Tia’iina o kempiuta
A iai sau komepiuta o lo’o sefe ai ni fa’amaumauga o lo’o e mo’omia, kopi loa i se isi server ae e te le’i tapeina. A iai sau PC ma ua e mana’o e fa’asoa au fa’amaumauga ma au settings ma au user profile i se isi PC, e mafai ona e tago e fa’aaoga le polokalame a le Microsoft e ta’u o le PCmover Express, e aunoa ma se totogi. E mafai ona backup uma au fa’amaumauga i le cloud.
Tape atoa le hard disk ia mautinoa o lo’o tape atoa ni fa’amaumauga taua o lo’o iai. Ae e le gata ai iina pe a e mana’o e tape atoatoa. Fa’aaoga le polokalame fa’apitoa mo le tapeina o faila po’o service, pe tago loa e talepe le hard drive ina ia fa’aleaogaina ai. Ae a fa’apea o lo’o mafai pea ona toe fai ma fa’aaoga, e mafai ona toe fai se isi nofoaga i fafo atu, fa’atasi ai ma le eletise, ma le USB connection, e toe backup ai pe toe fa’aaoga au fa’amaumauga.
O Cd, Dvd, memory cards, USB sticks ma isi masini e fa’aaoga ai le USB, e mafai ona maua ai ni fa’amaumauga taua ma e tatau ona fa’aeteete i le ave’eseina o fa’amaumauga. A talafeagai, ia fa’aeteete fo’i pe a tia’i.
Afai ua sili atu le umi o le komepiuta i lo o le taimi o lona aoga ma e le toe fa’aaogaina e oe po’o se isi lava tagata, e tatau ona talepe lelei ma toe recycle lelei ia vaega ese’ese i se fale fa’apiptoa e tia’i ai
Tia’iina o smartphones ma tablets
Ia mautinoa, afai e te mana’omia ni fa’amaumauga po’o settings, ia kopi mai lau komepiuta aga’i i se isi komepiuta talafeagai – pe backup fo’i i luga o le cloud – ona toe fa’afo’i lea i le settings na sau muamua ai.
Afai o se masini o le Android, e tatau ona fa’atagaina le gagana fa’apitoa (encryption) ae e te le’i faia le factory reset. O telefoni a le iPhone e otometi le fa’atagaina o lea gaana fa’apitoa (encryption). Afai e te fia matua’i mautinoa ua tape atoatoa fa’amaumauga ma settings, fa’aaoga se polokalame e lauiloa.
Afai ua o’o le masini i le taimi uma ai lona aoga ma e le toe fa’aaogaina e oe po’o se isi lava tagata, toe recycle lelei ia vaega ese’ese i se fale fa’apiptoa e tia’i ai.