Afai e apu lou faalapotopotoga i lalo o le faamatalaga o loo i luga, o loo i lalo o se matafaioi faaletulafono le usitaia o GDPR. O le GDPR e sili atu le faamamafa i pepa o faamatalaga ia e tatau ona teuina e faafoe o faamaumauga e faaalia ai lo latou tausalaina. O le usitaia o vaega autu uma ia e manaomia ai le iloilo o lau organisation i auala e pulea ai ma faafesootai le puipuiga o faamaumauga o se faafitauli i totonu o le pisinisi. O se tasi o vaega o lenei mea o le iloiloina lea o konekarate ma isi fuafuaga o loo e mauaina pe a faasoa atu faamaumauga i isi faalapotpotoga po o pisinisi.
O lenei vaaiga aoao ua faamamafaina ai autu faapitoa a le GDPR e fesoasoani atu ia te oe le faamalamalamaga i le faavaa faaletulafono i le EU. E mo i latou e i ai tiutetauave mai lea aso i lea aso mo le puipuiga o faamaumauga.
O ai e fa’autu pe fa’atatau i ai le GDPR?
- E fa’atatau le GDPR i e e fa’aaoga, pe teu, pe fetufaai foi fa’amaumauga. O le tagata/fa’alapotopotoga e fa’aaoga fa’amaumauga o latou lea e faatonua le auala e ao, teu pe fetufaai ai fa’amaumauga. O latou foi ia e iloa pe aisea e ao ai fa’amaumauga. O latou e aoa, teu ma fetufaai fa’amaumauga latou te faia ia gaoioiga i le pule a le o lo o fa’aaoga fa’amaumauga.
Afai o oe e aoa, teu, pe fetufaaia fa’amaumauga e iai aiaiga fa’aletulafono i lalo o le GDPR e ao ona e usitaia. Fa’ata’ita’iga, e ao ona e fa’amaua lelei i lalo au gaoioiga uma na faatino e ao, teu pe fetufaai ai fa’amaumauga. E matuā mamafa lou a’afiaga pe a tupu se fa’aletonu i fa’amaumauga na e aoa, teu, pe fetufaai. O se tasi nei o aiaiga fou i lalo o le GDPR.
Ae afai o oe o se isi e fa’aaoga fa’amaumauga, e i ai foi mea e ao ona e faia e tusa ai ma le GDPR – e tatau ia te oe ona fa’amautinoa o lo o ogatasi au konekarate ma le au ao, teu ma fetufaai fa’amaumauga ma ‘aia’iga o le GDPR.
- E fa’atatau le GDPR i fa’alapotopotoga o lo o galulue i totonu o le Iuni a Europa. E fa’atatau foi i fa’alapotopotoga o lo o i fafo atu o le Iuni a Europa ae o lo o fa’atau atu oloa po o ‘au’aunaga i tagata ta’ito’atasi i totonu o le Iuni a Europa.
- E le fa’atatau le GDPR i le aoga, teuga po o le fetufaaiga o fa’amaumauga o lo o fa’atino i lalo o se Fa’atonuga aloaia a se tino e fa’atinoa le Tulafono, pe mo le puipuiga/saogalemu o se Atunu’u, pe mo se mo’omiaga e patino i se tagata ta’ito’atasi ae le aafia ai se fa’alapotopotoga po o se pisinisi po o se fefa’atauaiga fa’apisinisi.
O a fa’amaumauga e fa’atatau i ai le GDPR?
Fa’amatalaga patino i se tagata o lo o soifua
E fa’atatau le GDPR i ‘personal data’ po o fa’amatalaga/fa’amaumauga e patino i se tagata o lo o soifua. Ae lautele te isi le fa’auigaga e le GDPR o nei fa’amatalaga patino i se tagata o lo o soifua. Fa’ata’ita’iga e aofia i le ‘personal data’ le tuātusi o se tagata i luga o le initaneti ma isi auala e iloagofie ai tagata i luga o le initaneti. E lautele atu le fa’auigaga o le ‘personal data’ i le GDPR e amana’ia ai ua tele auala ma fa’amatalaga e patino i tagata ta’ito’atasi ua alia’e mai ona o le tekonolosi ma feso’ota’iga fa’atekonolosi i luga o le initaneti.
Mo le tele o fa’alāpotopotoga e le tele tele se suiga e moomia ona fa’atino i le lautele o le fa’auigaga a le GDPR. Afai o lo o usita’ia le DPA (Data Protection Act) o lona uiga o lo o o gatasi foi ma le GDPR.
E fa’atatau le GDPR i fa’amaumauga o lo o teu fa’atekonolosi atoa ai ma fa’amaumauga o lo o fa’apepa.
E i ai fa’amaumauga e le o teua i le igoa moni o le tagata ae o lo o fa’aaoga se igoa fatu. Afai e iloa gata le tagata moni e ona le igoa fatu e mafai ona aofia le igoa fatu i le faauigaga o ‘personal data’ po o fa’amatalaga/fa’amaumauga e fa’atatau i se tagata o lo o soifua.’
Fa’amatalaga ma’ale’ale e patino i se tagata o lo o soifua
E tau ‘itu’aiga fa’amaumauga ia e le GDPR o “ituaiga ‘personal data’ fa’apitoa”(silasila i le Fuaiupu 9 o le GDPR).
Fa’ataitaiga, o fa’amatalaga e patino i le tino o le tagata, e pei o le lanu o mata, maualuga, oloa po o nifo, ma mea fa’apena. Mea e iloagofie ai oe, pe tulaga’ese ai oe mai se isi tagata soifua.
E le aofia ai ‘personal data’ e fa’atatau i soligatulafono. E ese puipuiga mo fa’amaumauga fa’apea (silasila i le Fuaiupu 10 o le GDPR).