E le fa’atagaina e le Google ona totogiina ni tupe mo ‘au’aunaga mai i le nofoaga aloa’ia, ae le mafai lava nei nofoaga kopi. E tatau ona latou fa’ailoaina mai o le ‘au’aunaga e fai fua, pe le tele sona tau, ae o lea fe’au, e masani a le matamatanini’i i lalo, e matua leai lava.
Mea e ono tutupu.
- O le ta’ita’iseseina o oe e totogi se tau maualuga mo ‘au’aunaga e mafai ona e maua i nofoaga (site) a le malo po’o itumalo i se tau fetaui. E iai:
- Tusi folau
- Pepa fanau ma Pepa maliu
- Laisene aveta’avale ma isi laisene
- Su’ega aveta’avale
- O le ta’u mai o se nofoaga kopi e na te gaoioia vave ma fa’afaigofie mea uma, ae le iloa e mafai lava ona e faia e oe.
Su’eina ma Fa’atau mai i Nofoaga aloa’ia e malu.
- ‘Aua le fa’aaogaina vave se nofoaga (website) e te muamua lava e tau atu iai, e tusa lava pe foliga e moni ma o lo‘o e fa’avavevave foi.
- Ia e iloa o tagata taufa’asese e masani ona latou faia ni nai suiga laiti i nofoaga, e pei o le sui o le numera ‘0’ i le mata’itusi ‘o’.
- Ia lava sou taimi e va’ai ai le nofoaga moni. E masani ona iloa e aloa’ia, pe a iai se fa’ailoga o le matagaluega (logo) ma nisi feso’ota’iga e taugofie pe la’ititi foi sona tau.
- Afai e te filifili e fa’aaoga se nofoaga e le aloa’ia mo ‘au’aunaga, ia fa’amautinoa o le itulau e totogi ai e malu ma ia amata i le ‘https://’(s mo le secure) ma e iai se loka i le fa’amalama o le fa’asino (browser). Ae ui i lea, e le mautinoa le malupuipuia aua o nofoaga e fai e le ‘autaufa’asese e mafai lava ona malu mea e totogi ai.
Afai e te iloa ua fa’aseseina oe i le totogi o tupe e sili atu, ona ua e fa’aaogaina se nofoaga le aloa’ia:
- Fa’afeso’ota’i le nofoaga ina ia toe totogi mai lau tupe ma fai iai ua fa’aseseina oe.
- Fa’afeso’ota’i le matagaluega a le malo po’o le itumalo e lipoti iai le nofoaga kopi lea.