Pisinisi laiti
Ua fa’atupulaia le fuainumera o pisinisi laiti ua saili fesoasoani ma fautuaga mai le AO (Cloud) i mataupu tau faatekonalosi mo le faatinoina o a latou galuega. Ae e tatau a ona i ai le iloa/poto masani ma se auaunaga faapitoa i totonu o lau kamupani e nafa ma ia tulaga uma –pei o le silasila i le Ao ma auaunaga eseese o i ai- aemaise o le faaleleia o ni faafitauli e tutupu mai.
Mataupu manaomia mo le Tusi Pasi
Ia muamua tagai i vaega amata (basics) i le tulaga tau i le faatinoina o galuega le aoaoina o le tusi pasi, e le manaomia se iloa muamua o le auaunaga faatekonalosi, ae taua le malamalama i upu ma le gagana faatekonalosi. O le vaega muamua lea o le aoaoina o le saogalemu i le faatinoina o galuega faatekonalosi ina ia malu puipuia faamatalaga ma faamaumauga.
Mo Kamupani o puleaina a latou lava Auaunaga Faatekonalosi. (Faatekonalosi e aofia uma ai auaunaga eseese i le faatinoina o mataupu tau IT).
Afai e le o i ai se vaega faapitoa o le kamupani/faalapotopotoga e nafa ma le vaaia lelei o galuega faatekonalosi, ia tagai lelei i le matimatiina o le poto masani e faatino ai galuega o loo vaaia e lau Matagaluega. E taua tele le iloa/malamalama i galuega uma o faatino i totonu o lau kamupani, ae ia le na o le faatekonalosi.
Tusi Pasi (TP) manaomia
O se TP e mafai ai e le tagata faigaluega ona faatino mai sona iloa i galuega tau faatekonalosi, o ala e puipui ai mai ni faafitauli,aemaise ia loloto le iloa i tulaga tau lau kamupani, puipuina o mataupu, o le galueaina o auala eseese faapisinisi e oo lava i galuega tau i le foia o ni faafitauli, ia iloa faatino. E manaomia le iloa e fatufatu ma amata ai se galuega, puipui ma faatino atili ina ia malu puipuia e tusa ma galuega faatekonalosi pei ona faamauina.
Kamupani Tetele
Afai e nafa a lau kamupani ma le puipuia o ana lava galuega faatekonalosi- ia mautinoa o se auaunaga fetaui lelei mo lea matafaioi.
Tusi Pasi manaomia
Ia filifilia aoaoga e fetaui ma le galuega a le tagata – e le afaina le ituaiga vaega e fia galue ai le tagata, ae ia fetaui ma lona manao. Faataitaiga, e le mananao uma le au faigaluega i le matata faatekonalosi e avea latou ma sinia poo pule, ae ia maua le poto Masani ma le silafia mai nei aoaoga e fau ai le lumanai o le tagata ia.
Poo le a lava le vaega o le aoaoga e suesue ai le tagata faigaluega i le matata faatekonalosi, ae tatau ona i ai le iloa e mataitu ai suiga ma faafitauli e ono aliae mai pea. O le ala lea e tatau ai ona faia pea aoaoga ina ia fetaui ma ia tulaga.
O se Tusi Pasi lelei tapena i auaunaga faatekonalosi e tali atu i vaega ia. E le gata ina faatupu ai pea le iloa e faatino ai galuega, ae ia avea foi ma Tusi Pasi e aloaia e faalapotopotoga taualoa i le matata faatekonalosi. O le a maua ai avanoa ma auala e maua ai mafutaga e fefa’asoaai ai le iloa ma le tomai ma ia faalapotopotoga aemaise lava i le matata lautele faatekonalosi – e taua tele i le faaleleia atili o le silafia ma le poto masani e faatinoa ai galuega ma foia faafitauli.
Tusi Pasi mo Tomai eseese
O le lisi lea o Tusi Pasi ma aoaoga eseese (ISC) aua le faatinoina o galuega faatekonalosi e fetaui ma soo se ituaiga kamupani.
CCFP
- O le CCFP pau lea o le faailoga patino tonu a i mataupu tau i le suesuega i galuega tau fesootaiga i malosi feaveai faatekonalosi, e mafai ona faamautuina ai lou silafia i le tauaveina o lenei galuega.
- isc2.org/ccfp
CISSP
- O le Faailoga auro lea e faamautuina ai lou silafia e te gafatia ai ona faatino le auaunaga e faatatau i le fausiaina ma pulea se faavaa saogalemu o se faalapotopotoga- aua le malupuipuia o lana auaunaga faatekonalosi.
- isc2.org/cissp
Concentrations – Poto Faapitoa
- CISSP Concentrations o se tusi pasi e maua ai se galuega e mafai ona e agai ai isi avanoa maualuga atu i kamupani tetele ma le poto faapitoa.
- isc2.org/concentrations
HCISPP
- O le HCISPP na o le pau lea o le Tusi Pasi e mautinoa ai lou tomai atoatoa i galuega faatatau i le puipuia ma le saogalemu o faamatalaga taua faatatau i le soifua maloloina.
- isc2.org/hcispp
CSSLP
- O le CSSLP o se Tusi Pasi e molimau i lou silafia ma le poto masani i galuega tau le puipuia o polokalame ma aga tau faaleleia o le faatekonalosi.
- isc2.org/cssip
SSCP
- O le SSCP o se Tusi Pasi e fetaui i le tau amataina o le soifua galue i le matata tau faatekonalosi, ae mafai foi ona avea ma vaega e faalautele ai le silafia ua i ai i lea matata.
- isc2.org/sscp
(ISC) o se faalapotopotoga tu maoti, e le galue mo se porofiti, ae o se faalapotopotoga pito tele i le lalolagi atoa i le faamaopopoina o Tusi Pasi ma le tomai faapitoa i mataupu ma polokalame faatekonalosi. Latou te ofoina faamaumauga ma Tusi Pasi i mataupu ma vaega eseese o auaunaga faatekonalosi aemaise o le faaauauina ai pea o lea auaunaga e ala i ana aoaoga.