Peita’i, e iai ona itu leaga…. Afai e pe le eletise, e ono mafai ona lokaina oe i fafo o lou fale. Ae o le tele o taimi, o ni fa’afitauli e tutupu e mafua ona o le feso’ota’iga fa’aualesi o lau masini. E mafua nei mea ona e le o malamalama le tagata i le puipuiga o mea nei. O isi taimi, e mafua ona o le leaga o le fa’atonuina e le kamupani na gaosia le masini, i auala e puipuia ai. O se fa’ata’ita’iga, e tasi le upu tatala (password) ua fa’aaoga i masini uma ua fa’atauina.
Mea e ono tutupu
- O ni mea ua fa’asoaina mai lau masini atamai (smart device) ua fa’aala ese fa’asolitulafono e nisi. E mafai ai ona latou tapeina ni au masini puipui (security systems), e mafai ona latou suia le vevela o lou fale ma tu’u i le vevela maualuga, e mafai ona latou iloa le mea tonu lava o lo’o iai lau fanau pe afai o lo’o o latou fa’aaogaina le latou ma’a eletise (tablet), e mafai fo’i ona latou va’aia ou gaioiga uma e ala atu i ni mea pu’e ata a oe lava o lo’o i totonu o lou fale
- O ni mea ua ao e le kamupani na gaosia le masini – o mea nei e tatau ona fa’aaoga mo le fa’aleleia atili o le masini, pe fesoasoani fo’i i su’esu’ega o ni auala e fa’aleleia atili ai le masini – e ono fa’aaogainale kamupani na gasosia le masini po’o ni tagata ese, e fa’afeso’ota’i ai oe i ni maketi fa’atosina (marketing campaigns)
- E mafai ona mauaina e kamupani o lo’o gaosia masini, ma kamupani o lo’o faia polokalame (app) nei ni fa’amaumauga e patino ia te oe, atoa ai ma ou gaioiga masani e te le mana’o e iloa e nisi. Ia mautinoa o lo’o saogalemu ma malu puipuia lou fale.
Ia mautinoa o lo’o malu puipuia lau upega o feso’ota’iga
Va’ai le itulau o lo’o ta’ua o le ‘Feso’ota’iga fa’aualesi ma le Fa’alauteleina o lau Feso’ota’iga’.O masini o lo’o mo’omia ai sau upu tatala (password) e te feso’ota’i ai i lau Wi-Fi, e tatau ona e suia le upu tatala (password) na aumai e le kamupani i se upu tatala (password) fou ua faia lava e oe. Faitau i le itulau o lo’o iai fautuaga e uiga i upu tatala (password) Aua lava ne’i fa’aaogaina se upu tatala (password) o se tasi masini e fai ma upu tatala (password) o se isi masini. Aua fo’i ne’i fa’aaogaina upu tatala (password) na mo se isi mea i luga o le upega tafa’ilagi. Ia mautinoa o lo’o iai puipuiga fou o lo’o i luga o le upega tafa’ilagi e puipui ai au komepiuta ma telefoni fe’avea’i, ma ia iai ni numera tatala (PIN/Passcode) e malupuipuia ai masini nei. Siaki uma polokalame o lo’o feagai ma au masini ma ia mautinoa ua fa’afou uma pe a maua le fa’asilasilaga ua tatau ona fa’afou. Ia to’aga fo’i e asi le itulau o le kamupani na gaosia le masini ina ne’i iai ni fa’asilasilaga taua, leaga e iai taimi e tuai ai ona fa’asilasila i totonu o polokalame (apps). A mafai, taumafai e tape ni polokalame e mafai ona fa’atonuina mai i ni nofoaga mamao, mai masini e malolosi fa’aualesi pe afai e le o fa’aaogaina. Ia e manatu, afai e te fa’atauina se masini ua lauiloa, po’o se masini mai se kamupani lauiloa, o lona uiga ua fa’atauaina e lena kamupani le puipuiga o lau masini – atoa ai ma le puipuiga o oe ma lou aiga
Afai ua afaina oe i ni gaioiga le fa’amaoni (fraud) ona o lau masini po’o se isi lava mafua’aga, lipoti fa’avavevave i leoleo