O le ofisa ma le fale e mafai ai ona faaaoga le tekonolosi lava e tasi (802.11). E iai nai itu e ono tutupu mai, e ui lava ina eseese. E mafai ona e puipuia oe lava i nai mea faigofie.
O mea e ono tutupu mai
Afai e le o malupuipuia pe e le o faatagaina foi lau ‘router’, e mafai e tagata poo faalapotopotoga ese ona ofi mai i au fesootaiga pe afai o latalata mai. E ono tutupu mea nei:
- E mafai ona osofaia e tagata au imeli e lafo atu pe lafo mai, ma faasalalau ai mea taua o iai, ona tutupu ai lea o ni faafitauli ogaoga.
- O le a aafia le auala e maua ai au data, ma faatelegese ai le galulue a lau komepiuta ma isi devices.
- O le a faaaoga e isi tagata tupe na totogi ai le kopiina o ni au information i le ISP (downloading allowance).
- O le kopiina e se isi o ni mea leaga ma le talafeagai ae totogi e oe aua ua osofaia lau komepiuta.
O le malupiipuia o fesootaiga faauaealesi
- O mea uma lava e ono tutupu mai e pei ona faamatala atu i luga, e mafai ona foia i le faamautinoa o malupuipuia lau hub/router. A siaki poo malu pe leai, ia vaai fesootaiga o uaealesi (available wireless networks) ma o fesootaiga e malu, o loo iai le faailoga o le loka (padlock symbol).
- Afai e te faatoa faapipiiina se komepiuta, smartphone, ma’a (tablet), printer poo se isi lava device, i se hub/router o se uaealesi, e masani ona faapea mai e enter se ki poo se password pe afai o malu lelei le fesootaiga. O le a mafaia ai e le device ona fesootai i le taimi lava lena ma le lumanai. Mo le malupuipuia atili o lau device, e tatau ona e suia le ki poo le password i se upu e te filifilia, ae le’i faaaogaina le Wi Fi mo ni au fesootaiga e le tatau ona iloa e nisi.
- Afai o e faapipiiina se hub/router fou, e le taumate ua iai ma le ‘security’ ua uma ona ki, ina nei te’i ua le malupuipuia. E tolu lava ituaiga tulaga o ‘encryption’ (data e malamalama ai na o ni nai tagata) o loo faaaogaina, o le (WEP, WPA ma le WPA2) o le WAP2 o le tulaga aupito i sili lea ona maualuga. O le tele o hubs/routers, e avatu le avanoa e te filifili ai i se tulaga maualuga, ae ia e manatua o nisi devices tuai, e le fetaui ma ia tulaga maualuluga.
- Afai ae le malu se hub/router e fesootai iai au devices i le fale, poo le ofisa, poo devices feaveai foi, ia faafesootai loa le numera o i le tusi faaaoga (manual).
- Ia faamautinoa o lelei ma malupuipuia au faila ma ia faaaoga le ‘firewall’ ae le’i faapipiiina fesootaiga o le uaealesi.
- Ia sefe ma malupuipuia Wi Fi codes ina ia le mafai ona faaaogaina e se isi e le tatau ona faaaogaina.
- Manatua o le code e ulufale ai o loo tusi i le hub/router, e tatau la ona aveese, pe tuu foi le hub/router i se mea e le tau iai se isi aemaise o ni tagata ese e omai i le lotoa.