O le sa’olotoga e fa’ailoa ai ou manatu e mafai ai e tagata ona faia ia faiga e aunoa ma le molia i le tulafono. E sa i le tulafono ona fa’asalalau ia faiga ae le o iai se malosi o i leoleo ma isi e taofi ai. O le tulafono o iai e taumafai e fa’apaleni le sa’olotoga e fa’ailoa ai ou manatu, ma lou aiatatau e te sa’oloto mai ai i mafaufauga ita o isi…ita e ala i atunu’u, lotu, ma le ituaiga tagata e iai oe. O mea o i nofoaga ‘ese’ese (websites, social networks, chatrooms) e mafai ona solitulafono pe a taufa’amata’u i se tagata po’o ni tagata. Afai o lenei ita e fa’avae i mea o i luga (e aofia ai ma tagata e le ‘ato’atoa le malosi), o le solitulafono lava lena ua fai i upu, ata, vitio, ma musika.
O le to’atele e matua lelei ma tausi le va lelei ma isi tusa lava po’o le a le atunu’u, lanu, talitonuga, tala’aga, lotu, tausaga, foliga po’o le a le itu’aiga tagata.
Ae ui i lea, e iai lava tagata e fa’asalalau le ita e i’u ai ina lagona e nisi le maasiasi, sauaina, fa’a’esea – fa’aleaga le nofo lelei o tagata, ma fa’atupu le mata’u ma le fefe.
O le faiga e fai ai mafaufauga ita.
Afai e a’afia ai oe, atonu e le o solia le tulafono, ae e iai lava sitepu e ave’ese ai nei faiga pe afai e te ita pe e te fefe ai foi.
LIPOTI I TAGATA O LO’O PULEA LE NOFOAGA
O le tele o nofoaga e le faia le faiga lenei, e tusa lava pe latou te iloa, ae fa’ataga lava ata e a’afia ma fa’aleaga ai isi. O a latou tulafono e fa’avae i mea e talafeagai ma talia e tagata. O nofoaga e fa’aaoga tele e tagata e aofia ai vitio, tala fou, ma isi, latou te ta’u mai lava auala e lipotia ai nei faiga ita, po’o auala e ave ai foi sau faitioga. E pei o le ‘o’omi o le ‘report this page’ po’o le ‘report this user’ po’o le ta’u mai foi o mea ua soli ai le tulafono, o le lipotia o fa’afitauli ma tulaga e poloka ai mea e te le fiafia iai, e maua i i:
Facebook, Instagram, Twitter, YouTube
LIPOTI I LE KAMUPANI FA’AFOE
Afai o le nofoaga (website) o se nofoaga e lagolago i mafaufauga ita po’o misa, e mafai ona e lipotia i le kamupani fa’afoe. O le tele o kamaupani fa’afoe e iai a latou aiaiga i ituaiga nofoaga latou te fa’afoeina. E mafai ona e siakiina le kamupani fa’afoe i le tu’u o le tuatusi o le nofoaga (web address) i le nofoaga (website) ma tusi ai le fesil ‘Who is hosting this?’ E mafai foi ona e fa’afeso’ota’iina le sapalai o lau upega tafailagi (internet supplier) mo nisi fa’amatalaga.
LIPOTI I LEOLEO
Afai o lo’o faia e le nofoaga nei faiga o le ita ma e te iloa e amata i lenei atunu’u, ia lipotia i leoleo.