O nisi vaega fa’atalatalanoa i luga o le upega tafa’ilagi o upega tāua e fa’aaogā e nisi kamupani ma tagata e fa’alaua’iteleina le latou feso’otai ma nisi ma momoli atu ai nisi feau e fa’atosina.
O le fa’anatura o vaega fa’atalatalanoa – o le iai o ni tagata to’atele e te lē o silafiaina – e uiga la e iai ni tulaga e te ono a’afia ai mo tagata solitulafono i luga o le upega tafa’ilagi.
O A’afiaga
- Le fa’ailoaina o fa’amatalaga e patino ia te oe mai ia oe po o nisi uo ma tagata masani.
- Sauaina
- O le saili fa’amalosia i luga o le upega tafa’ilagi
- Avanoa e maua ai fa’amatalaga e lē tala feagai mo tagata ma latou soifuaga
- O le taufa’ase’e i luga o le upega tafa’ilagi ma le sauaina o tamaiti
- O le tau atu i tala e matuia, tulaga ese, po o le fa’ailoga lanu i natura, po o fa’atinoga e fa’aita tagata ma amio fa’aitagia.
- Tagata o lo o taumafai e tauanau ma fa’asauaina ai oe e te suia ou talitonuga, pe tauaveina se talitonuga matuia.
- O le molia o oe ina ua tuuina i luga tala le popoi ma le lē fetaui.
- O imeli e fa’afoliga e o’o msai vaega talatalanoa, ae o lo’o fa’aosoina oe e te asiasi i nisi vaega fa’aletonu i luga o le upega tafa’ilagi.
- O manatu o uo, ma nisi tagata, ma tagata o lo o una’iina oe e te asiasi i nisi vaega fa’aletonu i luga o le upega tafa’ilagi.
- O tagata o lo o talepeina pe fa’aaogāina lou aitalafu po o lou itulau.
- O vaiarusi po o vaega fa’aletonu o lo o afifī i totonu o vaega pipi’i o feau e te maua po o ata.
- O oe po o se tagata o le aiga o lo o fa’asalau o le ā e alu i se malaga tafao ma e te fa’asilasila e te le i ai i le fale, o se avanoa e asiasi mai ai talepefale. A fa’apea e te taumafai e fai sau talosaga e tau fa’atupeina mea ua gaoi i kamupani e sefeina au meafale, e mafai ona tete’eina ona o lenei mafuaaga.
- O le fa’aaogāina o vaega talatalanoa lou aitalafu mo nisi mafuaaga e te lē o silafiaina, i lo le tausiina o lou aitalafu, ae o le fa’atau vaega o lou aitalafu i nisi fa’alapotopotoga.
- O vaega talatalanoa o lo o afāina i le talepeina, e afāina ai foi ma oe.
O le Sefeina o Vaega Talatalanoa
- E mafai ona e fiafia e fa’aaogā vaega talatalanoa i le tausiina o nei ta’iala faigofie.
- ‘Aua le avea o le fa’aosoina ma mea e fai mai e nisi tagata e fa’amalosia ai oe e te fai se mea e te lē mana’o e te faia.
- Fa’aeteete lou fa’asalalauina tala e mafai ona fa’ailoa mai ai oe – i luga o lou itulau po o ou manatu fa’aalia – pei o numera o telefoni, ata o lou fale, ma lou fale faigaluega, po o aoga, lou tuatusi ma lou aso fanau.
- Fa’aaoga se igoa e le a’afia ai nisi tulaga e tau ia te oe. O se fa’ata’ita’iga, “joe_carribbean”po o “jane_leeward” o filifiliga sesē.
- Fai se imeli ese e resitara ai ma maua ai imeli mai lenei vaega. O le auala lea, pe a fa’apefea e te fia fa’agataina lou fa’aaogaina o lenei itulau, e mafai ona e fa’agataina lou fa’aaogaina o tuatusi imeli. O le fausia o se imeli fou e faigofie ma e vave ona fa’atonuina mai kamupani lauiloa pei o Hotmail, Yahoo! Mail po o le gmail.
- Fa’aaogā pasiupu malosi.
- Tapuni lou itulau ma fa’ataga na’o au uo e mafai ona vaai i lou itulau.
- Faitau i tulafono e fa’aaoga ai vaega talatalanoa i le fa’aaogāina o au mea e patino ia te oe. E pei e foliga o lo o nanāina i totonu ‘upu itiiti’.
- O mea o lo o tutupu i luga o le upega tafa’ilagi, e tumau i luga o le upega tafa’ilagi. ‘Aua e te faia se tala pe tu’u I luga ni ata e faatupu ai le vevesi i le va o oe ma nisi tagata.
- ‘Aua e te tu’u i luga ni manatu fa’aalia e afāina ai finagalo a nisi tagata po o vaega o sosaiete.
- Ia e silafia mea o lo’o tu’u i luga e au uo, po o tali i ou manatu fa’aali, ae maise e uiga i mea e patino ia te oe ma au gaioiiga.
- Manatua e silasila pea e kamupani itulau o tagata faigaluega i luga o vaega talatalanoa, ma ia e mataala po o a ou manatu e fa’aalia, ou ata e te tu’u i luga ma lou itulau.
- ‘Aua e te fa’asilasila aso e te malaga ai – po o ata o lou aiga a o e malaga ese – auā o vaega talatalanoa o se auala e fiafia ai talepefale e su’esu’e ai fale e talepe.
- Ia e iloa e fa’aaoga fa’alelei le vaega. Fa’aaoga tulaga puipui e mafai ai ona taofi ai le so’ona silasila ai se tagata ese i lou itulau. Ia e mataala po o ai tagata e te talia i lou vaega.
- Ia e mataala I vaega o lo o taumafai e saili tupe, pei o talosaga pepelo mai tagata ma manatu fa’aalia mai tagata po o kamupani o lo o valaaulia oe e te asiasi nisi itulau ma vaega.
- A fa’apea e te lē afāina I se tulaga fa’aletonu, ae ia e aveeseina ma tapē mea sa e fiafia i ma app eseese mai lou aitalafu.
- Taumafai ina ia fa’aaogā vaiarusi puipui e fa’aalu ae e te le I o’o i luga o le upega tafa’ilagi.
Mo nisi Fa’amatalaga
Asiasi i nisi vaega talatalanoa ma latou itulau puipui i luga o le upega tafa’ilagi: