O ituaiga mautotogi taufa’asese
- O le tagata taufa’asese fai mai o lo’o ‘rent out’ lona fale. E masani ona lisi o lo’o avanoa aua o ia o lo’o galue i se isi mea mo ni mafua’aga ‘ese’ese – po’o le faigaluega i se fa’alapotopotoga e faia galuega alofa mo tagata, po’o galuega fa’amisionare, ina ia fa’apea ai tagata e moni lava. O le fa’asalalauga e ono iai se ata e gaoia mai i se kamupani mo fale mautotogi moni lava. E masani foi ona fai mai e le o avanoa le fale mo matamataga. E mana’o mai i le totogi o le fale mo le masina muamua ia lafo atu i le Western Union po’o le MoneyGram, ma tauto mai o le a fa’ao’o mai le ki o le fale e ala i le courier.
- O le isi auala taufa’asese o le fai mai e fa’amaonia atu e te mafaia ona totogi le rent e ala i le lafo o se tupe i sau uo po’o se tagata o lou aiga, ona lafo mai lea o se kopi o le lisiti ia te ia, ona pepelo mai loa lea na o le tagata lava o lo’o iai lona igoa i le lisiti e mafai ona talaina le tupe.
- O le tagata taufa’asese e pepelo mai o ia e fai lana pisinisi o fale ma fanua ma o lo’o iai fale mautotogi o lo’o avanoa. E sili atu le leaga o le taufa’asese lea ma e aofia ai nofoaga (websites) ma accounts pepelo i le faletupe. O le fa’asalalauga e ono iai se ata e gaoia mai i pisinisi moni. E le mafai foi ona avanoa le fale mo ni matamataga, ma e ta’u mai se pepelo i lona mafua’aga.
- O le tagata e ta’u mai o ia e iai ona fale e mafai ona vaevae atu i ni tagata se toatele i se taimi e tasi. E taunu’u mai tagata o le a nofoia fale i se aso atofaina, ae ua ‘leiloa’ le taufa’asese e aunoa ma le toe maua. O isi taimi o le tagata taufa’asese o lo’o pepelo mai o ia e ona fale, ae e mautotogi foi, e ono nonofo uma la nei tagata i ni nofoaga leaga e aunoa ma le iloa o le tagata moni lava e ona le fale.
- O se tagata e ona fale e ono taufa’aseseina e se isi o lo’o mana’o i se fale. Na te ofo atu se siaki (e masani ona aumai i se tagata o lona aiga po’o se galuega) ona mana’o loa lea e fa’aliu tupe le siaki ma se vaega o le tupe e ave i se isi tagata e ala i le Western Union po’o le MoneyGram ma se mafua’aga pepelo ua ova fa’afuase’i le totogiina, po’o se tupe e totogi ai le la’uga o meafale. E matua fa’avavevave lava aua e mana’o le tagata taufa’asese ia taunu’u mai le tupe, e le’i iloaina e pepelo le siaki.
Malupuipuia o oe mai le mautotogi taufa’asese
- Ia e matamata lelei i fale i totonu ma fafo ae le’i faia se maliliega pe totogi foi ni tupe. So’o se tagata lava e ona moni fale e fai se taimi e te alu atu ai e va’ai le fale.
- Ia va’ai le fale i se isi taimi o le aso, e pei o le afiafi po’o le po ina ia fa’amautinoa e le o nonofo ai nisi.
- Ao le’i va’aia se fale, siaki po’o ata o lo’o alu atu i fa’asalalauga e tutusa ma ata o lo’o i fa’afanua o le auala o lo’o i le Google. Afai e te masalosalo, ia e su’esu’e atili pe le o ata lava ia e tasi o le fale o lo’o fa’aali foi i isi fa’asalalauga ae ‘ese’ese tuatusi – o lona uiga e taufa’asese.
- Afai o lua feso’ota’i ma se tagata fa’atau fale i le upega tafailagi, ia vala’au pea iai i le telefoni, ma fa’amautinoa e iai sona tuatusi tumau, ma ia e alu iai i le tuatusi lena.
- Fa’aaoga ni tagata fa’atau fale ua iloga ma lelei. Atonu e le afaina le alu o au tupe ae e lelei le auaunaga ma filemu ai lou mafaufau. O se isi auala, o le fa’aaoga o nofoaga e fa’apitoa lava mo fale mautotogi (specialist renta sites) e iai a latou tagata e siakiina fale e ono le lelei.
- Fesili mo pepa fa’amaumau aloa’ia e pei o le (energy performance) ma fa’amaumauga mo le kesi. E te mafai ona e va’ai ai i pepa uma ma iloa ai o le fa’asalalauga mo le fale e moni lava ae le taufa’asese.
- Fesili i le tagata e ona le fale mo sona pepa fa’amaonia o ia lava lea.
- Siaki o le tupe totogi mo le nofo ai i le fale, e tutusa lava ma le totogi o isi fale o ituaiga la, i le talafatai e tasi. Afai ua manaia tele se mea ua tauau ina pepelo, o lona uiga e pepelo.
- Aua le lafoina se tupe i le Western Union ma le MoneyGram aua e mafai ona piki le tupe i so’o se mea o le lalolagi ae laititi pe leai foi se fa’amaoniga – e ono le mafai ai ona toe su’e le tupe pe a tala e le tagata. Ia fa’aaoga lava kamupani o i luga i le va o oe ma se tagata e te iloa ma talitonuina lelei.
- I so’o se mea pe a talafeagai ai, ia totogi le tiposi i le (credit card) aua e ono puipuia ai oe mai i le fa’aseseina.
- Afai o oe e fai ou fale rent, aua nei iai se faiga e toe fa’aalu ai se isi tupe o le totogi o le fale i se isi tagata( third party). Ia siaki pepa fa’amaonia (references) ma ia siaki lelei tala’aga o tagata mautotogi. Aua le fefe e fesili tusa lava pe le fetaui ia te oe.
Afai e te iloa ua fa’aseseina oe i mea tau fale mautotogi:
- Ia lipoti i leoleo.