Ae ui i lea, ia manatua o nei ‘apps’ ua na o ni mea faigaluega e fesoasoani e pulea ai ituaiga polokalame e matamata ai lou alo, e leai se atoatoa ma e le o ni ‘tausi tama’ foi….e tatau lava ona e iloaina le mea o lo’o fai e lou alo i luga o le upega tafailagi.
O ituaiga puipuiga nei e mafai ona e faia:
Puipuiga fa’amatua i lau komepiuta po’o lau ‘device’
O komepiuta uma lava ma devices e faatau atu i tagata lautele, o le puipuiga tele lava o fanau ina ia aua nei tau i ni mea le talafeagai, o lo’o i lima lava o matua. O mea faigaluega (tools) mo puipuiga o lou alo, o lo’o iai lava i vaega o le komepiuta o (settings & panel). Afai e te le silafia ona fa’agalue ia tulaga, ia fesootai i le kamupani na faatau mai ai, poo luga foi o le upega tafailagi.
O faila mo le puipuiga o le kopiina & fa’atauina o au faila
E tele ituaiga faila eseese mo puipuiga o lo’o i komepiuta ma devices. Ia filifili se kamupani lelei toe tele e faatau mai ai faila, ma ia faitau lelei tusitusiga e uiga i a latou auaunaga.
E mafai ona latou fesoasoani ia te oe e ave’ese mea le talafeagai, e pei o faiga aiga, misa ma taua i ata, ina nei matamata ai lou alo. O nisi polokalame e mafai ona iai ni faila eseese (profiles) aua a toatele ou alo ma e eseese uma tausaga, o ai o le a iai le komepiuta poo le device? O nisi taimi e poloka e ‘filters’ nei ia se ata o lo’o talafeagai lelei ma lou alo. Ae o nisi foi taimi e sao mai lava ata leaga ona ua le lava le poloka a ‘filters’. O le tele lava o faila po’o ‘filters’ e tu’u mai lava ia te oe le avanoa e te polokaina, pe fa’ataga ai foi se polokalame e matamata ai lou alo. O nisi faila e tu’u mai ia te oe le avanoa e te tilotilo ai i polokalame o lo’o matamata ai lou alo, ae poo le a foi le umi. O nisi e lipoti mai ia te oe mea o lo’o fai e lou alo i luga o le upega tafailagi.
O nisi polokalame e mafai ona e pulea ai le taimi, ituaiga polokalame, ma le itula o le aso e iai lou alo i luga o le upega tafailagi. E mafai ai foi ona poloka le alu i luga o le initaneti pe afai ua tatau ona fai ana meaa’oga. E mafai ona e fa’atonutonuina i faila nei, le poloka po’o le le polokaina foi o mea e matamata ai lou alo pe a tuputupu a’e ma matua. E pei lava o polokalame uma, ia fa’afouina pea lava pea, pe a logoina mai oe i le taimi e tatau ai.
Auaunaga mo le pulea o polokalame i luga o le upega tafailagi (ISPs)
E tele auaunaga i luga o le upega tafailagi e iai foi a latou polokalame e poloka ai mea e le tatau ona va’ai iai tamaiti. O tagata e faatau mai i le ISP e masani ona maua fua ia auaunaga. E faapena foi isi kamupani e ofo fua mai lenei auaunaga. A’o isi e fua i le aoga ma le taua o le ‘setting’ o lo’o fa’aaoga i le polokalame. Afai e te le o mautinoa po’o le a le mea e fai, pe iai foi nisi au fesili, ia faafesootai le tagata o le kamupani e fesoasoani i le faiga o lau ‘device’ feaveai. O isi devices e pei o ta’aloga e iai lava faila mo le puipuia o le fanau (parent control software) e mafai lava e oe ona fai. O ala matamata (channels) a le ‘Television on Demand’ e ofo mai vaega ia e puipui ai le fanau, ae tatau ona faaaoga se upu tatala.