Fa’aaogaina o komepiuta i nofoaga faitele

O mea e ono tutupu

• E ono maua e tagata mea o lo’o e galue ai i le upega tafa’ilagi pe a fa’aaoga se feso’ota’iga e le malu pe fa’asaina foi i le tulafono.
• O le mata’i mai o lau galuega e se isi
• Leiloa o lau komepiuta,telefoni po’o le ma’a (tablet)
• E fa’aleaga ma sipai i au polokalame
• O le gaoia o mea tau oe ma lou tala’aga.

Ia malupuipuia oe

O lau komepiuta /Telefoni / Ma’a (tablet):

O le fa’afitauli tele lava mo le puipuiga o lau lava komepiuta i nofoaga faitele o le le malupuipuia o le WiFi

e ono mafai ai e isi tagata ona fa’alavelave i i mea o lo’o e faia i le upega tafa’ilagi. E ono aofia ai le maua o au upu tatala ( passwords) ma imeli na o oe e tatau ona iloa.E ono tupu pe afai o le feso’ota’iga i  le va o lau komepiuta ma le WiFi e le o iai se gagana nana (encrypted) pe fa’avalea foi oe e se isi o se nofoaga iloga i le taufa’avalea (spoof hotspot) o se mea moni. I se feso’ota’iga nana, e mana’omia oe e ‘o’omi se ‘ki’ e pei o le: 1A648C9FE2.

Po’o lou ‘o’omi sa’o lava ina ia maua le upega tafa’ilagi. E ta’u atu ai i le tagata o le fale’aiga po’o le faletalimalo, o lea ua e i le latou upega tafa’ilagi. E ono le mautinoa la le sefe o au feso’ota’iga.

O WiFi i Nofoaga faitele e malupuipuia

• Se’iloga e te fa’aaogaina se itulau e malupuipuia lelei, aua ne’i talia pe lafoina mea tau oe i se WiFi fa’alaua’itele.
• I so’o se mea, fa’aaoga mea ua e fa’atauina (purchased data) pe a o avanoa po’o le WiFi a le malo.
• O tagata fai pisinisi e fia feso’ota’i i a latou galuega e tatau ona fa’aaoga le latou lava feso’ota’iga (VPN)
• Ia matua sauni lelei polokalame e fo’ia ai polokalame taufa’aleaga (antivirus/antispyware) ae le’i fa’aogaina le WiFi fa’alaua’itele.
• Pe e te fa’aaogaina foi le broadband o lau telefoni fe’avea’i e malu, e totogi ta’i masina pe totogi foi i le taimi e fa’aaogaina ai.
• ‘Aua ne’i ta’atia solo lau komepiuta, smartphone, ma’a (tablet)
• Ia iloa po’o ai o tilotilo mai. Ia fa’aaoga le filter o le komepiuta e le iloa mai ai e isi mea o e faia. O se fa’ata’ita’iga o le 3M, o aiaiga ia here.

O komepiuta i nofoaga faitele

• Ia ‘aua ne’i faia ni feso’ota’iga e ono iloa ai upu taua po’o ni mea tau oe e pei o cardsma numera.
• Fa’aoga sau polokalame e iloa ai polokalame sipai ae le’i fa’aogaina se komepiuta i nofoaga faitele.
• Afai na e fa’aaogaina le upega tafailagi, ia tape faila ma kilia ese mea na e tilotilo iai.
• Ia puipui ni upu tatala (passwords) e te fa’aaogaina i auala ua aumai e le fa’asino (browser) i le upega tafailagi. A e fa’aletonu, fa’aaoga le fesoasoani i le fa’asino o le komepiuta (browser)’
• E mafai foi ona sui upu tatala na e fa’aaogaina i se nofoaga faitele pe a e alu i le fale.
• Afai e te fa’aaogaina le Hotmail po’o le Yahoo e faitau ai au imeli, ia fa’amautinoa e malupuipuia.
• Ia fa’aeteete po’o ai o mata’i mai oe.