E masani ona maua faatasi mai RATs i ni polokalame na e mana’o i ai – e pei o se taaloga – po’o se mea na pipii mai faatasi i se imeli. E faafoliga o ni polokalame faakomepiuta e lelei. E faigata ona iloa RATs ona e le gata ina seasea alia’i i faasologa o ni polokalame o lo o e faaaogaina i luga o le komepiuta, ae faapena fo’i ona tau le iloa se aafiaga o le komepiuta i lona faagaioiga.
Ua faatupula’ia le faaaogaina o RATs e faatonutonu ma pulea ai mea pu’eata o komepiuta, ma le faamoemoe e faaaoga ni ata e maua mai e faaleaga ma taulamalama ai i isi.
Mea e ono tutupu
- O le vaavaaia (e aofia ai ma le pu’eina o ou ata) o oe e se tasi tagata e ala i le faaaogaina o le mea pu’eata o lau komepiuta. O nisi taimi, e faaaoga le mea pu’eata o lau komepiuta e aunoa ma le faaolaina o le moli lea e masani ona ola pe a faaaoga, ina ia le iloa ai o lo o iloa ma vaavaai mai nisi ia te oe.
- Iloa uma au gaioiga i luga o le initaneti (e oo lava i upega tafa’ilagi na e asiasi i ai, o tagata uma o lo o ave i ai au imeli, faapea upu o lo o e taina)
- Iloa uma faamatalaga ua fitoi tonu ia te oe – e pei o faamatalaga i teuga tupe faapea isi faamatalaga tau ia te oe
- Faaaoga e avea o se vaega o se felavasa’iga o ni komepiuta e tufaina polokalame faakomepiuta e faaleagaina ai faamatalaga ma polokalame o i totonu o lau masini.
- Fetuuna’i le vaega tutotonu o le komepiuta e teuina faamatalaga eseese uma e taina ma teuina i totonu o le komepiuta.
- Tapeina ma suia au
Auala e ‘Alo ai mai Gaioiga Tau Faasese ma Tau Lamalama
- Ia lelei ma faafou polokalame faakomepiuta o lo o faailo ma taofia ni gaioiga faasolitulafono o taumafai e faaleaga le komepiuta ma masini feavea’i uma, a’o ola.
- ‘Aua ne’i faaosoosoina ‘oe e talia pe faaaoga ni polokalame mai ni tagata po’o nisi e te le mailoa ma masani ai, ‘ona e ono piitia mai ai ni polokalame e aafia ma faaleagaina ai lau komepiuta.
- Faafou polokalame pe a o’o ina faatonuina, e masani e fesoasoani lea i le saogalemu o lau komepiuta.
- Faaeteete i le tatalaina o ni sootaga aga’i i nisi upega tafa’ilagi – ne’i mea ane o se osofa’iga e taumafai e gaoia ou famatalaga totino.
- Faaeteete i le tatalaina o ni faila e lafo faatasi mai i imeli – tusa pe lafo mai i tagata e te iloa ma masani ai.
- ‘Alo ‘ese mai upega tafa’ilagi e masalomia lo latou faamaoni faapea le taliaina o faila mai isi komepiuta. O le tele o le siitiaina o nei faila mai le isi komepiuta i le isi, o se solitulafono. E le gata i lea, e avea lea ma faitoto’a e sao mai ai ni osofa’iga faaletatau i luga o le
- Ufiufi le mea pu’eata o lau komepiuta pe a le faaaogaina, tusa pe o se mea pu’eata o le komepiuta lava ia, pe o se mea pu’eata feavea’i, o lo o faapipii i ai.
Pe afai ua e manatu ua avea ‘oe o se tasi ua lavea fua i faiga faaletatau o le vaavaaia o oe e aunoa ma sou iloa, e ala i le faaaogaina o le mea pu’eata o lau komepiuta
- Lipoti i leoleo.