O mea e ono tutupu
- O ata, vitio, upu, musika, ma le tele o isi mea taua o aso ua mavae, o le a le toe aoga i aiga ma uo, o lona uiga e ono leiloloa ma le toe maua.
- O e o lo’o fa’aauauina se galuega o le a le mafai na tapuni ni faila o lo’o i le igoa o le ua maliu.
- O le a latou le mafai foi ona fa’aauau feso’ota’iga ma isi i luga o le upega tafailagi.
Mea taua
O le mea e aupito i sili ona taua o le va’ai o faila o lo’o iai mea e totogi e tapuni pe a maliu le tagata ina ia aua nei iai se gaoi, taufa’asese, po’o le ave o tupe o togitogi pea. E aofia i nei mea ia tupe, fa’atauga, nofoaga, pili, telefoni, fa’afiafiaga, ta’aloga, ma evaga. O kamupani o a’afia i le totogiina o ia mea e fautua mai i le mea e tatau ona fai.
Puipuia o au aseta
E iai auala e fa’amautinoa ai ia aua ne’i leiloa au aseta i luga o le upega tafailagi pe a e maliu. E tele tele nofoaga i luga o le upega tafailagi ma e le mafai ona ta’u atoa atu, ae ua matou avatu nisi o nofoaga (websites) e fa’aogaina tele. O le matou fautuaga malosi lava o le tu’u o au aseta uma tau i le upega tafailagi i lau uili ma ia malu i lau loia.
Feso’ota’iga i luga o le upega tafailagi
O nisi nofoaga (sites) e iai a latou aiaiga e fai i faila pe a maliu se tagata. O isi nofoaga e iai lava faila se’iloga e tape pe a le toe fa’aaogaina…pe e fai foi iai se fuafuaga a aiga.
Api fesaga’i (Facebook)
E iai le pepa e fa’atumu e aiga po’o uo e ave’ese ai faila pe a maliu se isi, pe tu’u foi na o mea taua e manatua ai se tagata, o lona uiga o le tagata ua maliu e le toe iloa i ‘suggestions’ po’o ‘people you may know’ ae iloa lava e tagata na feso’ota’i iai. E fuafua lava i le fa’ailoa atu o mea na o oe, o aiga ma uo e mafai ona latou va’ai i mea e manatua ai oe.
E mafai e le Twitter ona tapuni faila, ma aumai faila tuai o fa’asoa fa’alaua’itele a tagata ua maliliu. E mafai pe a fa’apea e talosagaina e se tagata o le aiga po’o se isi ua filifilia. O le auala e fai ai o lo’o au’ili’ili atu i le Twitter Support site i i.
Google (e aofia ai ma le You Tube ma le Google Play)
O lo’o fai e Google se faiga i le ‘Inactive Account Manager’ e pulea ai e se tagata ua filifilia faila ma accounts e le o toe fa’aaogaina. O au aseta i le Google e aofia ai le Google+ Google Docs, Gmail, Picasa photos, you tube videos ma isi. E iloa loa ua maliu se isi, ona galulue loa lea o le Google ma lona aiga e tapuni faila i luga o le upega tafailagi. E na o nisi lava taimi e ono fa’ataga ai ona aumai mea i faila a le ua maliu.
MySpace
E teuina pe ave’esea foi e le MySpace faila a le ua maliu e ala i se talosaga a lona aiga po’o se tagata ua filifilia e tula’i mo ia. E saunia foi mea e manatuaina ai e ua maliliu.
Imeli
E fa’ataga e le Gmail ma le Hotmail ona fa’aalia faila a tagata ua maliliu, ae e iai ma aiaiga. Ae le fa’apea le Yahoo Mail.
Dropbox
E le o iai se aiaiga a le Dropbox mo faila a e ua maliliu. I le latou tulafono e tapeina faila pe a le fa’aaogaina mo aso e 90 mai i le taimi mulimuli na fa’aaoga ai.
Wikipedia
E masani ona puipui faila ina ua maliu le tagata ina ia puipuia ai mai le fa’aleagaina ma le su’esu’evale o tagata. E iai le latou itulau fa’apitoa e manatua ai e ua lava lo latou sao i le latou fa’asoa.
iTunes
E le o a’afia i aiaiga a le iTunes po’o le a le mea e tupu pe a maliu le tagata ae fai mai ‘E le mafai ona e lisiina, fa’amatu’u atu, fa’atau atu, fesuia’i, pe faia se vaega o le i le apalai ua uma ona laisene, ma a e fa’atauina atu lau komepiuta Mac po’o se isi device a le ios i se isi tagata, e tatau ona ave’ese le apalai o le laisene. O lona uiga o mea o iai i totonu e pei o musika, vitio, apps, ma mea na tapu’e e loka ai lava i totonu ma e le mafai ona ave i se isi pe a maliu le tagata. Ae ui i lea e fa’amatu’u lava e Apple faila e pulea e se tagata o le aiga, ma o le mea muamua lava o le imeli i le [email protected] e talanoa iai. Afai e ave le komepiuta i se isi tagata, e sui le igoa, imeli, upu tatala, ma isi vaega pe a fa’aaoga e le tagata o le aiga po’o se isi tagata filifilia ia faila. O se fa’ata’ita’iga lelei lea o le taua o le tu’u o mea uma lava (log in details) i totonu o lau uili. E tatau foi ona logoina le PIN (device’s passcode) aua e le aoga log in details pe afai e le mafai ona fa’aaoga faila.
E iai foi le’au’aunaga a Apple e tapuni ai faila.