Nofoaga o faatautu’i

O mea e ono tutupu

• O faleoloa / sites pepelo e faatauina oloa ma auaunaga e le o iai. 
• O lou maua mai o ni oloa e le tutusa ma le mea na faasalalau mai. 
• O le le maua mai o oloa na e totogiina. 
• O le le totogiina mai o ni oloa ua e faamatuu atu. 
• O le faatauanau o oe e faatau vave atu se oloa mo se tau laititi. O tau lelei lava faatoa maua i le iuga o le faatautu’i. 
• O le gaoia o lou identity i faatautu’i ma faaaoga e faasese ai nisi tagata. 
• O le gaoia o mea tau ia te oe ma au tupe ma faaaoga e faasese ai isi. 
• O imeli taufaasese mai se faatautu’i poo se site o le upega tafailagi e foliga e moni, ae o tagata solitulafono o loo taumafai e tata’i oe i se website pepelo, ina ia maua ai au log-in details mo lau account i luga o le upega tafailagi.

Ia malu le faaaogaina o faatautu’i i luga o le upega tafailagi

• Afai e te fou i faatautu’i i luga o le upega tafailagi, ia faitau lelei tulafono o loo aumaia e kamupani faatautu’i, ina ia e malamalama pe faapefea ona fai.
• Ia e malamalama i mea e fai e le kamupani e faia le faatautu’i, ma mea latou te le faia pe a o’o ina iai se mea e tupu mai.
• Ia faaaoga se igoa e te ‘log-in’ ai, e ese  mai i lou tuatusi.
• Ia faafou pea au numera o fesootaiga, e aofia ai ma lau imeli.
• Ia vaavaai lelei tagata e faatau atu ma faatau mai i lau kamupani, poo ni tagata taitoatasi poo ni faleoloa i luga o le upega tafailagi. Vaai lelei a latou profiles, pe e lelei o latou tala’aga.  O le tele o isi paaga e fou, ma e le lava so latou tala’aga e iloa ai pe e lelei pe leai,  o le mea lena e tatau ai ona mata’itu.
• Afai o se pisinisi, ia siaki pe moni pe leai. Afai e iai se telefoni ma se tuatusi, ia vili iai. O e e faatau mai i fafo atu o le UK, e faigata tele ona tulituli pe a iai se faafitauli e tulai mai.
• Siaki lelei ‘privacy policies’ ma ‘returns policies’ a faleoloa e faatau mai i luga o le upega tafailagi.
• Ia e manino lelei i le tau o le kilivaina ma le aveina o oloa i luga o vaa (poo aofia ai i tupe o le a e totogia, afai e leai, poo manino lelei mai i tuutuuga.)
• Ia e manino i auala e totogi ai oloa, ma pe iai foi nisi totogi faaopoopo.
• Aua le soona faailoaina fua mea tau ia te oe (personal information) i e e faatau mai pe faatau atu.  Ua lava le tuatusi e kiliva mai iai, pe ao atu ai foi oloa faatau.
• Ia siaki uma faamatalaga (details) o se mea e faatau mai ae le’i totogiina.
• Ia siaki fesootaiga a oe ma isi kamupani pe e le o polokaina e ‘spam’ (imeli soona lafo mai e isi tagata e leai se aoga). Ia siaki lau faila mo spam.
• Aua nei faaosoosoina oe e isi tagata e vave tapuni pe faatopetope se faatautu’i.
• Ia e faamautinoa lelei ua totogi mai au oloa ae le’i faamatuuina atu.
• A totogi se tupe i se tagata e toatasi, aua le totogi sa’oina le tupe i lana account, ae faaaoga se auaunaga e malupuipuia lelei, e pei o le PayPal e totogi ai, mai i le tasi ‘electronic account’ i le isi.

 Ma ia manatua pea:

• Ia faaaoga passwords malolosi. Aua nei faailoaina i se isi au passwords e totogi ai oloa pe faaaoga i faatautu’i.
• Afai e te iloa ua osofaia lau account poo au tupe totogi mo oloa i le faatautu’i, ia e gaioi loa  e foia le faafitauli. Ia siaki lelei auala e maua ai fesoasoani mai i le kamupani o loo faia le faatautu’i.
• Ia e faaeteete i le kiliki o links poo fesootaiga i imeli e soona lafo mai. E lelei atu le enter sa’o o le tuatusi o le website o le faletupe i lau browser, poo le faaaoga o se bookamark na e faia o loo iai le tuatusi sa’o.
• Afai e te faaaogaina se card, manatua o credit cards lava e aupito i sefe nai lo se isi auala e totogi ai oloa, pe a o’o ina faaseseina oe, pe le kilivaina mai au oloa, poo tulaga foi tau guarantee o au oloa.
• A totogi au oloa poo le card poo luga o le upega tafailagi, ia malupuipuia i itu nei e lua:
  • E tatau ona iai se faailoga o se loka i le fa’amalamalama o le browser e oso mai pe a e taumafai e te lesitala. Ia faamautinoa o le loka e le o aofia i totonu o le itulau, (e iloa mai ai o se website taufaasese).
  • E tatau ona amata le tuatusi i le :’https://’. O le ‘s’ e    mo le ‘secure’ (malupuipuia).
• O le fesootaiga o i luga e ta’u mai ai o loo malu le va o oulua ma le tagata e ona le website, ae le ta’uina mai ai pe e malutia le website pe leai. E tatau ona e siakiina vaega na, i lou vaai i le sipelaina o upu, o nisi upu faaopoopo, poo nisi foi mea e foliga mai e le o sa’o.
• Ia e ‘log-out’ o sites na e ‘log-in’ iai. E le faapea e malu ai lau komepiuta pe a na’o le tapuni o lau browser.
• Ia teu malu au lisiti.
• Ia siaki credit cards ma tala o tupe pe a uma sau faatauga, ina ia sa’o le tupe ua totogiina, ma e le o iai se taufaasese ao fai le faatau.
• Ia faamautinoa o lelei ma galue polokalame e puipuia ai au faila, e pei o antivirus, antispyware, software ma le ‘firewall’ ae e te le’i faaaogaina le upega tafailagi.

 Mo nisi fa’asalalauga

eBay’s advice on using the site safely, including safe buying and selling and avoiding scams.