O nisi fautuaga i le fa’aaogaina malu o lenei ‘au’aunaga.
Ia fa’aaoga apps mai i fale’oloa e iloa ma lelei
E ono leaga lau telefoni i isi app. mai i nisi ‘au’aunaga e le lelei pe le iloga foi. O le fa’ata’ita’iga, o le fa’aopoopo e se tagata o ana mea e le lelei i se app. e iloa tele, ma ofo atu i fa’asalalauga le totogia e pei o ‘free bulletin’ po’o ‘peer to peer’. E ofi loa le app. pepelo lea i lau telefoni ua mafai loa e le tagata osofa’i ona pule i lau handset, fai ana telefoni, fai tupe togitogi mo SMS, ma pulea fe’au fa’auaealesi i le SMS e aunoa ma lau fa’atagaga. E ono e le iloa se mea o tupu ina ua tuai. O lona uiga ia ‘aua ne’i fa’aaogaina apps. mai mea e le pulea lelei e pei o ‘bulletin boards’ ma ‘peer to peer’. Ae ia maualuga lou fa’aeteete, siaki le app. ma faitau tusitusiga fa’atatau iai ae le’i fa’aogaina.
Mafufau i fa’atulagaga o apps. (content ratings) O apps. i nisi faleoloa, e fa’atulaga. E mafai ona e iloa ai pe fetaui ma fanau. E ta’u atu e nei fa’atulagaga tulaga o le saua, gagana fa’aaoga, tulaga tau faiga aiga, fuala’au fa’asaina. E iai lava aiaiga a faleoloa uma ma e ono ‘ese’ese uma. O fa’atulagaga e fa’atatau i mea o i totonu o le app. Afai e fa’aaoga app. e mafai ai e fanau ona feso’ota’i i nisi vaega i fafo, e tatau la ona iai foi nisi puipuiga. E maua se fesoasoani i le http://www.internetmatters.org/technologies/parental-controls.html
Ia e iloa fa’atagaga ua e faia.
A e fa’aaogaina se app. e fesili mai lava mo se fa’atagaga i lau komepiuta po’o lau telefoni. O le mea lena e ta’u o le ‘permission request’ e pei o le fesili mai i le ‘mea o e iai nei’ ina ia fa’atonutonu ai se auala i se nofoaga. E ono fesili mai foi se app. i se fa’atagaga i ou ata e mafai ai ona e filifilia ata e tu’u i lau handset e fa’aaoga ai le app. E tatau la i tagata fai apps. ona fesili na o mea e mana’omia mo le fa’agaioiina o le app. Ae o nisi app. e ono fesili mai mo mea fa’aopoopo e le mana’omia fua. Mo le puipuia o mea tau ia te oe lava, ia faitau mae’ae’a mea o lo’o mana’omia mai. Ia e fa’amautinoa lelei foi o malu mea o lo’o e fa’atagaina le app. e fa’aaoga. Afai e te le o talitonuina mea o lo’o fesili mai ai le app, ia e te’ena le mana’o pe su’e foi se isi app.
Ia tausia lau telefoni e pei o lau ato tupe.
O le fa’aaogaina o le telefoni e fa’afoe ai tupe ua ta’atele. E tele aoga: e ofo mai e apps. auala e teu ai tupe a o e femalagaa’i e sefe ai le taimi ma tupe. Ae e iai foi fa’afitauli aua o lo’o iai mea e tau ia te oe i lau telefoni e ono aoga i se tagata taufa’asese. O le mea lea ia manatua ia e ulufafo ma apps. e teu ai tupe, ia galue mai i faleoloa app. e fa’amaonia, ‘aua le suia tulaga e puipuia ai lau telefoni, ma ia puipuia i se upu tatala (password).
Fa’aeteete i tau o mea, aemaise apps.e fai ai fa’atau (roaming & in – apps.)
E mafai ona so’ona fa’aaoga e apps. au mea o teu ai i totonu (data). Afai e te le fa’aetete, e ono sili atu le tau nai lo lau alauni. O le tele o kamupani telefoni ua ofo mai ‘au’aunaga e siaki ai au apps. O le fa’aaogaina o apps. i atunu’u i fafo e tele ai le pili. Va’ai pe tatau ona tape lau telefoni ina ia ‘aua ne’i tele le pili. Ofcom o le kamupani e fa’asoaina feso’ota’iga i Peretania. Faitau a latou video guides e iloa ai le mea e fai i handsets. Mo isi fa’atonuga i le fa’aogaina o apps. i atunu’u i fafo, va’ai le ‘Ofcom Guide to Mobilr roaming.’ O le tele o apps. pe totogi pe le totogia e ofo mai isi mea fa’aopoopo mo se tau, e ta’u ia mea o ‘app. purchases’. O se fa’ata’ita’iga, o lou manaomia o ia mea e fa’a’uma pe fa’atopetope ai se ta’aloga o lo’o e ta’alo ai. O se mea e fa’apopoleina ai tele matua aua e ono tele le pili i ta’aloga a le fanau e aunoa ma lo latou iloaina. O e latou te le mana’omia ia tulaga e mafai ona fa’aaoga isi auala (tools) e fa’atau mai i faleoloa. O le fa’ataitaiga o nisi auala e fa’ataga oe e fai se passcode mo so’o se fa’atau e fai. O isi telefoni i handsete e fa’ataga oe e fa’aleaoga fa’atauga e fai i le in – app. E fa’asino uma atu e le Ofcom’s Video guides tulaga ia. E ono ‘ese’ese ata (screenshots) e fa’alagolago i le ituaiga handset ma le OS o iai.
Ia fai ma kilia ese apps. e le o fa’aaogaina.
E fia apps. o lo’o i lau telefoni, ma e fia foi e te fa’aogaina. E masani, o le toeititi lava afa o apps. e kopi e le o fa’aogaina. O le tele o apps. le aoga i lau telefoni e ono fa’aleaga ai. E le gata ina alu ai avanoa, ae o isi app. e alu fa’asolo atoa, ma o se mea e vaivai ai le telefoni ma le ma’a. Ave’ese apps. e le o toe fa’aaogaina. Mo apps. o lo’o fa’aaoga pea, va’ai ia fa’afou (update) pea ina ia alualu lelei le telefoni.
‘Fa’amama’ lau telefoni.
Afai e te mana’o e ave fua, toe fa’atau atu pe fai se isi faiga i lau telefoni, po’o le tablet, ia fa’amama totonu, aua e ono maua e le tagata na te fa’aaogaina. E tatau ona e maua le ‘factory reset’ e ui ina le mafai ona ave’ese ai mea uma.