O tagata e faia nei tulaga, latou te faia ni ‘pulega mo aitalafu togitogi pea’ e ala i le mana’o mai i mea tau ia te oe (details) o i lau card, ina ia fa’amaonia ai lou tagata ma ou tausaga, ona fa’aaoga loa lea o mea na e ave’ese ai tupe ta’i masina mai i lau account. O aiaiga o nei tupe togitogi, e masani lava ona tanumia i totonu o le maliliega ua e sainia, ae e tele ina leiloa ma misi e tagata fa’apea lava latou matua manaia tele lenei ofo ua fa’asalalau mai.
O mea e ono tutupu
- O lou fa’aaogaina o nei fa’asalalauga e aunoa ma lou iloa e uma ane ua e totogiina ni selau ma ni afe o tala.
- O lou le mafai ona fa’aleaogaina le maliliega ua saini, pe taofi foi le ave’esea o tupe mai i lau account.
O le fo’ia o le maileiina i tupe totogi
- Faitau lelei mea laiti o lo’o tusi mai ai aiaiga (terms & conditions in small print) ae e te le’i ulufale ma saini se maliliega, pe fa’atau foi se mea tusa lava po’o le a le umi o le taimi e fai ai. Ia fa’amautinoa e le’i togiina muamua le pusa o aiaiga (pre-ticked). Afai e te faia se fa’atau fa’apea ae aumai ai se aso e mafai ona e fa’aleaogaina ai pe sui lou mafaufau, ia fa’amautinoa e fa’aleaogaina (cancel) ae le’i o’o i le aso lena. Aua le avea (details) o lau account i le faletupe, i kamupani ae e te le’i su’esu’eina muamua.
- Ia pu’e se ata pe fai se kopi o le fa’asalalauga ua e tali iai ma ia maitau lona itulau i luga o le upega tafailagi.
- Manatua e tele lou avanoa e toe maua mai ai au tupe pe afai o le kamupani e i lou atunu’u. E o’o lava i kamupani o i lou atunu’u, e leiloa pe na o ni kamupani e lafo atuina oloa mai i fafo. O le tele lava o kamupani, o kamupani mai i fafo.
- Siaki lau card mo le totogiina o fa’atau pe le o iai ni tupe totogi ua alu ese, ae e te le o malamalama iai.
Pe a e lavea i nei mailei o tupe totogi
- Ia fa’afeso’ota’i vave le kamupani ina ia fa’aleaogaina le maliliega.
- Fa’afeso’ota’i le faletupe ina ia taofi tupe totogi mo le lumana’i.
- Ia fa’amautinoa ma le faletupe pe mana’omia se card fou.
- Ia talosaga mo tupe e toe totogi mai pe a fa’apea o le fa’asalalauga e le o fa’amanino mai ai ni mea e totogi, a ia e iloa, a leai se kopi o le fa’asalalauga, e ono le malo. Afai ua sui le nofoaga(website) ia fa’aaoga faila tuai a le upega tafailagi (internet archive) e su’e ai.
- Afai e te iloa ua fa’aseseina oe, ia lipoti loa i leoleo.