Fa’atau mai & Fa’atau atu o Ta’avale

O ni fa’afitauli

Fa’atauina mai

• O fa’asilasilaga taufa’asese e fai e kegi leaga o lo’o pepelo mai o i latou e fa’atau ta’avale, e masani ona fa’aali mai se ta’avale pepelo e mafai ona fetu’una’i sona tau, o se numera pepelo o se telefoni, ma  fa’amalosia mai le totogiina o se tupe mo ‘au’aunaga e malutia ai le totogiina o le ta’avale i lou atunu’u po’o fafo foi.
• O le fa’atauina o se ta’avale gaoi, e mafai ona aofia ai le sui o numera fa’apitoa mo lea ta’avale i numera mai i se isi ta’avale ua le aoga, ma o pepa pepelo nei e ta’u (‘ringer’)
• Afai e uma ane ua e fa’atauina se ta’avale gaoi, e ono e totogiina tupe sa outou malilie iai pe a fa’afo’i lea ta’avale i le tagata moni e ona.
• O le fa’atauina o se ta’avale ua ‘clocked’ (ua toe ki i tua ona maila ia pei ai o se ta’avale e le’i tele ni ona maila.)
• Fa’atauina o se ta’avale o lo’o uelo fa’atasi ni vaega o nisi ta’avale ina ia fausia se ta’avale fou ( e ta’u o le ‘cut and shut)
• Fa’atauina o se ta’avale o lo’o iai le laisene o se isi ta’avale e tutusa itu’aiga(cloned). E le o se ta’avale gaoia lea ta’avale. Afai e te fa’atauina se ta’avale ‘cloned’ atonu e te maua  ni sala mo le pakaina po’o le  saoasaoa foi, pe fesiligia oe e uiga i ni faiga fa’asolitulafono na fa’aaogaina ai le ta’avale.
• O imeli pepelo e mana’o mai i ni mea e fa’atatau ia te oe e pei o le ‘log in’ ma isi vaega (Phishing) ae pepelo mai o i latou e fa’atau ta’avale

Fa’atauina atu

• Fa’atau ta’avale pepelo – o tagata gaoi ia o lo’o pepelo mai o i latou o tagata e fa’atau atu – e ofoina mai le ta’avale ina ia totogi atoa atu lona tau i le PayPal po’o se isi tusitupe pepelo
• O kamupani pepelo e fa’atau mai ta’avale, ae mana’omia se tupe e taofi ai le ta’avale, ae toe maua pe a uma ona fa’atau, pe o le taimi foi e ave ai le ta’avale.
• O tupe e le o totogiina mai pe kilia foi se’iloga ua e fa’amatu’uina atu le ta’avale, e aofia ai siaki  e saini pepelo po’o ni ‘au’aunaga foi e iai se tagata lona tolu i se maliliega.
• Faiga taufa’asese i le fa’atauina atu o ta’avale i fafo – e tauanau oe e totogi tupe mo le auina atu o se ta’avale i tagata fa’atau ta’avale i atunu’u i fafo.
• O fe’au (text) e aumai ia te oe e fia mana’o i lau ta’avale ae fai mai se mafua’aga e ala ai ona le mafai ona  telefoni mai. O nei faiga taufa’asese e te ono totogiina ai se tupe tele pe afai e te vili pe text iai.
• O imeli taufa’asese e mana’o mai i au mea taua (e pei o log ins po’o  card details) ma fai mai o i latou nofoaga i le upega tafa’ilagi e fa’atau ai ta’avale

Fa’atau e Malupuipuia

• Totogi le ta’avale pe a e alu e aumai mai i le fa’atau ta’avale. ‘Aua ne’i lafoina se tupe i atunu’u i fafo, pe ave’ese atu se tupe (e aofia ai le tupe e taofi ai le ta’avale) mo se ta’avale e te le’i va’aitino iai ma pasia, po’o se tupe i tagata fai mai latou te leoleoina au tupe totogi mo se ta’avale.
• Afai e ofo mai se ta’avale i se tau matua taugofie lava, e ono o se taufa’asese. Ia siaki le tau o le ta’avale i le maketi e ala i le fa’atusatusa ma tau a tagata fa’atau ta’avale iloga.
• Ia siaki le ta’avale (i le ao) ma ona pepa ae e te le’i totogiina se tupe. Ia siaki po’o fetaui maila o le ta’avale i ona pepa ma lona tala’aga. I mita(o isi ta’avale tuai) ia mautinoa o fetaui numera. Ia siaki ina ia fetaui le lelei o le ta’avale ma ona maila. Siaki – e se inisinia lelei – o le ta’avale e le o se ‘cut and shut’ (o ni ta’avale se lua o uelo fa’atasi.) Ia va’ai le ta’avale i le fale o le tagata o lo’o fa’atau mai ai ma ia siaki o lo’o tutusa le nofoaga (address) ma le mea o lo’o tusia i pepa. Ia fa’amautinoa o le tagata o lo’o fa’atau mai ai le ta’avale o le tagata moni lena o lo’o i pepa o iai le ta’avale , ina ne’i te’i  o se tagata e le tatau ona ia fa’atauina mai le ta’avale e tusa ai ma le tulafono.
• Siaki ina ia tutusa le numera e fa’ailoa ai le ta’avale (Vehicle Identification Number) ma le numera o lo’o i pepa o le ta’avale. O le numera lea e masani ona maua i totoga o le ta’avale, o le tioata i luma, po’o le fola i talaane o le nofoa o le aveta’avale. Siaki ina ne’i te’i ua sui.
• Ia maua mai se tala’aga o le ta’avale, pe le’i gaoia, fa’aleaogaina, tia’iina, pe le’i uma foi ona totogiina.

Malupuipuia o le Fa’atau atu

• Ia fa’amautinoa so’o se aveta’avale na te su’esu’eina le ta’avale e iai sona laisene ma e iai sana inisiua. E ono lavelavea oe i se fa’alavelave e tupu ai.
• Ina ne’i te’i (ua sola se isi i le ta’avale) a o tu’u na o ia, ia ia te oe pea lana ki i taimi uma ma aua le tu’uina le ki i le mea e fa’aola ai le ta’avale.
• Ia ‘aua lava ne’i aveina iai le ki po’o pepa o le ta’avale se’iloga e fa’amautinoa mai e lau faletupe ua iai lau tupe i totonu o lau tusitupe.
• ‘Aua lava ne’i lafoina ni tupe i atunu’u i fafo.
• ‘Aua lava ne’i totogiina se tiposi tele.
• ‘Aua ne’i fa’amalosia oe ina ia fa’amatu’u atu lau ta’avale – o le tagata moni lava e fia fa’atauina le ta’avale e fa’atali se’i kilia mea uma. Ia fa’aeteete i le auala e totogi mai ai le ta’avale:
• Tino i tupe – fai iai e aumai le tino i tupe ia te oe i se faletupe e mafai ai ona siaki po’o ni tupe moni ma ia totogi vave.
• Siaki – Aua lava ne’i tu’uina le ta’avale e ave e le tagata se’iloga ua kilia le tupe i lau tusitupe.
• Siaki e totogi mai e le faletupe – e le tutusa ma le totogi mai i le tino i tupe, ia faia le auala e tusa o lau oe lava siaki.
• O le fa’amatu’u mai o le tupe e ala i le initaneti a le faletupe o se auala aupito malupuipuia, aua e le so’ona  fela’ua’ia ai se tino i tupe pe iai foi ni  fa’afitauli i siaki.

Ma e tusa ai ma auala uma e fa’amatu’u mai ai tupe i le initaneti, ia tausisi ma le fa’aeteete i itu nei:

• Aua ne’i taliina pe ‘o’omi foi ni feso’ota’iga mai imeli a kamupani po’o tagata e te le iloaina.
• Ae le’i fa’amatu’u atu mea e uiga ia te oe i se nofoaga upega tafa’ilagi (website) ia fa’amautinoa e malupuipuia feso’ota’iga i auala nei e tolu:
• Ia tatau ona iai se fa’ailoga o se loka (padlock symbol) i le fa’amalama (browser window) o lo’o fa’aaoga pe a e lesitala.
• Ia mautinoa o lea loka e le o i totonu o le itulau o lo’o fa’aaoga…..e iloa ai o se nofoaga taufa’asese (fraudulent website.) O le nofoaga (web address)  e tatau ona amata i le ‘https://’.  O le ‘s’ o lona uiga o le ‘secure’(malupuipuia.)
• Afai e fa’aaoga le ‘browser’ fou, o le nofoaga (address) po’o le igoa o le tagata e pulea le nofoaga (owner) e lanumeamata. Ia siaki fa’alua uma tulaga o le fa’atau atu a’o le’i fa’amaonia le totogiina.
• O nisi nofoaga (websites) latou te fa’asino oe i se ‘au’aunaga e va’aia le totogiina o tupe (e pei o le Worldpay.) Ia fa’amautinoa e malupuipuia ia ‘au’aunaga a’o le’i totogiina tupe. Filifili ni upu (passwords) e malupuipuia ma ‘aua ne’i ta’uina i se isi e tusa lava po’o se tagata e te fa’atuatuaina. Ia manatua e ulufafo (log out) mai le nofoaga na e ulufale iai pe na tusia ai foi mea tau i lou tagata. E le malupuipuia lou tagata i le na o le tapunia o lau polokalame.
• Ia teu lelei lisiti.
• Manatua, o le totogi i le (credit card) e malupuipuia atu nai lo isi metotia aemaise i tulaga o le taufa’asese, fa’amaoniga o se mea, po’o le  le tilivaina o se mea ua uma ona fa’atau.
•  Siaki au card ma tala o le tupe pe a uma ona e fa’atau ina ia fa’amautinoa tupe ua tu’uina i totonu, ma ia iloa ai e leai se taufa’asese o tupu i ia feutana’iga. Ia mautinoa o iai ni au polokalame fou e fa’asagatau i fa’atiauli (antivirus, antispayware, etc ma ia fa’aaoga ae le’i fa’aaogaina le upega tafa’ilagi.
• Ia fa’amautinoa afai e le o fa’aaogaina se uaea (wireless network) ia malupuipuia ma iai se code.

Pe afai e te masalosalo i se mea

Afai e te maua se imeli e te masalosalo e aumai i se tagata taufa’asese, aua e te tali iai, ae lafo i le vaega e gafa ma ituaiga imeli fa’apea (sender’s email provider), ma ia fa’aaoga au polokalame e poloka ai nisi imeli e aumai i le tagata lea.

Ia e lipotia

Afai e te masalosalo ua taufa’aseseina oe:

•  Lipoti i leoleo
•  Lipoti le mea ua tupu i le nofoaga (website’s team) ina ia latou galulue ia aua ne’i tupu nei mea i nisi tagata.