupani, aemaise lava latou o galulue i le itu tau tupe, ina ia latou iloa mea e ono tutupu.
Afai e te masalosalo ua tau faaseseina, pe ua faaseseina foi oe:
- Ia faafesootai loa le faletupe ma ta’u iai le mea ua tupu ma e te masalosalo ua faaseseina oe e tagata taufaasese.
- Ia faafesootai le faalapotopotoga ua ta’u fua le igoa e le tagata taufaasese.
- Afai e moni ua faaseseina oe, ia lipoti loa i leoleo.