Mea e ono tutupu
- Afai o lo o fa’aaoga lava e se PC le Windows XP o lona uiga o lo o tele le avanoa e ono a’afia ai ia masini i ni faiga fa’asolitulafono/taufa’asese.
- O na malware e mafai ona faaoga e latou e solitualfono mo le taunuuga o faamoemoega le taua, e aofia ai:
- O le gaoi o faamatalaga e le faalauaiteleina a lou kamupani ina ia mafai ai ona faia se mea taufaasese, espionage ma isis ituaiga faasolitulafono..
- Le fa’aaoga o le ransomware e fa’atamaia ai au masini/polokalame/fa’amaumauga fa’atekonolosi.
- O le gaoiga o faasinomaga ina ia mafai ona talosaga mo teugatupe i faletupe, tusifolau ma isi fale i lou igoa.
- Le osofa’ia o imeli ma feso’otaiga.
- O le avea o lau PC e fai ma se vaega o se botnet, e masani ona faaaoga e osofaia ai websites o pisinisi faapea ma le ofisa o malo.
- Ua faigata ona mafai ona toe fai pe fa’aleleia PC o lo o fa’aaoga pea le Windows XP pe a leaga se mea.
- O le tele fo’i o masini i nei ona po ua le toe ola ai le Windows XP.
- Tele tele le lamatia o le saogalemu o le pisinisi pe a le suia le Windows XP pe afai o lo o e fa’aaoga pea. E te ono solia ai foi le tulafono i le le fa’atinoa loa o le suiga.
Suiga o le “Windows XP”
A o lei faia le suiga ia muamua lava ona fai kopi o fa’amaumauga o lo o teu i lau PC ma tuu i le kopi i se isi nofoaga/masini ina ia mafai ai ona toe maua, ne’i te’i ua leiloa se mea a o fa’atino le suiga.
Sui polokalame o lo o ola ai au masini i se polokalame aupito lata mai/fou
Muamua, sui le itua’iga Windows o lo o fa’aaoga i lau masini … manaia le sui i le Windows 10 e tele mea aoga ua fa’aopoopo i le Windows 10. E i ai lona lave, a tuai le PC e ono le ola ai le Windows 10, lona uiga e ono moomia le sui foi o le masini lava ia. Fa’atau se mea fou! Sa’ili se fautu’aga mai se pa’aga aloa’ia a le Microsoft po o se ‘Microsoft Certified Partner’ po o le a le mea e aupito i fetaui ma oe, ae maise ou mana’oga, fa’apea fo’i mana’oga o le pisinisi.
Mo pisinisi/fa’alapotopotoga tetele, e i ai fesoasoani a le Microsoft auā le fa’aaogaga po o ni suiga mo’omia mo le fa’aaogaga o le Windows, Office ma le Internet Explorer auā o polokalame fa’atekonolosi uma ia na fausia e le Microsoft. Mo le malamalama atili i suiga o polokalame fa’atekonolosi e pei ona taua, fa’afesootai se sui o le Microsoft po o se Certified Microsoft Partner. A e fia faia lava e oe se suiga ona e silasila lea i le fesoasoani maua fua lea mai le Microsoft po o le Microsoft Deployment Toolkit.