O encryptions uma e mafai ona faaleaogaina, i nisi faamatalaga o le ua faauilavea e mafai ona latou faaleaogaina le encryption, o le system atoa o loo faamoemoe i le eletise o loo faaogaina ma manaomia e faaleaogaina ai le encryption, o le a sili atu le taugata o lona toe faaleleiina ma e umi foi se taimi e toe faaleleiina ai.
VPNs a Kamupani
O le tuufaatasia o faamaumauga e foliga mai o se mea lelei, ae iai mea e fua iai.
Sa masani ona faaogaina VPNs mo galuega taumamao; o le iai lea o iu e lua i le itu a le kamupani ma le network faatasi ai ma le komipiuta o loo faaogaina e le tagata faigaluega. O le nei ituaiga VPNs ua tele tausaga o faaogaina lelei ma na te fuafuaina foi se ána’i le va o le komipiuta a le tagata faigaluega ma le corporate network, ma avea ai le komipiuta a le tagata faigaluega o se vaega o le network. O faailoga ia o le faamautuina o fesootaiga i le va o komipiuta e lua e pulea e se matagaluega e tasi, o loo faia ma le saogalemu.
VPNs a le Tagata Faatau
E faapei o le faataitaiga oi luga, o le fesootaiga malupuipuia i le va o komipiuta, o iu o ituaiga VPN faapea o loo i le itu o le komipiuta a le tagata faatau i le itu, ma le VPN a le server i le isi. O lona uiga, a oo ina faalauiloa ‘fesootaiga malupuipuia o iu ma iu’, e gata lava i totonu o latou lotoa. Soo se fesootaiga e le malupuipuia e te lafoina o le a puipuia lea e le VPN a lau masini poo lau komipiuta agai atu i le komipiuta a le o loo saunia le VPN, ona toe liliu loa lea i lona itu le puipuia ma faaauau ai lana malaga. O lona uiga, o le faaogaina o le nei ituaiga VPN, ua faia lea ma le faatuatua i le amiotonu a le o loo saunia le VPN.
O le nei faataitaiga, e mafai e le o loo saunia lau VPN ona iloa mea uma o loo e faia, tuatusi uma tau upegatafailagi ma faamaumauga o fesootaiga e te lafo. Ae afai o ni fesootaiga malupuipuia – mo se faataitaiga o se tuatusi tau upegatafailagi e iai le “s”i lona iuga o le HTTP ma le loka lanu meamata – e le mafai e i latou ona iloa ni faamaumauga e te lafoina. Afai e te ulu fale (log in) i lau teugatupe i upega tafailagi (online banking) mo se faataitaiga, latou te le iloaina ni igoa faaaoga, upu leoleoa, ma ni faamaumauga o lau teugatupe i le faletupe. Ae mafai lava ona latou vaaia le igoa o le Faletupe o loo e faaogaina, faatasi ai ma le lisi o tuatusi tau upegatafailagi uma na e asiasi iai, komepiuta uma na e fesootai iai faatasi ai ma e o loo saunia le auaunga tau imeli o loo e faaogaina.
O lea la, o le faaogaina o le ituaiga VPN a tagata faatau, o lou faatuatuaina lea o le auaunaga ina ia le faaogaina ni au faamaumauga i se auala le talafeagai. O le tele o nei auaunaga ua latou faapea mai latou te le teuina ni faamaumauga o ni fes otaiga i luga o le upegatafailagi, ae leai se auala e mafai ai ona latou faamaonia ia tulaga.
E tele le avanoa e mafai ai ona latou faamaumauina tuatusi tau upegatafailagi tatou te asia, ma mafai foi ona latou iloa le aano o ni a tatou fesootaiga le puipuia, ae ua tatou faatuatuaina i latou ina ia taofia le faaogaina o ni faamaumauga ma le faamoemoe e polofaila ai pe faalauiloa ai ni a latou auaunaga poo ni auaunaga foi a isi. O le tele o faalauiloa mo VPN mo tagata faatau ua faapea mai latou te faatagaina lou taufaasese o auaunaga i luga o le upegatafailagi i le mafaufau e ese le nofoaga o loo e iai pe a fua i le faafanua, ona mafai ai lea ona e faaogaina nisi o auaunaga e le o maua i lea pitonuu. O auaunaga faapei o le Netflix ma le BBC iPlayer ua latou silafia tulaga ia, ma faapea ona latou teena le faaogaina o le latou auaunaga. O nisi auaunaga ua faapea mai o le faaogaina o le latou system e mafai ai ona latou nanaina nisi o gaioiga ua fesiligia i luga o lau ISP, ae o se mea e le lagolagoina e le Get Safe Online.
O itu lelei o VPN a tagata faatau, afai o loo faaogaina le Wi-Fi hotspots, faapei o totonu o faleaiga ma faletalimalo, e faigofie ona faalogologo nisi i au fesootaiga pe afai e le malupuipuia le Wi-Fi. I le ituaiga mataupu faapenei, e le mafai e le VPN ona taofia le faauilavea, ae pei ona taua i luga, e mafai ona fetuunai faamaumauga ina ia le malamalama ai seisi. E tatau foi ona manatua i tulaga faapea, e le ua tineia ai tulaga lamatia ae ua na o le tuuina mai le nofoaga o le Wi-Fi o loo faaogaina i le komepiuta a le VPN provider.
Otootoga
- Afai o se VPN o loo tapenaina ma saunia e lau matagaluega e faaogaina ai le lato network, o fesootaiga o iu i iu ua i le va lea komipiuta ua faatuatuaina pe afai e lelei ona faamautu, lona uiga o le a saogalemu.
- Ao lei faaogaina lau VPN, mafaufau lelei:
- pe ete faatuatuaina le provider
- o le a sau fuafuaga pe afai o se kamupani i fafo atu o le UK
- pe tatau ona e faaogaina soo se Wi-Fi o matala, nai lo lau 3G, 4G poo le 5G data e sili atu ona malupuipuia.
- Poo talafeagai le VPN mo tagata faatau ma le tupe o loo e totogiina, ae ua na o le, tuleiga o tulaga lamatia.