O Faaeteetega
- Faaletonu pe le ola le masini (faataitaiga, e leaga soo le masini)
- Faafuaseia na pe se faila
- Aveesea e aunoa ma se faanoi/Gaoia
- Mu, susu, leaga faafuasei
- Faaleagaina i se vairusi po o polokalame komepiuta faanana
- Faila ua tape i le taimi e faafou/faalelei ai vaega o le komepiuta
O faamaumauga i lau komepiuta e ono aofia ai au lomiga/ faila, ata, pese, video ma tuatusi – atoa ai ma polokalame komepiuta. O masini komepiuta fou e mafai ona latou teuina ni faamaumauga
Puipuia Au Faamaumauga ia Sefe
E mafai ona puipuia au kopi/faila faaleoleo pe a teuina i se isi nofoaga e ese mai lau komepiuta.
E tele ituaiga auala e faia ai au kopi faaleoleo poo le a la le auala e te filifilia e tatau ona e mataitu i mea nei :
- Fuafua pe a le toe maua au faamaumauga (faataitaiga, gaoia lau komepiuta feaveai o loo iai uma au faamaumauga)
- Teu ese au kopi faaleoleo mai lau komepiuta ina ia aua nei gaoia pe faaleagaina pe a teu faatasi.
- Ia iai se uputatala (password) e tatala ai faamaumauga faaleoleo ina ia puipuia oe.
O le taimi muamua e faia ai se kopi faaleoleo e kopi atoa uma lava le mea o loo fia kopiina. O isi loa kopi e sosoo ane ai na o suiga ua faia o le a sefeina. O faiga faaleoleo o ona po nei ua iai foi ma le auala e otometi ai na faia lea tulaga.
Auala/Metotia Faaleoleo
E lua ni auala taua e mafai ona faaaogaina mo le faia o au kopi faaleoleo. O mea nei e mataitu a o filifili le auala e te faaaogaina: o le faigofie o le faaaogaina, saosaoa, tau ma lou olaga masani.
Hard Drives Feaveai
O se hard disk feaveai/pe sulu i le komepiuta o se auala e vave toe lelei mo le faaleoleoina o au faamaumauga. O ituaiga hard disk o loo iai nei e mafai ona sulu lau komepiuta USB port po o fesootaiga faauaealesi. E tele lava e laiti e mafai ai ona teu ese.
O hard disks e mai le taugofie 320 Gigabyte (320,000 Megabyte) agai i le 4 Terabytes (4,000 Gigabytes), o le tau e talafeagai ma le tele mo le sefeina o au faamaumauga.
Mo se faataitaiga o le tele o se avanoa, afai o se ata lelei e pueina i se mea pueata faaonapo nei poo le meapueata o le telefoni feaveai e i le 1-5 Megabytes. O se faila pese i le MP3 e i le va o le 3-8 Megabytes. Tusa lava pe 320 Gigabyte drive e pei ona taua i luga e mafai lava ona ofi ai le sili atu ma le 100,000 ata feololo le lapopoa poo pese e 64 000
O isi hard drives feaveai e iai le mea e taua o le ‘one touch’ o lona uiga e tasi lava lau oomi mafai ona fai au kopi faaleoleo pe otometi foi ona sefe faavaitaimi.
E taua tele le faataitai pe mafai ona maua faamaumauga sa faaleoleo i lau hard drive feaveai. Faataitai i se isi komepiuta e mautinoa ai o lau faaleoleo e mafai ona toe maua pea leiloa lau komepiuta lena e iai.
Faaleoleo i luga o le Upega tafailagi (Faaleoleo i le Ao)
O le faaaogaina o faaleoleo i luga o le upega tafailagi (e taua foi o Faaleoleo i le Ao) ua taatele lava ona o le faigofie, saogalemu ma le taugofie.
E mafai ona fai lau faaleoleo mai le tasi pe lua pepa lolomi po o ata i mea uma o loo i totonu o lau komepiuta, i le matua leai lava o se tapulaa o le avanoa e sefeina au faamaumauga. O isi kamupani e faatapulaaina le avanoa e maua fua ae fuafua lava le tau e tutusa ma le aofai o faamaumauga o loo fia sefeina.
E tele kamupani e mafai ona faia faaleoleo i luga o upega tafailagi. E aofia ai ma kamupani o upega tafailagi (ISPs), ‘aufaʻatau polokalame saogalemu o le upega tafailagi ma kamupani pei o le Apple ma lana ICloud – i tagata ma le tomai faapitoa.
Ua alualu i luga le faaaogaina o le Ao e le gata o le sefe ai o faaleoleo ae ua fai foi ma nofoaga ua teuina ai faamaumauga uma. Ona mafai lea ona e mauaina au faamaumauga mai soo se komepiuta, telefoni faaonaponei po o le tablet mai soo se mea e te fesootai mai ai e aunoa ma le feaveaia o au faamaumauga ma lamatia ai lo latou saogalemu. O le faaaogaina foi o le Ao e teuina ai au faamaumauga e mautinoa foi e saogalemu au faamaumauga aua e faia e kamupani nei au kopi faaleoleo ma teu malu. O le a sefe foi au faamaumauga mai Faaeteetega pe a sefeina i lau lava komepiuta.
Mo faataitaifa o faaleoleo i luga o le upegatafailagi silasila here
O nisi Fautuaga
Aua le faaaogaina USB memory sticks, CD pu’e po o DVD e faaleoleo ai au faamaumauga. E ui lava ina taugofie toe faigofie ae tapulaa o latou avanoa ma faigofie ona leiloa pe gaoia. E tuai tele ona maua au faamaumauga o lo o i CDs ma DVDs.