O mea ogaoga lava e ono tutupu, o le fa’auo lea o lou alo i se isi o mulimuli ia te ia (stalking) fa’amata’u e tagata ese po’o tagata na te iloa, fa’aseseina e tagata i auala eseese, ma le gaoia o mea tau ia te ia ona o le fa’ailoa fua i nisi. Ma e ui foi ina faigata ona e talitonu iai, e le iloa po’o lou alo foi le isi tagata o lo’o faia ia tulaga i nisi. Ia a’oa’o lou alo e fa’auo i na o tagata na te iloa ma talitonuina lelei. Ta’u iai o le fa’ailoa atu o mea tau ia te ia lava (aso fanau, tuatusi, igoa o lana fagafao, igoa o le faiaoga) e ono lamatia ai ia i le lumanai. Fai iai e aua le ’o’omiina fesootaiga (links) ma aua le kopi mai i nofoaga (sites) o asiasi iai. Ia faaaoga upu tatala e malu. O le tele o faila a tamaiti e osofaia e tagata, ua sui, pe fai foi iai nisi mea e le talafeagai. E ono tutupu foi nei mea pe a so’ona fa’ata’atia solo lana device. Ia ulufafo ma le nofoaga (log off the site). O le mea maualuga lava ia sau ia te oe po’o se isi tagata matua na te faatuatuaina, pe afai ua na va’aia pe faia foi se mea le lelei i luga o le upega tafailagi. O mea uma lava o i luga e apalai foi i fesootaiga i feau faavavave (instant messaging). O nisi nei o aiaiga i luga o le Facebook ma le Twitter, o ni kamupani iloga i le upega tafailagi.
Facebook (Api fesaga’i)
O le Facebook o le fesootaiga lea e aupito i sili ona lauiloa i le paneta. E aofia ai i nei fesootaiga fautuaga uma lava ua avatu i le ‘Social Networking & Instant Messagng’ e apalai i le Facebook (o le taufa’amata’u, taufa’asese, mulimulita’i i isi, o osofa’iga, ma mea uma fa’apena). Talanoa ma lou alo e uiga i fesili nei:
- E te iloaina lelei au uo?
- O ai na te mauaina mea e te tuuina i luga o le Facebook?
- Ia e pulea ma puipuia mea e te tuuina i luga o le Facebook.
- O a ni foliga o lau itulau (profile)?
- E te iloa faaaoga le ‘Graph Search’?
- E fa’apefea ona e fa’afoeina suiga o le ‘Hidden from Timeline’?
- E fa’apefea ona e faaaogaina le ‘Friends List’?
- E te iloa tape pe ave’ese lau account?
Twitter (fe’au pupu’u)
O le Twitter o se fesootaiga e pupu’u ona fe’au (tweets). E 500 miliona tagata lesitala latou te faaaogaina ma o se fesootaiga e tele tagata e asiasi iai ma ua toatele foi tupulaga ua fiafia iai. O le mea taua lava e tatau ona ta’u i lou alo o le ‘alo’alo ese ma tweets e taufa’amata’u ma aua ne’i ‘o’omiina fesootaiga e pepelo. Mo nisi tulaga e uiga i nofoaga o fesootaiga, fesootaiga fa’avavevave, ma potu o talanoaga, ia ‘o’omi i (click here.).