E tele mea lelei e maua mai le fa’aaogaina o user accounts:
E mafai ona e pulea tagata e fa’atagaina – fa’asasa le fa’aaogaina o fa’amatalaga fa’apitoa a le kamupani mo na’o tagata faigaluega ma tagata fai konokarate ua fa’atagaina. Fa’ata’ita’iga, e le mafai e se tagata mai le vaega o tupe ona fa’aaogaina fa’amaumauga a le vaega o lo’o va’aia tagata faigaluega, fa’apena fo’i le vaega o lo’o va’aia tagata faigaluega ona fa’aaogaina fa’amaumauga a le vaega tau tupe.
E mafai ai e tagata faigaluega ona fa’aaoga komepiuta ese’ese i totonu o se matagaluega, pe latou te galulue i totonu o le nofoaga, po’o le hot desk, pe galulue i nofoaga ese’ese.
O le fa’aaogaina o user accounts e puipuia ai fo’i oe mai le fa’aaogaina e tagata e le’i fa’atagaina – e pei o tagata asiasi, tagata fa’atau oloa, ma tagata tau fa’aleaga – ia komepiuta ma upega o feso’ota’iga
Fa’atulagaina ma le fa’aaogaina o user accounts
E tatau ona vave ma faigofie le fa’atulagaina o user accounts i komepiuta ma upega o feso’ota’iga e ala i a latou control panels. A le mautinoa, va’ai nofoaga o lo’o aumai ai ni fesoasoani, pe asiasi fo’i I le itulau fa’apitoa i luga o le upega tafa’ilagi mo operating systems o lo’o e fa’aaogaina.
E iai igoa fa’apitoa ma upu tatala a user accounts. So’o mea lava o lo’o fa’aaoga ai ni upu tatala, e tatau ona malosi ma ia faigata ona tau mate e tagata, ma aua lava ne’i fa’asoa atu i nisi tagata.
Afai o le tu’u atu i se isi tagata se komepiuta, e tatau i tagata uma ona log out, ma ia loka fo’i le laupapa pe a le fa’aaogaina.
Administrator accounts
O le administrator o se tagata e mafai ona faia ni suiga i se komepiuta po’o upega o feso’ota’iga e aofia tagata uma, e pei o le suiga o le fa’atulagaina o puipuiga, fa’aaogaina o polokalame fa’akomepiuta ma masini fa’akomepiuta, fa’aopoopo, to’ese ma fa’afou accounts a tagata ma faitau i faila uma.
E mafai fo’i e le Administrator ona suia le itu’aiga account a le tagata i le tulaga o le administrator. E tatau la ona fa’atuatuaina le tagata o le a fai ma administrator, ma ia sili lona tomai i nai lo o le umia o se fa’ailoga masani o le IT. Mo pisinisi laiti, e mafai ona avea le tagata e ana le pisinisi ma administrator.
Afai e fia log on fa’aAdministrator, e tatau ona iai se account fa’aAdministrator a oe po’o le tagata o lo’o outou galulue fa’atasi, e mafai ona siaki pe a uma ona log on.