O mea e ono tutupu
- Taufa’asese e mafua mai i le totogi o tupe i luga o o itulau o nofoaga e le malupuipuia.
- Faigamalaga taufa’asese:
Pe a e fa’atonuina se malaga ae maua mai se ticket pepelo pe le maua mai foi se ticket.
- Malologa taufa’asese:
O nofoaga ma imeli pepelo latou te ofoina mai malologa ma fale pepelo e le o iai. E mana’o e totogi atu se vaegatupe e te le toe maua.
O tauvaga pepelo e fa’asese ai oe e totogi atu se tupe e fa’amaonia ai sau tafaoga.
- Fa’asalalauina sese o lou fale o le a le nofoia pe a e alu’ese, e ala i le feso’ota’iga i le upega tafailagi po’o nofoaga e iloa ai femalaga’iga. O nisi kamupani inisiua ua latou le taliaina ni talosaga mo fale e ono osofa’ia e tagata gaoi pe afai na e fa’ailoaina i feso’ota’iga i le upega tafailagi.
Malupuipuia o Malaga fa’atonu.
- Ia su’esu’e uma i le upega tafailagi kamupani faimalaga e te le iloaina. Ia fa’amautinoa e lavea i kamupani faimalaga latou te malupuipuia au tupe ma tulaga tau faitioga.
- Pe a fetaui, totogi lau tafaoga i lau credit card e sili atu ona malutia ai au tupe i lo o nisi lava metotia. E ono tu’u e lau kamupani faimalaga se isi totogi pe a fa’aaoga credit cards.
- Ia toe siaki mea uma e pei o aso, polokalame, mea e malaga iai, ma tagata malaga ae le’i fa’amautu le totogiina ina ne’i e toe totogiina foi ni mea e fa’asa’o.
- Ia fai se inisiua e fetaui ma le mea e te malaga iai, mea e fai, ma tagata uma tou tou te o.
- Aua e te tali i imeli e te le’i mana’omia pe fesiligia ma kamupani e te le iloaina.
- Afai e te mautotogi i se fale, vili sa’o i le tagata e ona le fale ina ia mautu. Afai e leai se numera, imeli iai ma fesili iai. Siaki tusitusiga i nei fale i le TripAdvisor po’o nisi nofoaga talafeagai (sites).
- Ia maua le tuatusi o lenei fale ma su’e i fa’afanua o Google Maps mo le mea e iai, ae pe moni.
- Ae le’i totogiina tupe, ia maua se konekarate e iai aiaiga o le totogi, tiposi, ma mea fa’apena.
- Ae le’i avea mea uma o lau card i se nofoaga (website) ia fa’amautinoa e malu le feso’ota’iga e ala i ala nei e lua:
- E tatau ona iai se fa’ailoga o le loka i le fa’amalama e iloa pe a e lesitala. Ia mautinoa o le loka e le o i le itulau…e ono iloa ai o se nofoaga taufa’asese. O le tuatusi o le nofoaga e tatau ona amata i le ‘https://’ O le ‘s’ mo le ‘secure’ (malupuipuia}.
- O tulaga o i luga e ta’u mai ai o lo’o malu le va o oe ma le e ona le nofoaga, ae le mautinoa pe moni le nofoaga (website). Ia fa’amautinoaina e ala i le siaki o upu sipela sese, fa’aopoopo, ma isi mea e foliga e le sa’o.
- O isi nofoaga e toe fa’asino oe i se isi auaunaga e totogi ai tupe (e pei o le WorldPay). Ia mautinoa e malu nei nofoaga ae le’i totogiina tupe.
- Ia malupuipuia ma manatua le upu tatala (password) ua e filifilia mo nei nofoaga e molimauina e Visa.
- A totogi se tagata, ‘aua le tu’usa’oina le tupe i lana tusitupe ae fa’aaoga se isi auala e malupuipuia e pei o le PayPal, e totogi ai tupe i tusitupe i le komepiuta.
- Ia ulufafo mai i nofoaga (sites) na e ulufale pe na e lesitala ai. E le malu oe i le na o le tapunia o lau polokalame.
- Ia teu lelei au lisiti mo tupe totogi ma le fa’atonuina o tafaoga.
- Siaki credit cards pe o sa’o tupe ua totogi, ma e le o iai se taufa’asese i le fa’atonuina o se malaga.
- Ae le’i fa’ailoaina tulaga uma o lau malaga i so’o se feso’ota’iga, ia fa’amautinoa o malu lou tagata
- Ia fa’amautinoa o fa’aaogaina auala lelei e puipuia ai au polokalame e pei o le anitvirus, antispyware ma le firewall ae e te le’i fa’aaogaina le upega tafailagi.