O tickets i se koneseti poo se isi mea tele e tupu e vave lava ona uma, ua le maua sau ticket, ma o se mea e te faanoanoa ai pe afai o se mea ua leva ona e fia alu e te matamata ai. O le mea la lea e ono faaosoosoina ai loa oe e faatau ni au tickets i se isi website e le aloa’ia. O le ala lea ua tele ai tagata ua faaseseina, ua totogi tupe ae le o iai ni tickets, ua faasa ai oe pe a e alu atu ma se ticket pepelo, poo le faailoa ai foi o au details i tagata taufaasese.
O mea e ono tutupu
- O le faaseseina ona o le totogi o tupe i luga o website e pepelo.
- O le aliali mai o websites, imeli ma tickets pepelo ina ia totogi atu ai tupe.
- O posts pepelo – faatauina mai o tickets pepelo e gau ai tupe.
- O le tu’u o lau tupe i le account a le tagata taufaasese.
- O le maua mai o tickets e le tutusa ma le ticket na totogi ma e mana’o ai.
Malupuipuia o le faatauina mai o tickets
- Ia faatau tickets mai ofisa aloa’ia e iloga ma faamoemoeina.
- E malupuipuia atu lava le totogi i le credit card, aemaise i tulaga o le taufaasese, o guarantee, poo le le aumaia foi o tickets ua uma ona totogi.
- Ia siaki ma toe siaki details o lau ticket ae le’i totogiina se tupe.
- Aua nei taliina ni imeli a ni tagata e te le iloaina.
- Ae le’i totogiina ni tupe, siaki e moni le site o le a totogi iai e ala i auala e lua:
- Ia iai se faailoga o se loka e aliali mai i le faamalama pe a e lesitala, ia faamautinoa e le o iai le loka i totonu o le itulau, afai o lena, o lona uiga o le site pepelo.
- O le tuatusi o le site e tatau ona amata i le ‘https://’ O le ‘s’ mo le secure (malupuipuia.)
- E ta’u mai ai iina o loo malu le fesootaiga a oe ma le tagata e ona le site, ae le iloa ai poo malu le site lava ia pe leai. E tatau ona e siakiina le vaega lena i le vaai pe iai ni upu e sipela sese, poo ni mea e le o sa’osa’o i le igoa o le website.
- O isi websites e faasino oe i se isi auaunaga e totogi ai tupe e pei o le WorldPay. Ia faamautinoa e sefe nei sites ae le’i totogiina ni tupe.
- Ia malupuipuia ma ia e manatua le password na e faaaogaina mo isi auaunaga faaopoopo e pei o le ‘Verified by Visa.’
- Afai e te totogiina sa’o le tupe i le tagata ae le o le website mo tickets, aua le tuusa’oina le tupe i lana bank account, ae faaaoga se site e totogi ai tupe e pei o le PayPal, e fesuia’i ai tupe i le va o accounts i le initaneti.
- Ia siaki aiaiga o le malupuipuia o le ‘privacy’ ma ‘returns’ a tagata e faatau mai ni oloa poo ni auaunaga.
- Ia e manatua e ‘log-out’ i sites na e ‘log-in’ iai, e le faapea na o le tape o lau browser, aua e le o malu au details.
- Ia teu lelei lisiti.
- Ia siaki credit cards ma tala o tupe ina ia faamautinoa e sa’o le tupe ua totogi atu i isi tagata mai i lau account, ma e leai se taufaasese o tupu ai.
- Ia faafou antivirus, anti-spyware, software ma le firewall ma ia faaaoga i taimi uma e te alu ai i luga o le initaneti.