O COVID-19 tui puipui ua faia i le faitau piliona o tagata i le lalolagi atoa, ma le faʻaopoopoina o numera i aso uma. I atunu’u o lo’o sologa lelei tui puipui, e to’aitiiti e mama’i, tagata i falema’i ma ē o maliliu, ma o i latou ua tui fa’alua ae maua i le vairusi e foliga mai o le ā ‘itiiti ni o latou a’afiaga e ono suia ai o latou olaga. I se va’aiga lautele, i atunu’u e leai ni polokalame tui puipui, ua le fa’apena.
O le COVID-19 o se faʻamaʻi oti lea o loʻo feagai pea ma i tatou – ma e foliga mai o le ā fa’aauauina pea mo se taimi umi – e taua tele lo tatou iloaina o mea moni – e pei ona lauiloa.
Tautalaga sa’oloto
I le tele, tusa pele o atunu’u uma, o loʻo i ai vaega o ‘anti-vaxxers’ e lē gata ina te’ena le tui puipui mo i latou lava, ae faʻapea foʻi ma ē pele ia i latou. O nisi anti-vaxxers e leo tetele – mo se faʻataʻitaʻiga i luga o ala o fa’asalalauga lautele, upega tafaʻilagi, i tala fou ma i fonotaga lautele ma solo tete’e – e uiga ia latou talitonuga, o nisi o lo’o faʻasalalauina mafua’aga mo le lē mauaina o le COVID-19 tui puipui, lea latou te talitonu pe iloa, e pa’ū i lalo o le ulutala o fa’amatalaga sese, fa’amatalaga pepelo po’o tala fou pepelo. O le mea moni, o le faʻasalalauina o faʻamatalaga sese, faʻamatalaga pepelo ma taupulepulega, o loʻo faʻaauau pea ona faʻaumatia ola ma lamatia ai le malosi o ofisa o le soifua maloloina i le lalolagi atoa e tapē ai le faʻamaʻi e ala i le tele o tui puipui.
Le mafua’aga o le le fia faia o tui puipui o isi tagata
“O le COVID tui puipui o le a maua ai aʻu i le COVID”
“E lē mafai e tagata matutua ona faia le tui puipui”
“O le COVID tui puipui o le a suia ai loʻu DNA”
“O le COVID tui puipui o loʻo i ai se microchip ina ia mafai ona siaki i matou”
“O le COVID tui puipui o lo’o iai sela mai pepe e le’i fananau mai”
“Afai ua uma ona ou maua ile COVID-19, ou te le manaʻomia le tui puipui”
E iai le aiā tatau a tagata uma e faʻaalia o latou manatu, e sili atu i se auala paleni ma le lē fa’aitu’au. O le matāfaioi a tatou uma o le filifili pe aogā na manatu – ma faʻamatalaga faʻasalalau i luga ole laina.
Fautuaga
- Ia e fa’aeteete i mea e te faitau pe fa’alogo ai e uiga i COVID-19 tui puipui, ia fesiligia pe aiseā na tusia ai, pe o taumafai e suia lou manatu.
- O iai se isi o lipotia fo’i nei faʻamatalaga? Siaki ma va’ai pe ua uma ona fa’asalalauina fo’i e upega tafa’ilagi ma talafou ta’uta’ua.
- Su’esu’e le tupu’aga. Su’esu’e atili e uiga i le tagata fa’asalalau, mo se fa’ata’ita’iga pe ose tupu’aga ta’uta’ua, ma masani ona fa’atuatuaina po’o le blog patino a se tagata. Va’ai pe mafai ona ē mauaina ni iloiloga le fa’aituau o le tupu’aga.
- Siaki mea moni. O tala moni e masani ona lagolagoina e faʻamaumauga aloaʻia, suʻesuʻega ma taimi talu ai, e faʻapena ona tutusa ma mea na tutupu o loʻo lipotia. E masani, e matua manino lava faʻamatalaga le fa’atuatuaina, pe naʻo le fatufua.
- Fa’aaoga ou lagona. Manatua, afai o se mea e foliga mai e matua ‘ese lava, pe uiga ese, lona uiga e masani ona sa’o