Fe’avea’i o tupe i atunu’u ‘ese’ese

O le money mule o le tagata na te fela’ua’ia tupe i le va o atunu’u ‘ese’ese, ae tele ina latou le iloa o lo’o latou faia ia faiga solitulafono. E le iloa po’o fea e maua mai ai tupe e sau i totonu ma alu i fafo o se atunu’u. O le upu ‘mule’ e maua mai i tagata latou te fela’ua’ia fuala’au fa’asaina mo e latou te fa’atauina. Tusa lava pe e le’i lavea le ‘money mule’ i soligatulafono na maua ai tupe – ma e na te le iloa o tupe palapala, o lo’o ia solia lava le tulafono.

O mea e ono tutupu

• O le fa’atonuina o oe e tu’u tupe i lau tusitupe, ona ave lea i se isi atunu’u e ‘ese ae totogi i se komisi po’o ua fa’afefe oe.
• O le ofoina atu o se ‘galuega’ e fela’ua’i ai tupe e fa’aaoga ai lau tusitupe.
• O le ave e tagata taufa’asese lau tusitupe e tu’u iai tupe gaoi.
• O le su’esu’eina ma molia o oe. E iloa gofie e faletupe ma leoleo le fela’ua’ina o tupe ma e tele le sala e aofia ai ma le falepuipui. O le fa’amaonia o le fela’ua’i o tupe e matua a’afia ai lau galuega, a’oa’oga, ma le lumana’i o lou lelei i le faletupe (future credit rating).

Ia puipui i le fela’ua’i o tupe

• Ia fa’aeteete i galuega e fela’ua’i ai tupe a isi mai i lau tusitupe. Ia siaki o le galuega ua ofo mai o se galuega e tusa ai ma le tulafono.
• Ia fa’aeteete i imeli e fai mai o i latou o kamupani e i fafo, ma o lo’o su’e ni o latou sui i lou atunu’u, mo le fela’ua’iga o tupe, po’o le totogiina o tupe, o nei tagata e mana’omia e  galulue mo i latou mo sina taimi. E ala ona fai ia faiga ona e le manana’o e totogi tau o mea, po’o lafoga foi.
• ‘Aua lava ne’i fa’atagaina lau tusitupe e fa’aaoga e se isi.
• ‘Aua lava ne’i fa’aalia i se isi mea tau i lau tusitupe e iai le igoa fa’aaoga (user name) ma le upu tatala (password), ona o lou le popole i lou puipuia.
• E le fa’apea o le fela’ua’i o tupe mo isi tagata e sau uo po’o se tagata o lou aiga, ona e fa’apea ai lea o se mea e tatau ona fai.
• Po’o le a lava lou mana’omia o se tupe, ‘aua lava e te a’afia i tupe fela’ua’i. Ia manatua, afai e te masalosalo e le moni se mea, atonu lava e le moni.

Afai e te masalosalo ua fesiligia oe e fai ma ‘money mule’

Ia ‘aua ne’i fa’aosoosoina oe e fai.

O nisi vaega

O tamaiti a’oga e masani ona lama e tagata taufa’asese mo le fela’ua’iga o tupe. A e leiloa le mea e fai, ia talanoa i le tagata o lo’o fautuaina oe i au tupe.

Afai ua e ta’uina au ‘details’ pe ua maua mai foi ni tupe i lau tusitupe e te masalosalo iai:

• Fa’afeso’ota’i loa le faletupe
• Ia lipotia loa i leoleo.