Pe e te usita’ia mea ua fai mai ai le tagata taufa’afefe, e le mautinoa pe o le a uma ai lana amio, e le mautinoa fo’i pe na te tu’uina pea i luga le lipine i le upega tafa’ilagi. O mea e ono tutupu, o le masiasi o le tagata, e mafai fo’i ona o’o i se tulaga ogaoga ua fa’amanu’a ai e le tagata o ia lava, po’o le pule fo’i i le ola. O ali’i ma tama’ita’i o so’o se tausaga, i so’o se nofoaga, e ono a’afia i tulaga nei, aua o tagata tau fa’afefe mo se tupe i mea pu’e ata (webcam), e tele ina nonofo i atunu’u mamao, e faigata ona maua ina ia molia ai i le tulafono.
Mea e ono tutupu
- Ua mafana le lua mafutaga ma se isi tagata i luga o le upega tafa’ilagi, ma ua umi se taimi o le lua masaniga, ua fai atu nei ia te oe e tatala ese ou ofu ma fai ni gaioiga mataga i luma o le mea pu’e ata (webcam). Ae fa’ato’a iloa mulimuli ane, e i se kegi po’o se tagata taufa’asese.
- Ua fa’atonuina oe e ni au uo e tatala ese ou ofu, ae mulimuli ane ua toe fa’afefe lava oe e tagata e tou te masani, po’o le o’o fo’i o le lipine i ni tagata ese.
- E fa’afefe oe mo tupe pe a e le faia ona mana’o, pe na te suia fo’i tulaga ma molia oe i le tulafon. O se fa’ata’ita’iga, o le fa’amalosi po’o ni gaioiga mataga i tamaiti.
O le puipuia o oe mai le taufa’afefe mo se tupe i mea pu’e ata (webcam)
- Tete’e i ni tulaga leaga e ono a’afia ai oe e pei o le fa’atonuina o oe e tatala ese ou ofu po’o le fa’atinoga o ni amio mataga i luga o le upega tafa’ilagi. E te le iloa po’o ai o lo’o matamata atu iai.
- Manatua, o a ni mea e tu’uina i luga o le upega tafa’ilagi e ono tumau ai lava.
- Ia e mataala i tagata e te vala’aulia po’o tagata e vala’auliaina oe i luga o nofoaga i le upega tafa’ilagi.
- Aua ne’i talia ni vala’aulia mai i tagata e te le masani ai.
- E te le faia fo’i i aso masani o le olaga.
- Fa’afou i taimi uma le puipuiga o au polokalame i luga o le upega tafa’ilagi ina ia iloa mai na o i latou e tou te masani au i accounts.
- Afai fo’i e te fa’aaogaina ni nofoaga o feiloa’iga fa’aulugali’i, ia fa’aaoga se isi igoa e ese mai i lou igoa sa’o. E faigofie pe a fa’aaoga nofoaga e pei o le Hotmail, Yahoo!, Mail po’o le gmail.
- Vave poloka nisi e fai ma fa’alavelave ia te oe, matagata taufa’asese. Lipoti tagata nei i le sauaina.
- Afai ua afaina oe i ni taufa’asese, aua e te toe tali atu i mana’oga a le tagata taufa’afefe mo se tupe ae lipoti i leoleo ma nisi nofoaga (website) o lo’o feagai ma fa’afitauli nei.
- Afai e te iloa ua e fa’ailoa atu fa’amaumauga o lau tusi tupe, vave fa’afeso’ota’i le fale tupe (bank) po’o le kamupani na faia lau tusi tupe (card)