O le fa’ata’ita’iga o mea pu’eata o (IP cameras) mo le malupuipuia o se nofoaga, o masini e va’ava’ai ai pepe (infant monitoring) o masini e pulea ai le vevela, o TV, o mea e fa’aaoga i fa’afiafiaga (entertainment devices), o moli, pusa’aisa ma le tele o ta’avale fou ua fa’aaoga nei, ma isi mea fa’apena. O mea uma nei, ua tele lava ina fa’aaoga le upega tafailagi e ta’u mai ai lo latou lelei ma le aoga. O le tele o nei mea e feso’ota’i i le Wi Fi i le fale po’o le pisinisi, e mafai ai e le tagata ona va’ava’ai ma fa’atonutonu lo latou aoga, e aunoa ma le fa’aaogaina o le telefoni fe’avea’i po’o se isi device.
Mo kamupani tetele, fale gaosimea, fale fai eletise, o masini mo le soifua maloloina, o masini mo femalaga’iga, ua alualu i luma lo latou feso’otai, ua mafai ai ona feso’ota’i 24/7 i le pule o le fale faigaluega, o’o atu ai i le CEO, tusa lava po’o fea o le lalolagi o iai.
O mea e ono tutupu.
-Ae ui i lea, talu ai ona o nei meafale ua feso’ota’i i le upega tafailagi, e pei lava o komepiuta ma devices, e ono pulea ma osofa’ia mai fafo. Ae o le mea e sili ona mata’utia, o le le talitonu lea o le to’atele o tagata e mafai ona osofa’ia nei mea.
E pei e malie le manatu e le tupu lenei mea, e iai se isi tagata e mafai ona osofa’ia lau pusa’aisa. Ae ua iai mea ua tutupu i IP CCTV a aiga ma pisinisi, ua osofa’ia ma ua sipai ai tagata leaga i mea o fai a aiga, ma fa’asalalau i luga o le upega tafailagi, ina ia matamata ai le lalolagi atoa.
O le fa’afitauli ma le mea e sili atu ona leaga ua tula’i mai, o le fa’aali atu lea i tagata uma mea a lou aiga o lo’o fai, i totonu o lou lava fale.
Po’o le mea pu’eata a lou aiga po’o se pisinisi ua osofa’ia, o le malupuipuia o mea tau oe lava i lou fale, o lou aiga, o lau pisinisi, o au tagata faigaluega ma tagata fa’atau, ua le malupuipuia.
O le malupuipuia o nei mea.
So’o se meafale lava e te fa’atauina, ua polokalame ia feso’ota’i i le ‘router’ e fa’asinoina le mea e alu iai le ‘data’ (information) e tusa ai ma lona aoga, ma e iai o latou upu tatala (passwords). O nei upu tatala e fai lava i le fale na gaosi ai le meafale. Matou te fautua atu ia:
- Sui le ‘default password’ (upu tatala pe a leaga) i se upu e faigata ona mate, ae mafai ona e manatuaina. Aua le ta’uina i se isi. Faitau a matou fautuaga i le Read our advice on passwords here.
- Ia fa’amautinoa o malupuipuia lau Wi Fi i le Wi-Fi is secured i le WPA2 ma aua le ta’uina le ‘code’ e ulufale ai, i se isi e le tatau ona iloa.
- Faitau fa’atonuga a le fale na gaosi ai aemaise lava le feso’ota’iga i le upega tafailagi. A le manino, fa’afeso’ota’i le fale na fai ai le meafale.