O mea e ono tutupu
O le tele o nofoaga e fa’amaoni i lo latou su’esu’eina ma lagolago i tagata faigaluega lelei. Ae o nisi nofoaga, e le o iloa mai ai se fa’amaoniga o nei tagata e masani i galuega, lava le iloa, pe e lelei foi fa’ailoga. Pau lava le mea e mana’o ai o le totogi atu o le tupe (fee). O isi taimi o tala’aga o le aufaigaluega e aumai e isi nofoaga (website) e fai pepelo. Afai e te talitonu i taimi uma o se tagata e sau e fai se galuega o se tagata e matua lelei i itu uma, e ono tutupu mea nei ia te oe:
- E i’u ane lau galuega, o se galuega e le lelei ona fai.
- O se galuega e matua leaga ma lamatia ai ola.
- O se galuega e le fa’amaonia, po’o le fa’amaoniaga foi e le aoga, e ono alu ai i lalo le tau o lou fale / fanua.
- O tagata faigaluega e leai se inisiua mo a latou galuega.
- O lou totogiina o tupe e sili atu nai lo rates masani o le maketi mo le galuega.
- O tagata pepelo e mana’o e totogi muamua mea e fai ai galuega, ae uma ane ua sola ma lau tupe.
Malupuipuia o oe ma lou fale / fanua
- A o le’i filifilia se tagata e faia lau galuega, ia e su’esu’e i le upega tafailagi mo molimau lelei ma leaga, ae le na o tusitusiga a nofoaga (websites).
- Ia lua feiloa’i lelei e talanoa i le galuega, a le o lou fale, o le mea e fai ai.
- Ia aumai le tuatusi ma le telefoni o lana pisinisi, ma ia e fa’amautinoa e moni ma fa’amaoni.
- Ia fa’amautinoa o le tagata / kamupani e lava le iloa ma le poto masani e fai ai lau galuega i le mea e te mana’o ai.
- Ia maua se tau tusitusia o le galuega pe fia, ae le’i fa’atonuina e amata.
- A e totogiina se tupe muamua, pe togitogi foi ao alu le galuega, ia aumai ni lisiti tusitusia e ta’u mai ai pe fia le tupe ua totogi ma le mafua’aga.
- Ia fai foi se lisiti mo le totogi mulimuli o le galuega, po’o tupe uma ua totogi pe afai o le galuega uma.
- O isi tagata taufa’asese e ave le tagata e ona le galuega i le faletupe, e aumai ai se tupe tele i tua ma lona talitonuga o le totogi muamua lea o le galuega. Afai e tupu lena mea ia te oe, ia ta’u i lou tua’oi po’o se tagata faigaluega o le faletupe o lo’o fa’apopoleina oe.