O ni fa’afitauli
- O au fa’amaumauga e mafai ona fa’ailoina pe a tapenaina nei Upega Tafa’ilagi ma fa’aaogaina ai se igoa fa’alilolilo.
- O nei Upega tafa’ilagi e tele sona aafiaga mulimuli ona o ni faamatalaga sa e faailoaina ai. Faataitaiga, e mafai ona maimau ai lau galuega, pe faaleaogaina ai se faatalatalanoaga o se avanoa faigaluega ona o ni faamatalaga le talafeagai ua aafia ai se isi tagata (uo poo se isi o lou lava aiga).
- O nei fa’asoa e ono molia ai i tulafono o le taufa’aleaga tagata. O lou fa’asoa pe faailoa atu o ni mea e le moni e uiga i se isi tagata po’o se fa’alapotopotoga e mafai ai ona molia ai oe ini moliaga mamafa.
- Ia e manatua – o soo se mea e te faailoaina i luga o Upega Tafailagi e tumau lava. Tusa lava pe ua e tapeina, e mafai e le Upega Tafailagi ona teuina i faila autu o le komepiuta poo faila autu a le kamupani.
- Atonu e te faapea e le toatele nisi e faitau, ae peitai o metotia nei e faigofie tele i tagata ona maua faamatalaga e iai latou lava ia, e auala atu ile suesueina i luga o vaega ua taua o suesuega faakomepiuta.
- O ‘tala’ poo manatu faʻaalia o loʻo iai i luga o le tele o faamaumauga o fesootaiga e mafai ona faʻaaogaina faasolitulafono e tagata e fesootai ai upega tafailagi o loo latou faalauiloaina, tagata solitulafono e iai upega tafaʻilagi taufaasese, poʻo tagata o loʻo faʻaaogaina gagana le talafeagai pe taufaʻamataʻu.
- E mafai ai e fanau iti ona faʻailoaina a latou lava faʻamatalaga poʻo le faailoaina o latou lava ata.
Malupuipuia o Faasalalauga
- A manaomia le faalauiloaina o au faamatalaga mo le silafia e le lautele, ia faailoa nao faamatalaga e manaomia le silafia e le lautele i luga o le initaneti. Ae afai e leai, ia taumafai e malupuipuia nei faamatalaga mo nao ooe lava ia.
- Ia iloilo lelei poo ai tonu e tatau ona silasila i faamatalaga ua e faasoaina i luga o lau upega tafailagi, ma faatinoina ai ni suiga talafeagai pe a manaomia.
- Ia taofiofi faamaumauga ma faamatalaga e iloa ai oe, ia te oe ma tagata ua e talitonuina.
- Aua ete faailoaina atu ou faamatalaga lilo e ono faaaogaina faasolitulafono e nisi e gaoi ai lou faasinomaga ma ou faamatalaga pei o le numera o lau tusitupe, faamaumauga o lau tusifolau ma le nofoaga oloo e nofo ai.
- Afai ua e finagalo ia faalilolilo lou faasinomaga mo lou lava malupuipuia, mafuaaga faapolokiki poo le saogalemu o galuega, ia mafaufau e faaaoga igoa lilo poo nisi igoa e ese mai lou igoa.
- Faʻaeteete i faʻamatalaga e te faʻailoa atu e pei o lou tuatusi, lou aʻoga, nofoaga o le galuega poʻo lou aso fanau.
- Fa’aeteete i ou ata ete tuuina i luga o upega tafailagi, ina nei faailoa atu ai ni faamatalaga e uiga ia te oe oloo e manao e teu lilo.
- Fa’aeteete i ou lagona ete faasoaina i luga o au itulau mo tusitusiga ma faamatalaga
- Fa’aeteete i faamatalaga e faasoa atu e au uo i luga o itulau mo tusitusiga ma faamatalaga, poo latou manatu e faasoa i luga o au itulau tusitusi e patino ia te oe ma au galuega faatino.
- Fa’aeteete e feiloa’i ma se tagata na e iloa mai luga o itulau tusitusi ma faamatalaga.
- Ia mautinoa olo’o malamalama le fanau iti i aafiaga ole faasoa o faamatalaga i luga o itulau tusitusi ma faamatalaga mo le silafia lautele o tagata.
- Afai ete fou i luga ole itulau mo tusitusiga ma faamatalaga, e ao ina ia e fa’aeteete ma mataala. Ia e malamalama ile faaaogaina o polokalame i luga o le komepiuta pea faaaoga mo au itulau mo tusitusiga ma faamatalaga ma ia e malamalama i ituaiga tagata olo’o e faasoa atu iai (blogosphere) ma ia e malamalama foi ile ave’eseina o manatu e le talafeagai ma lau itulau.
- Aua nei e faasoaina atu ni faamatalaga e faatasina ai oe i se taimi mulimuli ma avea ai ma mea ete maasiasi ai.